الموضوع: متسيبش مخالفة تعدي.......نايل موتورز تتعاون مع Emokhalfa

شكراً لكل الأعضاء اللى بيشجعوا الفكرة.....و إن شاء الله صدى الفكرة دي يوصل للمسؤولين أسرع.

المشاركة الأصلية كتبت بواسطة MaNoLa

مظنش أنها فكرة ناجحه بالدرجة الكافية

الحل فى عربيات دوريات محترمة تمشى زى الدول المحترمة فى الشوارع

الناس مش هتسيب شغلها و تمشى بكاميرات تصور و تقول يا رب ألاقى مخالفة - بنفس مبدأ أن مينفعش ظابط شرطة يشوف واحدة حامل و يقول أنا هشتغل دكتور نص ساعة بس

و أنا متأكدة أنها فكرة مش ناجحه لسبب واحد بس
أن ممكن واحد يكون معلق نمر وهميه جدا - طيب فى الحالة دى بهوات الشرطة هيعرفوا منين ؟

وجهة نظرى

حضرتك أنا بحترم وجهة نظرك طبعاً بس هى الفكرة مش أن إحنا نحل مشاكل المرور بنفسنا............بس نكون أيجابيين و نساعد فى حلها.

الدوريات طبعاً حل أمثل...........بس هو مش متاح حالياً أو متاح بس مش بالقدر الكافي....هل نسكت أحنا و نكتفي بكده ؟

و مش بنطلب من حد أنه يسيب شغله و يعمل كده......مجرد بس و هو ماشي شاف مخالفة معينة.....يصورها لو عرف و يبعتها......و إن كانت الفكرة مطبقة فى أحدى دول جنوب شرق أسيا و تم مناقشتها من قبل على المنتدى و وصل الحال ببعض مواطني الدولة المطبق فيها الموضوع ده أنهم يتفرغوا تماما ً له مع العلم أن من يثبت مخالفة هناك يحصل على 10% من قيمتها.

المشاركة الأصلية كتبت بواسطة ahmed-adel

مبادرة محترمة :)

بس يا ريت تبقى على الكل ,مش عشان ده دكتور بس

الدكتور ده كان حالة أتناقشت على المنتدى و حبيت بس أستشهد بيها......بس أعتقد كان فيه حالة تانية أنتشرت على الفيس بوك من أسبوع أو 10 أيام و كانت لسيدة معها سيارة فليونس و المفروض على حسب كلامها أنها كانت تابعة للشرطة بشكل ما.........على ما أعتقد أنه تم التوصل لمسؤول أهتم بالموضوع.

المشاركة الأصلية كتبت بواسطة samirsaid1

انا فكرت فى الموضوع دة كتير
والحمد لله لقيت ناس بتؤيد الفكرة
بس هل ممكن تكون مفيدة او فية تدعيم ليها من ادارة المرور
لان المخالفة هاتكون بالصورةيعنى مفيش فيها تضليل

وشكرا لصاحب الموضوع

العفو يا فندم و يا ريت كلنا نخلينا أيجابيين.

المشاركة الأصلية كتبت بواسطة mr_vampire

- مش عايز ابقي محبط او متشائم بس ياما اكتر البلاغات والصور المنشورة بس ياتري هل نضمن تنفيذ القانون عليهم زيهم زي اي حد مخالف للقانون.

- من الاخر كل اللي هيحصل زي ماسيادة العقيد كتب ( سيتم الفحص واتخاذ اللازم ) بس هيكبرو لبعض بينهم وبين بعض ...

حضرتك أنت بتحاول تعمل اللى عليك.........و بتسيب الباقي على الله

و بالمناسبة العقيد اللى علق على الصورة فيه عضو على الفيس بوك كان كاتب عنه كلام كويس جداً و كان بيقول فيه أن العقيد ده من فترة معينة لما كان بيقف فى كمين معروف فى إسكندرية كان بيوزع منشورات على الناس عن كيفية القيادة بأمان........أعتقد حد بالموقف ده مش هيدخل علشان يضلل الناس و يوهمهم.

و برضه بأكد تاني أن عن طريق emokhalfa تم الإستجابة للعديد من حالات المخالفات قبل كده.

خلينا أيجابيين و نسيب الباقى على ربنا.

يا ريت بس بعد أذنكم يا شباب يتم رفع الصور على مركز تحميل نايل موتورز

المشاركة الأصلية كتبت بواسطة bor3ey

ارجوا تثبيت الموضوع علشان يبقي مكانه ثابت و الناس تدخل تضع صور المخالفات عليه

إن شاء الله هطلب من الإدارة تثبيته

هما الناس مقصروش بصراحة لما عرضت عليهم الفكرة

و عملوا بانر فوق مع الإعلانات لسهولة الوصول للموضوع.

المشاركة الأصلية كتبت بواسطة mr_vampire

- وفيما قولته ( انهم هيكبرو لبعض بينهم وبين بعض ) كان في موضوع برده عن المخالفات وكدة ... وزميل كتب انه كان راكب مع صاحبه ( طالب في حربية ) عربية مفيمة وعدي في كمين ... والظابط كان شادد حيله ( فطالب الحربية ) قال للظابط ( بقي الزمايل تعمل كدة في بعض ... هو احنا زي الناس العادية ) ... فالظابط ضحك وقاله اتفضل ياباشا ....

بص يا باشا..........كعادة حاجات كتير فى بلدنا..........الموضوع لما بيكبر و بيبقى معروف لناس كتير و بيبتدي تدواله بين الناس على الفيس بوك بيلاقي صدى.

لكن موقف زى اللى أنت بتقول عليه ده مينفعش معاه غير تصوير فيديو

و ده شوفته فى فيديو لموقف مشابه.........عربية بوكس فى عقيد أو عميد مش فاكر و معاه أبنه......و طبعاً السواق......شاب وقف قدام العربية و وقفها و فيه واحد تاني بيصورهم......و مش عاوز أقولك عمل أيه فى العقيد أو العميد ده علشان مركب أبنه معاه فى البوكس.