الموضوع: ضرورى 2013 Toyota Corolla أم Opel Astra 2013

انا حكلمك عن التويوتا لانها كانت معايا
1- الثبات معجبنيش و الفرامل ضعيفة و كماليات متوسطة حتى فى الهاى لاين
2- سعر اعادة البيع للكورولا لأنها يابانى و الاوبل بيخسر كتير فى اعادة البيع
3- قطع الغيار مش عارف و اسأل عن تيل الفرامل و فلتر البنزين و فلتر الهواء و فلتر الزيت و البوجيهات و الحاجات اللى بتتغير فى صيانة العربية
كشكل خارجى و داخلى الاسترا افضل و توكيل التويوتا محترم جدا و الاوبل تبع منصور سمعته مش كويسه لكن
بصراحة ابعد عن التويوتا لأنها مملة جدا فى كل شئ فى شكلها و تابلوها الفقير جدا و ثباتها غير مقبول و تحس انها عربية موديل 5 سنين فاتوا
اما عن الاوبل فليس لى دراية بها و لو انا مكانك حفكر فى الفانتازيا اول فئة اتوماتيك ب 175 الف أو رينو فلونس توب لاين ب 167 الف فيها كل الكماليات اللى تتخيلها و فى فئة من الفلونس ب 150 الف كماليتها حلوة قوى و اعلى من كماليات الفانتازيا اول فئة اتوماتيك

أنا شفت الاسترا ومش عجبني قوي ....يعني هي كماليات حلوة ...والماني ...بس من جوه صغيرة شوية

ااممممم الكورولا اكبر وكشكل من برا الهاي لاين كويس جدا احسن حاجة فيها بس بعد كدة مفيش حاجة هههههههههه
طبعا ثبات للاسترا وسع + راحة للكورولا وكمان سعر اعادة البيع وقطع غيار التويتا ارخص ومعمرة برضوا شوف انت عاوز ايه عربية ثابتة ولا مش مهم الثبات عندك بس الكورولا مش ضايعة في الثبات للدرجاتي
وفي الاخر الالماني الماني بس الاوبل اقل حاجة في الالماني واحسن من الياباني

صح وخد بالك الكورولا معظمها من جوة بلاستيك @@ وبرضوا اكصدامها يعتبر ورق تمسكه بايدك تحركه زي ما انت عاوز عن تجربة هههه والدريكسيون استجابته بطيئة شوية يعني مش هيسعفك في المواقف الخطرة

اه والتوكيل تويتا ارحم طبعا من منصور الحرامي ده عموما كل توكيلات مصر حرامية بس بيختلف في نسبة السرقة هههههه
والكماليات الكورولا تعتبر مفهاش حاجة مقابل في الاسترا كماليات جيدة

المشاركة الأصلية كتبت بواسطة ahmedsadek82

لا يوجد مجال مقارنه بين كورولا و اي سيارة الماني عامة , لكن حنتكلم بالتفصيل و كلام علمي شوية:
1) الثبات : تفوق كاسح لاسترا لأنها مجهزة بتعليق محترم (watts linkage) احسن من التورشن بيم العتيق بتاع تويوتا + السياره اثقل و اوطى و توزيع اوزانها احسن + استرا مجهزة بنظام الثبات الاليكتروني ESP مثل كل السيارات الالماني.

2) الكماليات : تفوق لأسترا (ممكن تقرأ الكماليات بالتفصيل على opelegypt.net ) , لكن اهم حاجة بالنسبه لي او لأي مستخدم للسيارة هي الجودة الرائعة لمقصورة و تابلوه اوبل و فخامه مقابل تابلوه فقير و عتيق لكورولا لا يليق ب2012 و لا بسعرها !!! + خاصية مهمه جدا في اوبل استرا كسيارات المانيا كلها مجهزة بكمبيوتر اعطال (Check control) ,يعني لو ميه المساحات نقصت مثلا بتقلك في التابلوه تحزير او لو لمبه اتحرقت تقولك , طبعا الكلام ده مش موجود في تويوتا و لا كمان 5 سنين حتى.

3) سعر اعاده البيع تتفوق فيه كورولا لأن ده حال سوق السيارات الضايع في مصر (كورولا و لانسر بومه و اي هيونداي ) بيحتفظ بسعره , لكن نسبه الفرق بالنسبة للمميزات اللي في استرا مش مؤثرة

4) اسعار قطع الغيار متقاربه جدا (طبعا القطع الاصلية) مش حتعملك مشكله

لازم تروح تركب الاسترا و تفتح الباب و تعد و تشوف جوده و خامات و ثقل السيارة و تفتح و تقفل الشنطة عشان تحس بمعنى جودة السيارة اللامانيه و بعدين روح اركب الكورولا و قوللي رأيك ايه.

متاكد ان اسعار قطع الغيار متقاربة ؟

الاوبل كوزمو فى منها طرازين واحد عادى وواحد تربو و ده له قدرة عالية تعادل 180 حصان و كماليات اعلى بكثير من التويوتا و ثبات اعلى عشان نظام التعليق الخلفى واط لينكس و كمان فيها نظام esp نظام الثبات الالكترونى و كماليات اعلى بمراحل من التويوتا مثل
1- مثبت و محدد سرعة
2-4 وسائد هوائية
3- تكييف اتوماتيك
4-كمبيوتر رحلات
5-حساس للضوء و المطر
6-حساس للركن الخلفى
7-نظام الثبات الالكترونى
8- خاصية الاضاءة النهارية
9- فرملة يد كهرباء