هل من حق السيارات الاجرة انها تفول بنزين 80 المدعم بالرغم من اهم غلو اسعار البنديرة للتاكسيات والاجرة للميكروباص على اثر غلو البنزين
عرض للطباعة
هل من حق السيارات الاجرة انها تفول بنزين 80 المدعم بالرغم من اهم غلو اسعار البنديرة للتاكسيات والاجرة للميكروباص على اثر غلو البنزين
من حقهم يا عم الناس زهقت فقر وهيعملو ا ايه
بص مع ارتفاع اسعار جميع السلع في مصرناالحبيبة فسواق التاكسي غلي البنديره بتاعته ,كل حاجة غليت فمجتش عليه ,الاتوبيسات غليت ,الميكروباصات غليت ,قطع الغيار غليت فبتالي زود بنتديرته ,لو البنزين80 اختفي او غلي لا قدر الله ,حيزودو اكتر وهكذا فالمتضرر النهائي هوة المستهلك مش السواق
الخلاصة
التاكسي ياخد 80 بس يتم تحديد تسعيره لبنديره التاكسي وتكون اجباري له
عارفين لو غلوا بنزين 95 التاكسيات هتغلى الاجره مع انهم ملهمش اى علاقه بال95 خالص
اه والله عندك حق ويقولك البنزين غلي يا باشا اعمل ايه انا دلوقتي بس هو زي ما هو
على العموم لو الواحد يحب يروح مشواير طويلة يبقى ياخد تاكسي العاصمة ولو جنب البيت ماله الميكروباص او الترو يا سيدي سيبك من التاكسي الابيض واسود ده خليكم في الاصفر
ولا اييييييييييييه!!!!!1
بحكم ان انا عندي قدام البيت موقف تاكسي فا بشوف حاجة من افتكاسات الشعب المصري .. المفروض ان السواق بيسلم العربية بعد ما الوردية تخلص متفولة .. عشان اللي بعده يستلمها متفولة و يسلمها متفولة برده .. فا كل سواق بيبقي جايب جركن كبير و بيسحب فيه التانك كله (فيه بنزين 90) ميسبش الا اللي يمشيه لحد بنزينة معفنة كدة اعلي اوكتان عندها 90 .. و يمون منها 80 و يقعد يلف بيه طول النهار و اما معاد التسليم ييجي يروح حاطط جركن ال 90 في التانك تاني ، و ده طبعا بيعمل بعض التكدسات في الشارع اللي فيه البنزينة خاصة ان السواقين بيركنوا قبليها بشوية عشان يفضوا التانك
و الحركة دي بتتعمل بغض النظر عن العربية سواء سويفت او اكسنت .. بس الغالبية العظمي شاهين
يعني جات علي سواق التاكسي
ما الزيت و الكاوتش و تيل الفرامل و كل حاجه زادت
هيا العربيه ماشيه ببنزين بس؟؟؟؟!!!!!
طب يعنى يا جماعة دا معناه ان الواحد ممكن يحط لعربية جديدة زى الياريس مثلا بنزين 80 وميحصلش حاجة انا عارف انه هيبقى فى تأثير على السحب وصوت الموتور ,...بس انا قصدى ان لو مش هيبوظ حاجة ممكن الواحد يجربة لو الفلوس زنقت معاااه ؟؟؟
من حقهم يفولو بنزين 80 بعدين غالبية التاكسيات قديمة 128 125 132
شاهين بولونيز ..... ودول مافيش مشكلة بالنسبة ليهم لما يستخدمو الـ 80
التكسجيه بيغلوا البنديرة باى حجة و السلام لانهم ناس استغلاليين و عديمى الضمير
من كذا سنة ركبت تاكس من وسط البلد لميدان لبنان و السواق كان عايز ياخد 10 جنية فى المشوار (ايامها كان المشوار دة ب 6 او 7 جنية بالكتير اوى اوى) و لما قلت للسواق "ليه يا عم 10 جنية؟؟" قاللى "البنزين غلى"... الفكرة ان ساعة الحديث دة كان بنزين 90 بجنية اللتر و بنزين 92 منزلش السوق اصلا... يبقى بالتالى السواق دة بيحك نفسة فى اى حاجة و السلام عشان ياخد فلوس بالزيادة و السلام
طبعا مش محتاج اقول انى رميتله 6 جنية و سبتة و مشيت
تاكساجيه = حرامية
MMamdouh
انا كل مكنت اركب تاكسى السواق يقولى البنزين غلى وانا مبستخدمش الا 90
دلوقتى انا ماشى قدام البنزينات الاقى التاكسيات طوابير
يعنى بيحط 80 اللى سعره متحركش نهائيا والجشع ماليه انه ياخد فلوس اكتر بدون سبب
نفسي كل تاكسى بيمون ب 80 يعلقوله يافطة (هذه السيارة تعمل ببنزين 80)
يا جماعه سواق التاكسي مش مظلوم ولا حد ماصص دمه زي ما انتو بتعتقدوا
هو كده كده كسبان
والغلبان هو كل واحد بيضطر يقع تحت رحمة سواق التاكسي اللي توقفه وتقله رايح فين وبعدين حضرته يحسبها واما يسيبك بمنتهي قلة الادب والذوق لان المشوار مش عاجبه واما يحاول يقاولك علي المشوار ولو ركبك لازم يقعد ياكل دماغك ويشكيلك همه وانت طبعا ضيف عليه في بيته لازم تاخدوا علي قد عقله
علي فكره اللي بيركب مواصلات او تاكسيات بيدفع تكلفه زي اللي راكب عربيه ملاكي ويمكن اكتر
فوضي!!!!!!!!!!!!!!!!!!!!!!!!!!!!!!!!
انا علشان كده من رايى ان البنزينات كلها تمنع ان التاكسى يفول 80 لانه هو رفع سعر البنديره مع ارتفاع البنزين وفى نفس القت اصبح بنزين 80 مدعم السعر يعنى من حق الملاكى بس وكده كمان مش هيبقى فى زحمه خالص على اى بنزينه
أصلا معظمهم بيبقوا محولين لغاز اللي أرخص وأوفر من بنزين 80 ويقعد يقولك البنزين غلي والنصب ده كله عشان ياخد أجرة مضاعفة
عالم نصابة وحرامية واستغلالية.
و من رأي أن المفروض يبقى اجباري على التاكسيات انهم يمشوا بالغاز أو السولار مثلا و يبقى في بنديرة موحده ويشغلوا العداد اللي حاطينه منظر ده ويبطلوا استغلال و يبعدوا عن البنزين و ميقرفوناش في عيشتنا
يعنى هى تيجى على سواقين التاكسى اذا كانت الحكومة نفسها لما البنزين سعرة اترفع قالو هنرفع السعر علشان سعرة ارتفع عالميا وكان سعرة فعلا وصل150دولار دلوقتى وصل 50دولار وطلعوا قالو احنا مالنا السعر مش هينزل
ياباشا دول تلاميذ فى مدرسة الحكومة الحاجة تغلى هما معاهم الحاجة ترخص يقولك واحنا مالنا
اساسا سواقين التاكسيات بيبقو كسبانين 500% في المشوار حتى لو حطوا 92 انا اخويا اخد تاكسي من مدينه نصر للهرم اخد منه 70 جنيه مع ان العربيه قديمه جدا وطبعا تلاقيه بيملى 80 والمشوار تلاقيه استهلك 6 لتر يعني 5 جنيه يعني تلاقيه كسبان 65 جنيه ..... وطبعا زي كل حاجه عندنا اللي مش عاجبه :banghead:
هي المشكلة مش في سواقين التاكسي اللي بيحطوا بنزين 80 المشكلة في الحكومة الغبية اللي رفعت سعر السولار والبنزين وسابت 80 بدون أي تحريك وكانت النتيجة ان كل المواصلات العامة ارتفع سعرها حتى اللي بيستخدم بنزين 80 وراح الفرق لجيبه الخاص بسبب غباء الحكومة
ولماذا التفرقة العنصرية
التكاسي فعلاً رفعوا البنديرة ولكن من أنفسهم لأن الدولة تريد من الناس التخبط في هذا الأمر
والبنديرة القديمة التي لم ترفع منذ أكثر من 15 سنة
والبنديرة ليست مرتبطة بسعر البنزين كما يفكر الكثير من الناس وأغلبهم سطحيوا التفكير
البنديرة مرتبطة بغلاء الأسعار ومستوى المعيشة وأسعار البنزين وقطع الغيار والصيانة ومصاريف التعليم والصحة والسكن وغيره ..
بعض الناس يظن أن سائق التاكسي هو آلة خلقت داخل التاكسي وهي جزء منها وبالتالي لا يتأثر إلا بالبنزين وكأنه آله !!!!!!!!!!!!!!!
بدلاً من أن نطلب من الحكومة منع الناس من إستعمال وقود رخيص عليناا أن نطالبها بتشغيل العداد الذي أصبح تمثالاً أصم أبكم وهي سعيدة بذلك لإستهلاك طاقات المواطنين في المشاكل في التاكسي
راجع الموضوع التالي بخصوص عداد التاكسي:
مقترح لعداد التاكسي المعطل
طيب لو إفترضنا أني مرتبي زاد مع زيادة الأسعار الماضية
هل بعد إنخفاض الأسعار يستطيع أحد أن يسلب مني هذه الزيادة (لا طبعاً)
أكيد سائق التاكسي بشر مثل حضرتك ومثلي وعنده أسره ولها مصاريفها ومن حقه الإحتفاظ بزيادته مثلي ومثلك
ولكن على الحكومة تنظيم ذلك فقط وهي لا تفعل منذ 15 سنة
يبقى مين المجرم
وأتفق معك أن هناك سائقي تاكسي طماعين ومجرمين ولكن تذكر أن هناك مهندسين وأطباء ومدرسين ومحامين و و و وبرضه طماعين وحرامية
ماينفعش نعمم وناخد العاطل والباطل
مشكلة التاكسي = العداد
لذلك أنا راسلت وزارة الداخلية بالموضوع التالي:
مقترح لعداد التاكسي المعطل
وبالطبع تم الطناش
ولكن مستعيناً بالله لن أسكت حتى يصل الموضوع بإذن الله إلى المسئولين
وهذا هو دورنا كرأي عام
أنا عارف إن الأمل ضعيف جداً منهم لكن الأمل من عند ربنا كبير
لمشكلة مش هم بيحطوا بنزين كام
المشكلة فى العداد اللى مش محترم و دة بسبب المرور اللى سايبنهم على الشعب يسرقوهم
والله انا شايف ان بنزين 80 ده مايستحقش يتحط في حنطور
السعودية بنزين 95 ب 45 هللة يعني 70 قرش مصري
هنقول السعودية بلد اللبترول
طيب انا عندي سؤال ؟؟
لما برميل البترول وصل 154 دولار غلله البنزين
دلوقتي البرميل ب 54 دولار
ده كده الحكومة مش مدعمة البنزين ده كده بيكسبوا فيه
حسبي الله ونعم الوكيل
حيتلغى قريب
لا ده من حق الغلابه فقط وهما مش غلابه ومحدش يقول غلابه البعض القليل منهم الى براعى ضميره وبيتقى الله فقط هو الى غلبان
البنزين ده من حق إي حد.
بس التاكسيات والاجره عموما بيحاسبو الركاب
على سعر بنزين 95 مش 80
صعب يلغوه , ممكن يغلوه