№◈ ياجماعة أنا أدمنت على المنتدى ⊙◈ حد يشوفلنا حل ...

http://alhayat.com/Content/ResizedIm...0045057336.jpg

ياجماعة انا حاسس اني ادمنت اعلى الانترنيت ... وبالذات المنتدى ...
اروح الشغل معايا الجهاز بتاعي يادوبك اقعد اشتغل ولسه هقول يارحمن يارحيم ابص الاقي نفسي اقول لنفسي طيب ما افتح كده المنتدى اشوف مين شاف موضوعي ولا ايه المواضيع الجديدة. ولا مين اداني لايك .... وافتح الجهاز ... شوية ارجع لشغلي ... وانا في عز معمة الشغل اقول لمن افتح كده ابص بصة اشوف فلان. رد ايه على تعليقي. افتح الاقيه مردش وارجع تاني ....

ده حتى الواحد اول مايرجع من الشغل ولا كان في مشوار ورجع البيت واول مايخش البيت وقبل مايغير هدوموا اقول خليني افتح اشوف عملوا ايه ،... ولا ايه المشاركات الجديدة .... ده. حتى بالليل والواحد وهو سهران على فيلم ولا متابع تمثلية ولا حتى بيتفرج على نشرة الاخبار بيبقى قاعد وحاطط الكمبيوتر على حجرو وشغال يقلب في المواضيع .

http://t0.gstatic.com/images?q=tbn:A...tlddoEitmSFu2w

مفيش حد لقى طريقة نقدر نتحكم في وقت الانترنيت
لان من كتر حلاوتوا الواحد بقه يدمنوا

@@@@@@@@@@@
وتحياتي

والله عندك حق
دا أنا كل ما أكون قاعدة لوحدي معايا اللاب توب أفتح أشوف أخبار المنتدي
ولو مش معايا أفتح الموبايل - أشوف أخبار المنتدى
ولو حتى ماليش مشاركات ولا منتظرة ردود ولا لايكات
وكمان ساعات بيكون مودي وحش ومعنديش أستعداد أشارك في أي مواضيع أو أرد :mahf(5):
لكن مجرد متابعة وإدمان وخلاص

نفس الحكاية معايا برضة
بصراحة المنتدي اصبح ضرة الزوجات

انا برضة حتى لو مش بشارك بس احب اشوف المواضيع

http://t1.gstatic.com/images?q=tbn:A...ZNW_OTspXpW7rw

اده يعني مش انا وحدي بعاني من حلات .... الادمان دي هي ....
ده حتى افتكر حتى وانا عيان وراقد في السرير .... اول ما اقوم من النوم بتكون مثلاً المدام في المطبخ اقوم ناده على حد من العيال واقول. انتي يابت انتا ياوله وانده على حد فيهم .... فاسمع المدام وهيا في المطبخ تنده على توووته بنتي .... توته كلمي ابووكي يابت شوفي ابوكي عاوز ايه .... ابوكي بينده عليكي وتيجي توته وتقلي ها يابابا اخبارك ايه دلوقتي اجبلك كوبايت ميه .... اقوم اقولها وانا تعبان وسخن. ومش قادر اخود نفسي لا يا حبيبتي بس ناوليني الاي باد من على السفرة برة وعلبة السجاير وان ملقيتهمش اسئلي ماما خبيتهم فييييييين. !

@@@@@@@@@@@@@@

ههههههههه

الحال من بعضه أميدو

^_^

هههههههههههههه
حتى انتا يابوحميد .... بس الحمدالله احنا ارحم من غيرنا بكتيرررر
ده في ناس مدمنة فيس بوووووك

http://t2.gstatic.com/images?q=tbn:A...DMjpvQwW9d_6gy

الحمدالله .... اني مبعرفش اخوشلوا رغم اني حاولت اتعلموا كتير
بس مفهمتهوش .... ولقيت الخط صغير فيه كده قلت لسه همئ مئ عنيا فيه على ايه
الطيب احسن

http://t2.gstatic.com/images?q=tbn:A...BymgGs6DsiBwjw

@@@@@@@@@@@@@@@@@

ولا الناس التانية مدمنين الشااااات
ههههههههههه
عجبتني الصورة دي قوي بتشم زراير الكي بورد من حبها للشات

http://t1.gstatic.com/images?q=tbn:A...CidgONr9slEdcR

@@@@@@@@@@@@@@@@@@@@

http://t0.gstatic.com/images?q=tbn:A...0367ryxDJnlblA

والمشكلة الحقيقة. .... الاطفال الي عرفونا على سكت الكمبيوترات .... وكنت باستغرب لمن كل شوية اشد فيشة الكمبيوتر واقفلوا علشان يناموا .... واصحى بالليل الاقيهم قاعدين عليه ... وسهرانين على الرغم ان وراهم مدرسة بكرة ... فقلت لازم ابقى اب عصري وافهم كويس هما بيعملوا ايه وبيخوشوا فين وحرمتهم من الكمبيوتر لغايت ما افهم هو الكمبيوتر ده بيتعمل عليه ايه بالزبط. ... واتافجئ مع مرور الوقت هما بقوا يشربوا اللبن ويناموا بدري .... وانا الي بقيت اسهررر عليه .... هههههههههه .... علمتهم يبطلوه. وادمنتووووو انا

والله يباشا المضوضوع بجد باى صعب
انا اقل يوم بقعد من 4 الى 6 ساعات على المنتدى بس غير بقى الفيس
والله كلنا هذا الرجل
تحس انى فى حاجة بتشدك من غير متقدر تقاوم
انت عارف انا بفضل قاعد على المنتدى لغاية الساعة 12 مثلا على الاب اقول يلا يواد لما تؤم تنام علشان تروح الشغل فايق
اخش السرير افضل فاتح من الموبيل لغاية لما يقرب يفصل شحن و اسيب الشوية اللى فاضلين فالشحن دول علشان المنبة يرن الصبح يصحينى

انت بس بتجيب الصور دى منين :)
ما شاء الله عليك دايما موفق فى اختيار الصور

likewise..
أنا ببقى سايب المنتدى مفتوح معظم الوقت طول مانا قاعد على الكمبيوتر في البيت.. و بفتحه من حين لاخر على الموبايل في الشغل..

طيب هو مش في قرار بغلق المحلات بالليل

http://t2.gstatic.com/images?q=tbn:A...Ib9ok2-9m-0TRA

هل ممكن يطلعوا قرار بغلق المنتدى والانترنيت ليلاً ...
علشان صحة وارواح المواطنين !
وعلشان يريحوا عنيهم واعصابهم ويوفروا سجاير وكهربا بالليل ويناموا ؟

اهو علشان تنورنا ..

ياااااااااااااااااااااااا اااااه

كنت قلقان علي نفسي ..... و حزين علي الحال اللي وصلتله في بيتي و في شغلي و قبل النوم من الموبايل .....

لكن دلوقتي معنديش غير شعار واحد

( عندما يعشق المنتدي )

الحل يا احمد باشا تاخد وقف شهر :)))))

نفس الكلام معايا برضه

انا ممكن اقول سبب مش عارف هو صح ولا غلط من وجهة نظرى

ان الحياة فعلا دلوقتى فى مصر بقت شبه مقرفة و مبقاش فيه حاجة تتعمل .. يعنى تنزل الشارع تروح مكان تتفسح تتبهدل فى الطريق و تروح تبقى خلاص خلصان و اعصابك بايظة فالمشوار يبقى مقرف

التلفزيون كله برامج اى كلام و نفس الكلام و الهرى فى السياسة مبينتهيش

مبقاش فيه حاجة ليها طعم زى زمان

عشان كده كلنا بنهرب للمنتدى .. المكان الجميل اللى فيه ناس محترمة و اهو تغيير جو و انت قاعد فى البيت

لا فعلا المنتدى هناااااا ادمان والنت كله عموما بس هنا يمكن اكتر علشان يعتبر الاكتر كله سنه قريب من بعضه وتلاقى جديد على طول ومواضيع تفيدك برضه كتيييييييييييييير ومن الناس السبب فى الادمان ده ياايارس هو انت هههههههههههههههههه من الناس الى بحب اتابع مواضيعها بجد والله بتبقى مفيده كتيييييييييييير وبيبقى اسلوب كلامك جاااااامد

حرام عليك
محدش يقول يا جماعة
عشان الحاجات دى بتتحسد :-)
الله اكبر الله اكبر
خليها فى سركم
تعالى بخر المنتدى بقا بعد الكلام ده :018:
قال نغلق قال:I_angr1[1]:
انت عاوز تضيعنا على فكرة وهنبلغ عندك :10_9_133:

انا اصبحت كذلك مع اني غير محب لاختراع الانترنت اصلا و لكن بعد ما "اتكعبلت في المنتدي" الامور اصبحت مختلفه

اقتباس:

---

المشاركة الأصلية كتبت بواسطة y a r i s

http://t1.gstatic.com/images?q=tbn:a...znw_otspxpw7rw

اده يعني مش انا وحدي بعاني من حلات .... الادمان دي هي ....
ده حتى افتكر حتى وانا عيان وراقد في السرير .... اول ما اقوم من النوم بتكون مثلاً المدام في المطبخ اقوم ناده على حد من العيال واقول. انتي يابت انتا ياوله وانده على حد فيهم .... فاسمع المدام وهيا في المطبخ تنده على توووته بنتي .... توته كلمي ابووكي يابت شوفي ابوكي عاوز ايه .... ابوكي بينده عليكي وتيجي توته وتقلي ها يابابا اخبارك ايه دلوقتي اجبلك كوبايت ميه .... اقوم اقولها وانا تعبان وسخن. ومش قادر اخود نفسي لا يا حبيبتي بس ناوليني الاي باد من على السفرة برة وعلبة السجاير وان ملقيتهمش اسئلي ماما خبيتهم فييييييين. !

@@@@@@@@@@@@@@

ههههههههه

---

اخى وحبيبى محمد السلام عليكم
النت والمنتدى مقدور عليهم - ولكن السجائر هذه بلوى كبيره ربنا يبعدك عنها اهدار للصحه بدون فائده

مش انت لوحدك يا ميدو
على فكره الحل الوحيد لاما تبيع الايباد والكمبيوتر
لاما تفصل النت
وهتبقى عامل زى المدمن الى بيتعالج من الادمان بقطع كل وسائل الادمان مره واحده وده حصل عندى لما النت قطع 4 ايام بحالهم
مش هتصدق بقيت عامل زى الى ناقصه حاجه ومش لاقيها
بس فى اختتلاف تانى خالص
مبقاش فى شغل يتاخر وكل حاجه بتخلص فى وقتها وكل الناس مبسوطه من الشغل الى بيخلص فى وقته وبقى عندك وقت فراغ كبير اوى تقدر تجدد وتفكر فيه فى حياتك القادمه والحاليه

بس لما رجع تانى
:untitled: رجعت ريما لعادتها القديمه

يا فندم المنتدي هنا يعتبر متنفس لناس كتير أوي من اللي بيعانوه ف الشارع من سواقين الباصات او الناس الغير متوافقين معاهم ف الفكر,, هنا تلاقي ناس محترمه وراكبين تويوتا ياريس زيك مثلا وافكارهم واللي بيحصلهم والمواقف قريبه من اللي بيحصك..تحس انها عيله كبيره كدا قاعده ف كافيه وكل واحد بيحكي والناس تسمعله
واحسن حاجه ان محدش هيقاطعك لأ وبتاخد فرصتك كاااااااااامله ف التفكير قبل الرد علي أي حد.