العربية كان سايقها أخويا وأخد مطب اللى بيبقى محفور لتحت وكملنا مشوارنا والحمد لله بس لقيت طارة الدركسيون مش مضبوطة
بمعنى بعد ما ألف الدركسيون واسيبه الاقى الطاره لفت او رمت ناحية الشمال لوحدها مايقرب من ربع لفه
فمش عارف بقى ايه السبب
اكسنت 2007
عرض للطباعة
العربية كان سايقها أخويا وأخد مطب اللى بيبقى محفور لتحت وكملنا مشوارنا والحمد لله بس لقيت طارة الدركسيون مش مضبوطة
بمعنى بعد ما ألف الدركسيون واسيبه الاقى الطاره لفت او رمت ناحية الشمال لوحدها مايقرب من ربع لفه
فمش عارف بقى ايه السبب
اكسنت 2007
بالظبط عاوزة تظبيط زوايا بس
انا كنت مظبط زوايا قبلها بيوم لانى كنت مسافر بيها
بس الفكرة ان العجل بيبقى ثابت فى اتجاهه واول ما أسيب الدركسيون الاقية رمى ناحية الشمال
خايف يكون حاجة اتكسرت او اتفكت
ببساطة ممكن من المطبات الزوايا تخلف ... يعني تضبط زوايا وتخرج من الورشة تأخذ مطب نضيف تروح تظبط زوايا تاني!!!
متشكر على ردكم
بس الحمد لله مش هايكون حاجة غير الزوايا
اصل انا مركب مساعدين ناشفة فعشان كدة حسيت بالمطب مع انى كنت مظبط العفشة والزوايا وسافرت بيها الغردقة ورجعت والحمد لله
فهل المطب ممكن يكون لية تأثير على الشاسية ولا المساعد الناشف بيمتص الصدمة
ومعلش انا دوشتكوا بس كلامكو طمنى بصراحة انه ممكن يكون زوايا بس
شكرا مرة تانية
حضرتك كده العربيه زواياها تغيرت محتاجه تظبط زوايا بس خلي الصنيعي يربط صاموله بيضه الطرف كويس علشان متبقاش سهله في الحل
قبل ما تظبط زوايا حاول تكشف علي جلبة المقص اللي بتحدف ناحيته العربيه
و حمداً لله علي سلامتك
صباح الخير
انا روحت لبتاع الزوايا لقيتها مظبوطة
ولسة الدركسيون فية حاجة مش مخلية الطارة حركتها مش طبيعية زى الاول
ولما بهز الطارة مفيش فيها بوش ولا ناحية فوق ولا تحت ولا يمين وشمال
بس لما بهز الطارة وانا واقف يمين وشمال والعربية دايرة بحس بحاجة بتخبط من عند العلبة اللى عند دراعات النور
قولولى ايه الحل