شروط ترخيص السياره اتوبيس خاص

**Tamer Bekhit** · 07-11-2012 04:02 AM

ما هي الشروط الواجب توافرها في اي شركه تريد استيراد السيارات و ترخيصها كاتوبيس خاص و ما هي عيوب و مميزات هذه الفكره فيما يتعلق لة ان السياره ستسخدم استخدام شخصي

**velkouf** · 07-11-2012 07:43 PM

بالنسبة للأتوبيس الخاص
يجب ان يكون اربعة صفوف من المقاعد أو اكثر وطبعا الموتور أكبر من 2500 ديزل
الجمارك 50% طبعا احسن من الترخيص الملاكى بيتحاسب على 247% جمارك
ولازم يبقى عندك سجل تجارى و بطاقة ضريبية وتأمينات (بتأمن على عدد من الافراد اللى المفروض هيستخدموا العربية)
عيوبها
هتدفع كل سنة مصاريف ترخيص العربية + ضرايب الشركة الوهمية ( متقلقش المحاسب هيظبطهالك )
+ هتدفع تأمينات الافراد ودى اعتقد بتكون مبلغ محترم

**walidzakzok** · 07-11-2012 09:30 PM

هية الناس لسة بتفكر فى التجاوزات دي

**bakkarahmed** · 08-11-2012 02:32 AM

المشاركة الأصلية كتبت بواسطة walidzakzok

هية الناس لسة بتفكر فى التجاوزات دي

حضرتك دي مش تجاوزات ..ده حق قانوني
حضرتك لو عندك شركه ولو صغيره وبتدفع ضرايب وتأمينات..بيبقي ليك الحق في ترخيص اتوبيس خاص
غير كده مش هايجي علي صاحبه غير بالخساره

**walidzakzok** · 08-11-2012 10:06 AM

المشاركة الأصلية كتبت بواسطة bakkarahmed

حضرتك دي مش تجاوزات ..ده حق قانوني
حضرتك لو عندك شركه ولو صغيره وبتدفع ضرايب وتأمينات..بيبقي ليك الحق في ترخيص اتوبيس خاص
غير كده مش هايجي علي صاحبه غير بالخساره

لو قريت الموضوع كويس الراجل بيتكلم عن استخدام شخصي

**bakkarahmed** · 08-11-2012 04:39 PM

المشاركة الأصلية كتبت بواسطة walidzakzok

لو قريت الموضوع كويس الراجل بيتكلم عن استخدام شخصي

يعني لو حضرتك عندك 4 موظفين وانت صاحب شركه صغيره بصرف النظر هي ايه...ممكن تجيب ايه ؟؟؟اكيد لو ظروفك ميسره مش هاتجيب ميني باص او ميكروباص..بس ممكن تجيب لاند كروزر علشان ديزل..ورسمي هيا حقه ومشروعه..الحكومه قالتله ليك الحق انك تركبها سواء انت اوموظفينك..

**walidzakzok** · 08-11-2012 07:28 PM

على العموم الموضوع دة اتوقف ومبقاش فيه 4 ويل بيترخص اوتوبيس خاص لانه كان تحايل على القانون كان بيجيبوا العربية يزودولها كنبة وشغل نصب كمان لازم العربية يبقالها مسار محدد ولو اتقفشت فى لجنة برة المسار بتبقى مشكلة كمان اسمه اتوبيس خاص اروح انا اججيب عربية دفع رباعي واسميها اتوبيس احنا اكيد بنضحك على نفسنا

**bakkarahmed** · 09-11-2012 01:23 AM

المشاركة الأصلية كتبت بواسطة walidzakzok

على العموم الموضوع دة اتوقف ومبقاش فيه 4 ويل بيترخص اوتوبيس خاص لانه كان تحايل على القانون كان بيجيبوا العربية يزودولها كنبة وشغل نصب كمان لازم العربية يبقالها مسار محدد ولو اتقفشت فى لجنة برة المسار بتبقى مشكلة كمان اسمه اتوبيس خاص اروح انا اججيب عربية دفع رباعي واسميها اتوبيس احنا اكيد بنضحك على نفسنا

انا ماكنتش اعرف حكايه المسار او الموضوع ماشي ازاي بس انا كنت متاكد انه رسمي ..مش زي سيارات المعاقين واللعب اللي فيها..علشان كده كنت شايف انه حق مشروع فقط..تحياتي

**Tamer Bekhit** · 09-11-2012 01:16 PM

شكرا للاضافات التي ستساعدني بكل تأكيد في التنفيذ

**mramzy** · 09-11-2012 05:17 PM

انصحك بلاش عن تجربة كفايه ذل الترخيص فى مرور النقل (التبين مثلا) والمعامله الغير اداميه
خط سير الاول كنت بتاخخد انحاء الجمهورية لمده سنه او اقل الان مثلا الاسكندريه فقط ولمده اسبوع
السرعة ملتزم بسرعة الاتوبيس
سواق خاص رخصه مهنيه يعنى مش اى حد يسوقها
انا بقولك عن تجربه لمده سنه ودفعنا فرق الجمرك وحولناها ملاكي وريحنا دمغنا ولو كنا عارفين فى الشركه عندنا كنا جبنها ملاكي من الاول او مدخلناش الحوار ده
وخصوصا العربيات ال سبع راكب بقت انواعها كتير وافضل بكتير
نفس مشكله الدودج رام لما ترخص نقل
التجربة كانت من ٢٠٠٦ الي ٢٠٠٧
وندمانين عليها اشد تاندم