نفسى ارتاح من المنتدى ده

**A.samy** · 10-07-2008 09:43 PM

الحقيقة انا معايا حوالى 33 الف وعايز اشترى عربية كويسة ومتبهدلنيش علما بانى لا اسافر كثيرا كل مشاويرى داخل القاهرة وقلت عشان انا مبتدىء فى موضوع العربيات اسأل واستشير اهل الخبرة وبعد اللف والدوران داخل النت وجدت المنتدى بتعكم الحقيقة فرحت لكن بعد فترة من التصفح داخل المنتدى عرفت انة يارتنى مالقيتة لان المنتدى زود مشكلتى فى الاختيار وان الردود فيها لف ودوران ان كل واحد عندة عربية بيدافع عنها باستماتة ويحلى فيها والظاهر ان المنتدى ده معمول عشان كل واحد يعمل دعايا لعربيتة سواء حتى لوكانت مطلعة عينو شوية يقولو اليابانى لا يعلا علية وشوية يقولو الكورى بقى زى اليبانى ويمكن احسن عشان قطع غيارة ارخص وشوية يقولو الالمانى وشوية يقولو العملاق الصينى قادم حيرتونى ربنا يكرمكم وشكرا على المساعدة.

**شاهين - بنز** · 10-07-2008 09:49 PM

والله معاك حق 100% في المنتدى هنا الناس بتتكلم على عربيتها كأنها تبع العيلة ويويله إللي يتكلم على نوع عربية مع التاني وللأسف مش مقتنعين بفكرة (أن إمتلاك السيارة لايعني أنها الأفضل)
بس نصيحة ليك خد الشاهين بلا تردد

**Chicco** · 10-07-2008 09:53 PM

عادي يا باشا ...ديه الطبيعة البشرية ...هو حد كان قال إنه منتدى ملايكة

لو الناس كلها اجتمعت على عربية واحده ما كانش يبقي في غيرها في الشوارع.... و طبيعي أي حد معاه عربية بيبقي حاسس انها أحسن اختيار... امال يعني جابها ليه :)

المطلوب من سعادتك تسمع أراء الناس و تستفيد منها انما مش حينفع حد ياخد قرار بدالك في الأخر إنت صاحب القرار

ما علينا بعد اللف في المنتدى فيه كام عربية استقريت عليهم و لا لسه

**Ahmed Selim** · 10-07-2008 09:57 PM

يا باشا مفيش حيرة ولا حاجة

المشكلة معاك أن المبلغ المتوفر مش هيكفى عربية أوروبى فى حالة كويسة وموديل عالى

فى كلام كتير عن الأوروبى واليابانى والكورى والصينى بس الحقائق المؤكدة ( بأعتبار أنك بتقارن فى نفس الفئة ) الترتيب كالأتى ومعتقدش ممكن كتير يكونو مختلفين معايا فى الرأى
1- الأوروبى بصفة عامة وخصوصاً الألمانى
2- اليابانى
3- الكورى
4- الصينى

ممكن تقولى حضرتك بتقارن بين أيه وأنا أن شاء الله أقولك رأيى بدون تحيز لأى حاجة

وبعدين يا باشا أحنا مش عاوزينك تسيب المنتدى عشان كده محدش عاوز يريحك ويقولك جيب العربية الفلانية وبعد كده منشوفكش تانى :) :) :)

**OlaOsman** · 10-07-2008 10:08 PM

على فكرة انت ممكن تجمع معلومات من المنتدى هنا، يعني خد آراء و تجارب كتير حتى و لو كانت متضاربة و اسأل تاني برة أي حد تعرفه و الرأي اللي يرجحه اكتر من حد يبقى هو ده الأقرب للصواب.

**Xpert** · 10-07-2008 11:49 PM

بص يا سيدي انا هاقولك سيبك من المنتدي و كلام المنتدي .. و سيبك من العربيات و غيره ..
اقرا هنا بقي كده و تابع الكلام اللي انا كاتبه هنا و اوزنه و لو عجبك اعمل بيه ..

المشاركة الأصلية كتبت بواسطة Xpert

نشكركم لثقتكم في الاعضاء .. و بناء عن تجربه شخصيه فعليه اقولك كل ما العربيه تكون حالتها اقرب الي الزيرو كل ما مشاوريك للصنايعيه و الفنيين هايقل ...هاشرحلك ببساطه شديده ازاي ...
انا معايا 35 الف .. و نازل اشتري .. لقيت كذا عربيه .. و حطيط في دماغي اني هانزل اشتري جولف .. يبقي نزلت .. و اشتريت جولف .. و طلعت الجولف دي حالتها خربانه و مشنشنه علي الاخر ... يبقي هالف بيها علي الصنايعيه كلهم ... انما نزلت السوق .. و انا باتفرج ... لقيت فيات اونو بحاله الزيرو ... هاسيبها و امشي علشان انا عاوز جولف ؟ لاء طبعا ٌُ... الحاله اهم من الماركه ...
نيجي بقي لنقطه الفنيين ... لازم اجيب عربيه .. خدمه ما بعد البيع بتاعها تكون كويسه .. اه .. اي حاجه ليها خدمه ما بعد البيع .. تتمثل في الفنيين و قطع الغيار (لو هاحتجهم لازم يكونو موجودين) ... و للشرط ده اقولك استثني الاوبل من اختياراتك ... علشان مالوش فنيين و مالوش قطع غيار .. او بمعني اصح معدودين و معروفين بالاسم ...
ماتحددش نوع عربيه معينه .. حدد اختيارات عديده و شوف احسن حاله و تكون ليها قطع غيار و صيانه .. خللي العمليه مفتوحه ... يعني ممكن تجيب فيات اونو - جولف - ايبيزا - بولو او حتي دوجان .. بس اهم شرط هو شرط الحاله ... خللي الحاله هيا اللي تحدد تشتري ايه ..
ماتتحيزش لماركه واحده بس .. و ان شاء الله ربنا يكرمك

http://www.nilemotors.net/Nile/showt...E1%CD%C7%E1%E5

**megoghanem** · 12-07-2008 04:07 AM

الرك ع الحالة يا معلم وهات زى ما تحب لكن ابعد عن الصيني وغنيله نصيحة من اخوك

**hazem_khidr** · 12-07-2008 06:57 AM

سويفت
اكسيل
افضل ما يمكن شرائه في الشريحه دي

**A.samy** · 12-07-2008 03:18 PM

والله ياجماعة انا مكسوف منكم وشكرا على الاهتمام دة الحقيقة انا دخلت منتديات كتير ولما حد يرد عليك يبقى قويس الحقيقة انتم فى منتها الذوق على العموم تقريبا انا قررت ان شاء الله هونداى اكسيل وبرضو عايز اعرف رأيكم فى اختيارى وكان لية واحد زميلى معروض علية من واحد زميلنا تانى عربية رينو كلوى 1200سى سى حالتها كويسة عرضها 40000 الف السعر دة مناسب عليها واية عيوب العربية دى وشكرا

ملحوظة .
عمرى ماهسيب المنتدى ده وكل دة بسبب اهتمام الناس اللى فية واحترمهم لبعض وقبلهم لاى نقض