انا عايز اروح ميدان الحريه وبالتحديد شارع 151 فى المعادى من رمسيس او التحرير بالعربيه بس بالتفصيل الممل
شكرا ليكم
عرض للطباعة
انا عايز اروح ميدان الحريه وبالتحديد شارع 151 فى المعادى من رمسيس او التحرير بالعربيه بس بالتفصيل الممل
شكرا ليكم
مفيش خالص؟؟
دور فى المواضيع فى القسم كان فى حد بيسال على الميدان ده ... لو فاكر صح هو فى المعادى قبل ما تعدى شريط المترو من ناحية النيل
يعنى من التحرير تركب الكورنيش و طوالى لحد مدخل المعادى 1 و تخش شمال و توصل اول ميدان قبل الكوبرى و تقف تسال.
من رمسيس حضرتك توصل لميدان عبد المنعم رياض و منه إلى الكورنيش فى اتجاه المعادى و هتفضل ماشى على طول هيقابلك القصر العينى و هتفضل مكمل على طول و بعد كده الزهراء برضه تكمل على طول و بعدين تدخل من مدخل المعادى الاول اللى عند اكاديميه السادات تمشى من جنبها و هتدخل مع الشارع اجبارى يمين و تكمل هيبقى فندق المعادى على يمينك هتروح داخل شمال هتلاقى نفسك عند ميدان جامع الفاروق تلف الميدان و تدخل الفتحه اللى بعد مطلع الكوبرى اللى بيدخل على المعادى و تمشى فيه هتلاقى نفسك عند السوق تقوم ماشى تحت كوبرى السيارات و تطلع هتلاقى ميدان الحريه قدامك. أوصل بس عند ميدان جامع الفاروق و اسأل على ميدان الحريه علشان ما تتوهش و لو عايز نصيحتى لو العربيه مش ضرورويه اركب المترو اسهل مليون مره. هتركب المترو من محطه رمسيس و هتنزل محطه المعادى و هناك تطلع كوبرى المشاه تعدى منه الناحيه التانيه و تسأل من هناك هتمشى حوالى ٥ دقائق و توصل هناك و كده اسهل و اسرع
اشكرك استاذى العزيز الف شكر
[QUOTE=beshomilan;3874621380]انا عايز اروح ميدان الحريه وبالتحديد شارع 151 فى المعادى من رمسيس او التحرير بالعربيه بس بالتفصيل الممل
شكرا ليكم[/QU
حضرتك عايز تروح بالمترو ولا بالعربيه
عمومن هقول لحضرتك الطريقين
لو بالمترو
حضرتك هتركب المترو وتنزل فى محطه المعادى وتقريبا هيه المحطه العاشره
مش هتخرج من المحطه وهتطلع السلم الداخلى وتخرج من البوابه التانيه ( اتجاه المرج) وبعد خروجك من البوابه هتمشى يمين وهتلاقى بنهايه السور على يمينك جامع وفى المواجه سترى كوبرى سيارات واصل السير الى ان تصل الى هذا الكوبرى وامشى بمحاذاه الكوبرى شمال فى نهايه منزل الكوبرى
ستقترب كثيرا من ميدان الحوريه اما شارع 151 وهو الشارع اللى فيه المطافى ممكن تسأل عليه او حضرتك وانت فى ميدان الحوريه ستجد على يمينك وانت قادم من المترو على ناصيته كشك والطريق متفرع لآكثر من شارع حضرتك ادخل يمين وسومانيل اللى هتشوفه امامك وانت فى الميدان خليه على شمالك وادخل هذا الشارع دا شارع 151
لو بالسياره
هتمشى كانك رايح التحرير ومتدخلش التحرير ومن تحت كوبرى اكتوبر لف لغايه ماتطلع الكورنيش اتجاه حلوان هتفضل ماشى فى هذا الطريق لغايه ماتوصل مستشفى المعادى للقوات المسلحه بعدها بفتره بسيطه هتلاقى مدخل المعادى رقم (1) اوعى تنسى وتكمل تدخل من المدخل رقم (2)
مدخل المعادى (1) هتكون اكاديمه السادات على يمينك بعد متدخل مدخل المعادى وبعدها الفندق والطريق اجبارى يمين هتدخل مع العربيات وطبعاً شارع 151 قريب جدا من هذا المكان
واسمح لى مش هقدر اكمل الوصف عشان الشوارع متداخله ممكن اوصف لحضرتك اتجاه تدخل فى عكسه تلاقى حضرتك بقيت فى ثكنات المعادى
فالافضل لحضرتك انك تقف فى هذا المكان وتسأل عن الوصول الى ش 151 او اسأل عن الشارع اللى فيه المطافى افضل لان كتير من الناس متعرفش ارقام الشوارع فهيكون معروف باسم المطافى او الشارع اللى فيه عمر افندى
تحياتى لحضرتك
العفو و بالتوفيقاقتباس:
المشاركة الأصلية كتبت بواسطة beshomilan
طبعاً جميع وصفات الزملاء صح لكن عشان متدوخش وتوه في موضوع مدخل الأكاديميه والإجباري يبقى خليك في المدخل اللي قبله وهوصفلك بالظبط ,
طبعاً إنت فهمت إنك هتمسك كورنيش المعادي من عند التحرير المهم هتكمل كما وصف الزملاء المحترمين لحد مستشفى المعادي هيقابلك مدخل بين سور المستشفى والمحكمه الدستوريه اللي حلّوا مجلس الشعب منهم لله ( بس دي علامه عشان مش تتوه ) المهم متدخلش المدخل ده إدخل اللي بعده على طول يعني آخر سور المستشفى على هتدخل شمال على طول وتخلّي سور المستشفى على شمالك وتكمل لحد آخر السور
وآخر سور المستشفى خالص هتلاقي تقاطع تدخل يمين علطول يعني هيبقى على شمالك محطة شل أول ما تدخل يمين وهتكمل بالكتير 200 متر لحد مترو ماركت بعد مترو ماركت علطول في تقاطع هتدخل منه شمال هيوديك على ميدان فيه محطة ميني باص إسمه ميدان الإتحاد وشارع 151 ده على يمنك بعد المحطه علطول وهو بالتحيد اللي بيوصّل من ميدان الإتحاد لميدان الحريه وتوصل بالسلامه إن شاء الله
وطبعاً لو بالمترو هتنزل محطة المعادي وتسئل وخلّي بالك المعادي مش حدائق المعادي
اشكركم اخوتى الكرام للوصف الدقيق والمساعده..ربنا يكرمكم