عرض للطباعة
انا معاية هيونداى النترا2012 وللاسف وانا واقف فى اشارة مرور دخلت فيا عربية من ورا ربنا ينتقم منة ويبتلية بمصيبة كبيرة ان شاء الله المهم كسر الاكصدام والفنوس الشمال والرفرف الشمال وطبعا ماخذتش منه ابيض ولا اسود انا مش عارف اعمل حاجة جبت الونش رفعها لحد البيت وسايبها انا مش عارف اعار الحاجات دى والتصليح يكلف اد اية وياريت لو حد يعرف سمكرى كويس يقول لى علية وجزاكم الله كل خير
لا حول ولا قوه الا بالله
ربنا يعوضك خير ان شاء الله
في سمكري في الحرفيين تسيب سمير علي على شمالك وتمشي اول دخله شمال على ناصيتها محل استيراد امريكاني
تدخل المربع على الشمال وتسال على ادهم السمكري هتلاقي في ناس كتير تبعه متتكلمش مع حد في اسعار لحد ما يجي ادهم وتجيب معاه الاخر خالص خالص وهو كده كده غالي سنه بس شغله نضيف والراجل الي بيرش تبعه محترم نضيف اوي
وفي برضو واحد تاني برضو اسمه صلاح ارنب تسيب برضو سمير على على شمالك وتدخل اول او تاني يمين بعده على طول وتسال على صلاح ارنب هو ورشته بعد ورشه سيد حواجب على طول وسيد حواجب معروف جدا
واسال برضو عند سمير على هو غالي جدا بس انضف واحد في الحرفيين الحقيقه
وعندك برضو واحد اسمه دبوس مش فاكر مكانه فين في الحرفيين وبرضو شغله على ابووه
وربنا يكون في عونك الحقيقه
ومتتحسبنش في حد صدقني انت من غلك بتتحسبن وانت مظلوم ربنا اكيد ياخد لك حقك ولكن
دعوه المظلوم ترفع الي السماء ويتلقاها ملك ويقول ان شئت استجبنا لك واستجبنا لغيرك في ما معناه
انك مظلوم ممكن يستجيب دعوتك ولكن هيستجيب برضو لحد انت ظالمه وداعي عليك
قدر الله وما شاء فعل
انت مكانك فين يا باشا
شوف ورشه نايل موتورز في الحرفيين
انت قولت ونش ..؟؟؟؟ يعني فية حاجة في العفشة .. ؟؟؟ العجل اللي ورا اخبارة اية ..؟؟؟؟؟
يعني لو كدة وفية حاجة في العفشة .. إبداء بيها الاول قبل السمكرة والدهنات
لو عفشة لازم حد يكشف عليها ويقدرلك قطع الغيار واية اللي ها يتعمل فيها من ورا
وغالبا ها تلاقي فية شيء في الشنطة كمان لان الخبطة اللي تكسر اكسدام دي ها تطول الشنطة ...
وبعد كده سمكرة ودهانات .. وغالبا الجنب الشمال ( الرفرف ) جيبة حتة وحده .. لان السمكرة مش ها تظبطة زي الاول
....
....
....
...
ربنا يكون في العون
انتا لو محتاج حد معاك (( هيونداي تيم معاك )) نجيلك (( مجانا )) يعني من غير فلوس ومش عاوزين حاجة غير اننا نساعد اي حد محتاج مساعدتنا ونقف معاك كمان ....
الحقيقة انا بشكر كل اخواتى فى موقع نايل موتورز على الاهتمام انا رحت الحى السابع فى مدينة نصر لواحد اسمة رضا هو الصاج بتاع الرفرف الشمال كان ماسك فى العجل والحمد لله بعيدة عن اى ميكانيكا فى العربية يعنى ممكن اقول رجع العربية بنسبة 95% ظبط الشنطة والسوكة بتاعت الرفرف هايل مش باين اى خبط خالص الحمد لله
الحمد لله