من هم اصحاب الفضل عليك ( بعد الله عز وجل )

والله ذو الفضل العظيم .... الحمد لله .... طبعا المقصود بالموضوع بعد فضل الله ورسوله علينا

كل منا في حياته اشخاص لهم فضل كبير عليه
اكيد الوالدين ح يكونو عامل مشترك في الاجابات .... لكن غير الوالدين ... مين؟ .. وليه ؟
انا ح ابدأ بنفسي
طبعا ناس كتييير لهم افضال عليا ... منهم مدرسين و اصدقاء وجيران واقارب لكن ح اخص بالذكر 2
الأول : استاذي الذي تتلمذت علي يديه مهنيا .... المحاسب القانوني اللي علمني المهنة اللي باشتغلها حتى الآن ... الله يرحمه ويجزيه خير عن العلم اللي علمهولي انا وغيري ..كان اسمه الأستاذ / عبد الحكم الفقي .... توفى منذ حوالي 5 سنوات رحمه الله
الثاني : الشيخ / أيمن السعدني..... الراجل ده هو اللي علمني - ومازال - كيف اقرأ القرآن الكريم ( اقصد القراءة بأحكام التجويد )... وكان سبب في تغيرات جذرية في حياتي .... ومازلت باتعلم منه وأحضر دروسه حتى اليوم .... ربنا يجزيه خير عني وعن غيري

كل الناس اللي حوليا ليهم فضل فيما انا اصبحت عليه ... و هوه البني ادم ايه غير شويه افضال و حاجات تاني فوق بعض ههههههههههههه
الانسان بيتاثر باللي حواليه و بيأثر في اللي حواليه .. و دي كفيله انها تغير طريقه تفكيرك و طريقه حياتك و تغيرك جذرياُ ... و بالتالي فان لكل انسان قابلنه الفضل في اللي انت وصلتله دلوقتي ...

يااااااااااااه

شوف يا سيدي

الشيخ : عبد الله فضل الله ادم سوداني الجنسية و حفظت على يديه ستة اجزاء مجودة من المصحف الشريف .

مدير مكتب رئيس جامعة المنصورة لأنه ساعدني لرفع ظلم بين وقع على من اربع سنوات
و ساعدني لله ووجهه الكريم


و الحمد لله على كثير نعمه فله الفضل الأول و الآخر و له الحمد و المنة

اقتباس:

---

المشاركة الأصلية كتبت بواسطة Xpert

كل الناس اللي حوليا ليهم فضل فيما انا اصبحت عليه ... و هوه البني ادم ايه غير شويه افضال و حاجات تاني فوق بعض ههههههههههههه
الانسان بيتاثر باللي حواليه و بيأثر في اللي حواليه .. و دي كفيله انها تغير طريقه تفكيرك و طريقه حياتك و تغيرك جذرياُ ... و بالتالي فان لكل انسان قابلنه الفضل في اللي انت وصلتله دلوقتي ...

---

صح يا بيشو .... لكن فيه ناس اليومين دول للأسف ( خاصة المشاهير ) تلاقيه يقول .... انا عملت نفسي بنفسي .... فيه ناس ادولي الفرصة ... لكن لولا اني استحق ما كنتش نجحت ....دي اسطوانة بتتسمع كتير دلوقت .. للأسف

اقتباس:

---

المشاركة الأصلية كتبت بواسطة Ahmed Samy

الشيخ : عبد الله فضل الله ادم سوداني الجنسية و حفظت على يديه ستة اجزاء مجودة من المصحف الشريف .

---

يااااااه
تخيل بقى كل ما انت تقرأ القرآن اللي علمهولك ..... هو بياخد أجر زيك ....
هو ده الأستثمار الحقيقي ...... لمثل هذا فليعمل العاملون

سيبك من الناس و كلام الناس .. ربنا هوه اللي بيديك الفرصه علشان تبقي حاجه .. و انت .. يأما بتستفيد بيها .. يأما بتعديها ... و حقيقي يعني ... بيجيبلك اكتر منفرصه .. بل و ان الحياه كلها فرص ... اسطوانات الافلام و الهاي فاي دي سيبك منها .. دي ناس مش عايشه الواقع اصلاُ ... (ده مايمنعش ان بعض الغرور مفيد .. بس اكيد مش نوع الغرور ده !)

بص يا عم احمد باشا ...
طبعا .. الفضل كله لله عز وجل اولا و اخيرا .. و اذا تكلمت عن الاب و الام .. حيضطروا ينقلوا المنتدي لهوست جديد علشان يكفي ..
عدا ذلك .. فاصحاب الفضل عليا كتير ..
بداية من الناس اللي علموني ازاي اقرأ القران و كانت لهم اثارهم التربوبة المميزة في حياتي . .. ومرورا باساتذتي في المراحل التعليمية المختلفة ..ووصولا الي زملاء و رؤساء في العمل ..
** لكن تحديدا .. اذكر شخص عزيز جدا علي قلبي و هو ا.د/احمد جبر .. و ده كان رئيسي في العمل لمدة سنة و نصف تقريبا .. و في هذا الفترة المت بي بعض الظروف العائلية المفاجئة .. الراجل لما عرف .. قدم لي كل دعم ممكن في العمل ..لاضطراري الي التغيب المستمر لفترات ...و الاكثر من ذلك .. انه في احد المرات اضطررت لمغادرة العمل مسرعا .. فوضع سيارته تحت تصرفي بالسواق بتاعه .. تخيل .. !!!!!
ربنا يباركله و يديه الصحة .. و يجازيه خير .
-----------
لو فتحت في اللستة ( القائمة ) مش حاخلص .. اديني انت بس الكارت بلانش .

مدير قسم الكي جي في المدرسة اللي كنت باشتغل فيها بعد ما اتخرجت على طول.. خريجة جديدة بأه و مش عارفة حاجة في أي حاجة و أول مرة أدرس و أخطائي كانت قاتلة.. انما هو كان بيساندني جدا قدام الإدارة و لما جيت امشي من المدرسة قلت له و قال لي روحي المكان الجديد و جربيه أسبوع و انا مش هابلغ الإدارة انك ماشية إلا لما ترجعي بعد الإسبوع ده تقوليلي انك مرتاحة هناك.. بصراحة دي مش أي مدير في شغل ممكن يعملها و فاكراها له لحد دلوقتي حتى بعد مرور 10 سنين على الأحداث دي.

امي امي امي امي
امي امي امي امي امي امي امي امي امي امي
امي امي امي امي امي امي امي امي امي امي امي امي
امي امي امي امي
امي امي امي امي

وبعدين ابووووووووووووووووووووووو ووووووووووووياااااااااااا ااا
وبعدين خلاني واصحابي وشوية بشر حوليا موش جايين على بالي دلوقتي

بابايا الله يرحمه هو الوحيد اللى لو فضلت عمرى كله احاول اقول افضاله عليه مش هقدر اوفيه حقه
و مامتى كمان طبعا

و اخويا توأمى احن و اطيب اخ فى الدنيا و بجد سندي فى الدنيا بعد والدي الله يرحمه

ناس كتير اصحاب فضل عليا
بخلاف والدي و و الدتي اللي مهما قولت مش حقدر اوفي جميلهم عليا.
استاذ ابراهيم علام اللي اول ما اتخرجت شغلني في شركه ادويه مندوب مبيعات
استاذ ماجد ذخاري اللي علمني الشغل و عملني ازاي اتعامل مع العملاء
استاذ ايهاب الصياد ابن خاله والدي اللي سفرني الامارات و كانت تجربه فاشله بس الحمد لله اتعلمت برضه :(
مستر (مش فاكر اسمه ايه و الله كان راجل الماني) مديري في الامارات اللي اتخانقت معاه و كانت من احد الاسباب اللي خلتني ارجع مصر و لولا المشكله اللي حصلت كان زماني لسه هناك قرفان
خالي اللواء عادل العايدي اللي ساعدني لما جيت افتح المصنع بتاعي و وقف جنبي

ااااااااااااااامـــــــــ ـــــــــــــــى اااااااااااااااااااا مـــــــــــــــــــــــى ااااااااااااامــــــــى ااااااااااااااااااامـــــ ـــــــــــــــى ثم وووووووووووالدى ثم واالدى ثم ووووووالدى فقـــــــــــــــــــــــ ـــــــــــــــــــــــــ ــــــــــــــــــط

اقتباس:

---

المشاركة الأصلية كتبت بواسطة دموع الثلج

ااااااااااااااامـــــــــ ـــــــــــــــى اااااااااااااااااااا مـــــــــــــــــــــــى ااااااااااااامــــــــى ااااااااااااااااااامـــــ ـــــــــــــــى ثم وووووووووووالدى ثم واالدى ثم ووووووالدى فقـــــــــــــــــــــــ ـــــــــــــــــــــــــ ــــــــــــــــــط

---

وحشتييييييييييينا يا دموع :)

اقتباس:

---

المشاركة الأصلية كتبت بواسطة OlaOsman

وحشتييييييييييينا يا دموع :)

---

علالالالالالالالالالالالا لالالا

ازيك وحشتينى مووووووووووت والله وكل المنتدى وكل الاعضاء المحترمين اللى هنا


انا بشكرررررررك جدا على سؤالك عنى واتصالك وبشكر الاستاذ احمد ابراهيم جدا ومدام شومخر

ربنا يحفظكم ويبارك فيكم يارب

ياااااااه مين ؟؟؟؟ .... دموع الثلج
انا لو اعرف ان الموضوع ده ح يخليكي تنورينا .... كنت عملته من زمان
الحمد لله على السلامة

أول ما شفت الموضوع ... قعدت أفكر و ملقيتش حد أقول إنه هو صاحب الفضل عليا !!! ..... قلت أسيب لنفسى فرصة يوم أفكر ........ دورت ملقيتش.

بالطبع لا أقصد إن محدش ليه فضل عليا ... لكن لو قلت حد معين أبقى ظلمت الباقى ... كلهم عندى متساوين حتى لو حد أفادنى بكلمة .... حتى اللى فادنى قليل بدونه كان هيبقى ناقصنى كتيييير.


والدى و والدتى دايماً بيناقشونى فى كل حاجة ... و أنا من صغرى كنت بلوة .. بسأل فى أى حاجة لغاية ما حد يجاوبنى إجابة مقنعة ... لدرجة إنهم ساعات كانوا مبيعرفوش يجاوبوا من صعوبة الأسئلة فكانوا بيقولولى منعرفش ... أقعد أزن و لازم لازم يجاوبونى ...يقوموا قالينلى أى إجابة (بس المهم تقنعنى) ...
تفضل فى مخى إجابتهم .... و أول ما أكتشف إنها غلط (ساعات كنت بكتشف بعد 5 و 6 سنين) أروح أتناقش معاهم و أقولهم ليه قولتولى إجابة غلط ... بتضحكوا عليااااااا ..... :unhappy4:

*******
أثر فيا زيادة حبتين مدرس الفيزياء ثانوية عامة ..... سيبكوا من المنهج العلمى اللى كان بيدرسه ... علمنى حاجة أهم بكتير .. علمنى المنطق فى التفكير و إن كل حاجة فى الكون ليها سبب و لازم تفضل ورا الحاجة و تفكر فيها لغاية ما تعرف هى ليه كده ... فعلاً الراجل ده مكنش بيسيب قانون أو أى حاجة بتحصل إلا لما يقولنا جت إزاى و يفهمهلنا حتى لو مش مطالبين بيها ....
بقيت بطبق كل الكلام اللى بيقولهولنا فى كل حاجة أشوفها و أسرح فى التفكير لبعيييييييد و أبص للموضوع من كذا ناحية لغاية ما أعرف إيه اللى خلاها تبقى كده ...
و لغاية دلوقتى ... يستحيل أخد كلام من أى بنى أدم من غير ما أفكر فيه و أقتنع بيه ..... لازم أفهم كل حاجة من كل ناحية.
******
مدرس العربى فى تالتة إعدادى و أولى ثانوى فى المدرسة .... علمنى إزاى الواحد ممكن يلعب بالكلام قدامك و يخدعك و إزاى تكشفه .... كان بيدينا أمثلة كتييير جداً و يقولنا هاه فهمتوا إيه من الكلام ده .. طبعاً كنا مبنطلعش غير معنى واحد أو إتنين للكتير ...... لكن كان هو بيجيبلنا معانى غريبة جداً للكلام عمرنا ما نفكر فيها ....
و بطبق كلامه فى حياتى دلوقتى ..بإنى قبل ما أقول كلمة لازم أفكر فى كل معانيها و إيه أقرب معنى ليها و إيه اللى بعده و مين هيفهم الكلام ده كده ولا كده .

*****

فى ناس تانية كتييييييييييير أنا عارف إنى ظلمتهم ..... بس كفاية كده عشان طولت عليكم.

والدى الله يرحمه
والدتي ربنا يدها الصحه وطولة العمر
استاذ سمير ده راجل عرفني علي مكتب المحاسبه الكنت بشنغل في قبل ماروح الشركه الانا فيها دلوقتي
استاذ ممدوح عبد الغفار صاحب المكتب الكنت بشتغل فيه يعتبر الاب الروحي ليا
زوج اختي عشان وقف جنبي كتير بعد والدى ومازل واقف بجوارى
وناس تانيه كتيير عشان الواحد كل مايقابل ناس بيتعلم منها

شكرا" يا استاذ احمد علي هذا الموضوع المتميز

اقتباس:

---

المشاركة الأصلية كتبت بواسطة aif

ياااااااه مين ؟؟؟؟ .... دموع الثلج
انا لو اعرف ان الموضوع ده ح يخليكي تنورينا .... كنت عملته من زمان
الحمد لله على السلامة

---

الله يسلمك يا استاذ احمد

ااااااااستاذ احمد ازى حضرتك انا بشكر ك جدا على سؤالك

والموضوع منووووووور بحضرتك لان مواضيعك دائما مميزه

أنا حاسس إن الموضوع ده بجد في وقته
أنا بدين بالفضل ال-٣
أمي ربنا يخليهالي لأنها تعبت معايا أوي وضحت كتير عشان خاطري أنا واخواتي عشان أنا والدي متوفي من زمان
خالي الكبير إلي رباني من ونا عيل وطلعني راجل وعلمني المسؤلية وعاملني ذي ولاده ويمكن أكتر من الأخر علمني ازاي أعيش مع كل واحد حسب الإسلوب إلي بيناسبو
خالي الصغير إلي علمني إحترام كل حاجة في حياتي وإن مش الدنيا سهلة أوي زي منا كنت متخيل
أبي أنا معشتش معه كتير بس علمني أكن راجل
بعد دول مع احترامي لأي حد بس محدش ليه فضل عليا

رغم ان الوالدين خارج التقيم
و لكن امى ثم امى ثم امى
و لا يوجد احد فى الدنيا له فضل عليا غيرها
لقد افنت حياتها كلها من اجلى
و والدى خارج المنافسة لانه توفى قبل ولادتى بفترة قصيرة و لم اراه

بعد فضل الله سبحانه وتعالى

ومع عدم أخذ الوالدين فى الأعتبار لأنهم مفروغ منهم

يفضل فى ناس كتيييييييييييييير أوى أذكر منهم خالى الله يرحمه وأزاى كان بيعاملنى خصوصاً بعد وفاة والدتى الله يرحمها

وأخواتى الكبار ( 2 توأم والأتنين مهندسين )

مديرى فى الشغل لحد 3 شهور فاتو ( من 2003 الى 2008 ) وهو علمنى حاجات كتيير فى كيفية المعاملة مع الناس ( مع أنى كنت بختلف معاه كتير فى الشغل ) بس هو كان و ما زال بيعملنى زى أخوه الصغير

وأخيراً أسألكم الدعاء لأمى المتوفاه وكذلك خالى

اللهم أرحم موتانا وموتى المسلمين جميعاً

الفضل لله عز وجل اولاً ومن ثم والدى رحمه الله ووالدتى ومن ثم كل من ساهم فى تكوينى العلمى والنفسى والعملى حتى وقتنا هذا اساتذة الابتدائى والاعدادى والثانوى والجامعة الى كل هؤلاء الشكر والتقدير والاحترام

أمـــــــــــــــــــــــ ـــــــــــــــــــــــــ ــــــــــــــــــي ثم أمـــــــــــــــــــــــ ـــــــــــــــــــــــــ ــــــــي
و يليها في الفضل عليا دكتور ياسر حسين دكتور الكيمياء الفيزيائية بكلية التربية جامعة الاسكندرية
الذي جعلني اقبل الوضع بوجودي في كلية التربية والعمل علي تحسين موقفي بنفسي
وبالطبع الفضل في كل ذلك يعود في البداية و النهاية لله عزوجل