العقيد ايمن الضبع اعتقد ان هو الي بيتكلم الصبح في ال fm بيكلموه تقريبا يقولهم عن التقرير المروري
كلنا بنحب مصر بجد...... لان كل واحد فينا اكيد كان بيفكر في الفكره دي .......
يجب تطبيق القانون علي الكبير قبل الصغير ..........الكبير و المسئول لازم يكون قدوه حسنه ........
( ان الله لا يغير الله ما بقوم حتي يغيروا ما بأنفسهم ) .....قرءان كريم .
اولا نشكر جميع من اهتم بالموضوع من الاعضاء ونشكر كل من اداره المنتدي والاخ احمد علي المبادره بالتنسيق بين فريق اي مخالفه و نايل موتورز
احب اوضح احنا ايه هدفنا باي مخالفه اكيد كلكم عارفين حال الشارع المصري من انعدام النظام والتسيب اللي فاتورته السنويه بندفعها ٢ مليار جنيه خسائر حوادث عشره الاف قتيل وخمسين الف مقعد. فكرنا ازاي ممكن نساعد ان احنا نغير في شوارعنا لان احنا مؤمنين ان الوضع الحالي هيفضل يسوء طول ما مفيش حاجه جديده حصلت. الحكومه جربت تعمل مخالفات اغلي بس ده ماحلش حاجه لان الناس مش مهتمه بالعقوبه الماليه. فوصلنا ان ممكن نقدر نآثر عن طريق الضغط المجتمعي. احنا بنجمع المخالفات كلها في قاعده بيانات متاحه للجميع مجانا فبالتالي كل ام ممكن تدخل تبحث عن نمره الباص اللي بتودي ابنها او بنتها بيه للمدرسه ولو لقت مخالفات تقدر تعمل مشكله في المدرسه لان معظم مخالفاتنا متصوره صور واضحه. ممكن اي حد بيشتري عربيه مستعمله يكشف علي ماضي العربيه ولو لقي صاحبها مثلا بيتحرش ببنات ممكن يقرر انه ما يشتريش منه. ده اسمه وسائل جديده للمجتمع لمعاقبه المخالفين طبعا جميل لو الداخليه في ظابط في كل شارع وكمين بس ده مش موجود ويبقي جميل فلازم نفكر بطريقه جديده.
طب المبلغ اي استفادته اولا الطاقه السلبيه اللي اتشحن بيها لما شاف او اتعرض للموقف اتحولت الي ايجابيه لما بلغ.
نعود عيون الناس انها تشوف الغلط لان احنا ساعات من كتر ما بتشوف الغلط وتقول ده عادي بتفقد احساسك بايه صح وايه غلط
نعرف بعض ونبيقي مجموعه كبيره بتنادي بتعديل في قوانين المرور
ونعمل توعيه ان ده غلط ونعرف الناس ايه الصح
من ضمن حملاتنا قريبا دورات بسيطه للاسعافات الاوليه و في المدارس لتوعيه شباب المستقبل
برضه البيانات اللي بتجيلنا بنوصلها للداخليه لدراستها واستخلاص معلومات من الاحصائيات مثل اماكن محتاجه تواجد عسكري او كمين او كاميرا وفيه بعض الحوادث المبلغه تم اتخاذ خطوات مباشره
برضه المخالفات علي عربيات الشركات بنوصلها لاداره الشركات موثقه لمحاسبه الموظفين
هدفنا ان شوارعنا تبقي اامن لينا ولاولادنا
وماتسبش مخالفه تعدي
فريق اي مخالفه
http://nileup.com/up/uploads/nilemotors_13524979371.jpg
http://nileup.com/up/uploads/nilemotors_13524979372.jpg
ديه امثال مروريه يقوم اعضائنا بتطويرها كل فتره وهنطبعها قريبا كاستكرز للعربيات
والله موضوع تحفه ربنا يوفقكم وانا عن نفسي مش هسيب عربية مخالفة الا لما اجيبلكم قررها
زيهم زي أي حد مخالف للقانون؟؟؟؟؟؟
هو فيه حد بيتنفذ عليه القانون اصلا ؟؟؟؟حتى و لو كان عاطل أو حتى حرامي؟؟؟
حضرتك مابتشوفش الميكروباصات الماشية عكس الاتجاه و بيطلع منها دخان بكل الألوان؟؟؟؟
حضرتك تقدر تقولي خلال العشر سنين اللي فاتو كام مرة لجنة وقفتك و تممت على الرخص؟؟؟؟
يا باشا المشكلة ليست في هؤلاء فقط.........المشكلة أنه لا توجد دولةأصلا......و ده من زمان
فكرة إيجابية جدآ وياريت نساعد الشباب دول بدل من إننا نحبطهم
مجهود يجب أن يشكروا عليه
ألله ينور عليكم ياشباب
ودايمآ إفتكروا إن "" الثورة بدأت بفكرة "" ( زى دى )
أحييكم بشدة
مبادرة هايلة وانا فعلاً اى مخالفة كنت بشوفها كنت بصورها وبرفعها على الفيس بوك
طيب احنا عندنا عربية فى شبين القناطر قليوبية كيا سيراتو كوبية بتاعت ظابت ومفيم الزجاج كلة ومش معلق نمر اصلا وكل ما حد يوقفى يطلعلة الكارنية وتحياتى للشرطة ههههههههههههههههههههههههه هههههههههههههههههه