السلام عليكم
تم التنسيق مع فريق عمل emokhalfa للوصول بالمخالفات الموجودة فى الشارع المصري للسادة المسؤولين.
من هم emokhalfa :
فريق عمل emokhalfa هما شباب مصري كان بيعاني زينا كلنا من أزمة المرور و إستهتار السائقين فى الشوراع المصرية، الشباب دول فكروا و قرروا يكونوا أيجابيين و وصلوا لفكرة emokhalfa و اللى بتعتمد على مبدأ مشاركة الناس فى الإبلاغ عن المخالفات المرورية اللى بيشوفوها كل يوم فى طريقهم. مع الوقت بدأ الموضوع يعمل صدى مع الناس و مش بس كده.......بقى فيه صدى للموضوع عند المسؤولين، والدليل على كده موجود فى أكثر من حالة هنذكر منهم بس حالة وصلت ل emokhalfa عن طريق نايل موتورز
يكتب على لوحات سيارته (جهة امنية) في تحدي سافر لقانون الدولة
الصورة الأصلية
الإستجابة اللى حصلت بعد ما الصورة أتبعتت ل emokhalfa
فكرة الموضوع:
1- و أنت ماشي لو قابلت مخالفة حاول تقف على جنب و تصورها
2- ارفع الصورة على مركز تحميل نايل موتورز
3- خد رابط الصورة و حطه فى الموضوع هنا
4- عضوية emokhalfa هتتابع الموضوع و تاخد الصور الجديدة بأستمرار
5- أى إستجابة للصورة هتقوم عضوية emokhalfa بإرسالها فى الموضوع
بلدنا تستاهل محاولة كل واحد فينا إنه يصلح حاجة ولو صغيرة.. ساعدنا نحقق ده.. ..
خليك أيجابي.......متسيبش مخالفة تعدي
المفضلات