عرض للطباعة
معايا ياريس 2009 مانويال عاملة 36000 كم , انا اول استعمال ..
من فترة بقيت بسمع صوت جاي من العجلة الامامية الشمال علي السرعات الواطية .. عامل زي تكتكة علي السرعات الواطية .. ومؤخرا الاسبوع اللي فات الصوت بقي بيطلع عامل زي صوت صفير عصافير .. انا موش بسمع الصوت علي السرعات العالية ..هل حد عنده الفكرة السبب ايه ؟
شكرا
خالد
نسيت اقول .. ان الفرامل كويسة مفيش اي مشاكل فيها.
زيك بالظبطاقتباس:
المشاركة الأصلية كتبت بواسطة khaledassem
بس انا حالين لسة فالمرحلة الاولى بسمع صوت خفيف اوى زى تكه خفيفة اوى بس مش عارف لية
انا متخيل الكرتيرة بتحك فحاجة
ياريت حد يفيدنا
كان عندي صوت صفارة في العجلة اليمين قدام ورحت عملت ضبط زوايا في بريدجستون، والراجل قاللي العجلة كانت مقفولة لجوة شوية. والصوت اختفى الحمد لله
ان مكنتش زاويا ممكن تكون بليه العجله
انا قلبي حاسسني برضوا انها احتمال تكون بلية
@@@@@@@@@@@
بمناسبة برجيستون رحتلوا مره للي في اكتوبر جمب الحصري قلت خليني اشيك للاطمئنان على صحة العربية .... فقالي احنا المكنة عطلانة هبعتك لواحد اسموا مصطفى في التعاونيات في ٦ اكتوبر في ال ١٢ ده واد شاطر وفاهم رحت عملت عندوا زبط زواية 3d من هنا قالك العجلة الشمال مرحلة شوية ومحتاجة زرجينة عملي الزرجينة من هنا لقيت العربية بقت تحدف يمين رجعتلوا زبطها .... بصيت لقيت العجل بيحدف شمال قلتلوا بقلك ايه انا هقد رايح جي عليك مره يمين ومره شمال قالي يابيه عندك عيب كوتش اعملك ايه ههههههه قلت عيب كوتش انتا مش ناقص غير تقول عيب سواق ههههه
ومن ساعتها بقيت اي منزل كوبري وانا نازل عليه بسرعه اسمع صوت طقة في المساعد بسبب الزرجينة الي عملهالي الزفت مصطفى ... قلت وديني ما انا عاملها خليها كده لبعدين اروح اعملها الاقي العربية بتحدف لورة ههههه وتحياتي
بس اعتقد لو كانت بلية كان حيبقي فيه خشونة ؟!
مش هتبان معاك الخشونة دي لان بطبع اليارس نعمة
وعلى فكرة اغلب عيوب اليارس هيا اصوات بتطلع بسبب الوقت والزمن ... وبسبب الضوارع الي مليانة ميه ووحلة ... انا كان بيطلع معايا صوت صفارة كده كل ما ادوس على الدبرياج في النهاية لمن رحت التوكيل قالوليىسلك الدبرياج محتاج لحسة شحم قاد كده
عندك برضوا في المساعدين الخلفين. في الشتا بالذات بسمع صوت تزيء في المساعد ايييييء اييييء لمن تطلع من على مطب وتنزل عليه قلك دي جلب التوكيل قلك ملهاش حل. وخسارة تغير المساعد علشان صوت .... في المنتدى قالولك لا شحمها والي قلك هات دبليوا فورتي .... وجربت نفس كل الطرق بس مفيش فايدة
فهتلاقي بوظان الرمان بلي ده من كتر المية والوحلة الي بتخش فيه او كلت حفرة فسببتلك شيء تاني كل دي مجرد تخمينات لحد دلوقتي بس المهم انك لو اكتشفت المشكلة متبخلش علينا بالحل ... وتحياتي ليك يا رياسة
خلي بالك وارد تكون زلطة محشورة في الكاوتش وبتعمل صوت
بتحصل معايا كتير وبالاخص قبل ماجنط كان الزلط بيتحشر في الطاسات وبيعمل صوت مزعج
اعمل زوايا برضوا عشان تطمن
اتفضل ياعم
امبارح وانا سايق بالليل .على المحور .... حسيت ان في بوش في الدريكسيون ١سم
يعني الف الدريكسيون وبعدين اسمع صوت تكه ( واحس بيها ) كده وبعدين العربية تستجيب ؟
حد يعرف البوش ده. تبقى مشكلة ايه !!!!
شكرا ياشباب علي المشاركة .. الحمد لله الموضوع طلع بسيط جدا.. الدلاية كانت واقعة وانا موش واخد بالي وهي اللي كانت عاملة الصوت...
يااااااااااااااااااه ريحت قلبي يا عم ههههههههههههههههه انا اترعبت اصوات مع الزمن و اصوات مساعد و بلى هههههه انا لسه جايب ال 30 الف خلوني انبسط بالعربية والنبي هههههههههههههههه