الموضوع: البنزين80 هل من حق السيارات الاجرة

المشاركة الأصلية كتبت بواسطة ramylancer

عارفين لو غلوا بنزين 95 التاكسيات هتغلى الاجره مع انهم ملهمش اى علاقه بال95 خالص

اه والله عندك حق ويقولك البنزين غلي يا باشا اعمل ايه انا دلوقتي بس هو زي ما هو



على العموم لو الواحد يحب يروح مشواير طويلة يبقى ياخد تاكسي العاصمة ولو جنب البيت ماله الميكروباص او الترو يا سيدي سيبك من التاكسي الابيض واسود ده خليكم في الاصفر

ولا اييييييييييييه!!!!!1

بحكم ان انا عندي قدام البيت موقف تاكسي فا بشوف حاجة من افتكاسات الشعب المصري .. المفروض ان السواق بيسلم العربية بعد ما الوردية تخلص متفولة .. عشان اللي بعده يستلمها متفولة و يسلمها متفولة برده .. فا كل سواق بيبقي جايب جركن كبير و بيسحب فيه التانك كله (فيه بنزين 90) ميسبش الا اللي يمشيه لحد بنزينة معفنة كدة اعلي اوكتان عندها 90 .. و يمون منها 80 و يقعد يلف بيه طول النهار و اما معاد التسليم ييجي يروح حاطط جركن ال 90 في التانك تاني ، و ده طبعا بيعمل بعض التكدسات في الشارع اللي فيه البنزينة خاصة ان السواقين بيركنوا قبليها بشوية عشان يفضوا التانك

و الحركة دي بتتعمل بغض النظر عن العربية سواء سويفت او اكسنت .. بس الغالبية العظمي شاهين

طب يعنى يا جماعة دا معناه ان الواحد ممكن يحط لعربية جديدة زى الياريس مثلا بنزين 80 وميحصلش حاجة انا عارف انه هيبقى فى تأثير على السحب وصوت الموتور ,...بس انا قصدى ان لو مش هيبوظ حاجة ممكن الواحد يجربة لو الفلوس زنقت معاااه ؟؟؟

المشاركة الأصلية كتبت بواسطة sa3dawy

طب يعنى يا جماعة دا معناه ان الواحد ممكن يحط لعربية جديدة زى الياريس مثلا بنزين 80 وميحصلش حاجة انا عارف انه هيبقى فى تأثير على السحب وصوت الموتور ,...بس انا قصدى ان لو مش هيبوظ حاجة ممكن الواحد يجربة لو الفلوس زنقت معاااه ؟؟؟

انا شخصيا معرفش بس متنساش ان السواق بتاع التاكسي بيعمل كدة لأن ميهموش العربية أصلا لأنها مش عربيته :) و تلاقيه بينزل بيها في النقر أكنه راكب هامر ولا بيهمه عفشة ولا مساعدين هو عايز يعمل حبة الفلوس في الوردية و خلاص .. فا هو مش خايف عالعربية