الموضوع: اكسسوارات للى بى واى دى

المشاركة الأصلية كتبت بواسطة bassem.naguib

شوف الأول إمكانية تركيب الكلام ده في التوكيل علشان ضمان ضفيرة الكهربا .. خلاف ذلك فيه أماكن كتير بتركب الحاجات دي .

مش عارف ليه التوكيل مبيستجبش لنداءات مالكي السيارة في توفير الأكسسوارات .. مع أنه حيستفيد في بيعها ؟!!

شكرا لحضرتك
هاجرب التوكيل مع انى عارف رد التوكيل هيقولى مش متوافر مع ان موقع على بابا الصينى منزل كل الاكسسوارت دى واكتر للعربيه اف 3
ربنا يسمحهم على اللى بيعملوا فينا
ممكن تقولى على حد تكون اسعاره كويسه وعنده عماله ماهره وجيده ويحافظ على عمل المالتى فانكشن

لا يمكن تركيب اى كماليات بالتوكيل ويمكن تركيب هذه الكماليات بالخارخ بشرط عدم قطع الاسلاك بالضفيره وتوصيهلها اما بولاعه السياره او عن طريقه فيشه بالضفيره ام حاجه بدون قطع اى اسلاك كما ان فرش فرش السياره سواء الارضيه او الكراسى لايوثر على شئ طالما تم تركيب الاجزاء البلاستيكيه كما كانت وستمر ضمان العربيه دون اى مشاكل
هذا هو رد التوكيل فرع القطاميه
شكرا لشركه الامل
كدا احنا نركب الموديلات اللى عايزهنا والخامات اللى تعجبنا بدون تحكم او فرض موديلات بعينها وبالاسعار اللى تعجبنا
عايزين بقى اسماء وعناوين المحلات واسماء صنايعه بيفهم فى الحاجات دى

المشاركة الأصلية كتبت بواسطة bassem.naguib

الأسماء والعناوين .. ممكن تلاقيها في قسم الصوتيات والكماليات .

أعتقد أن التوكيل بيحذر من تركيب أجهزة زي dvd والكاميرا ووحدات الرفع والشبورة خارج التوكيل علشان ممكن اللي بيركب يعمل قفلة في كنترول العربية .. فلازم اللي بيركب يكون على درجة احترافية عالية وفاهم هو بيعمل أيه كويس .

ولازلت أسأل ليه الحاجات دي مبيركبوهاش في التوكيل ؟!

انا كلمت توكيل القطاميه وكان ده ردهم
هو المفروض انى اطلب المواصفات دى فى العربيه منذ البدايه وتتجهز قبل ما استلم وتطلع مواصفات خاصه زى باقى الدول
لكن لما طلبتها من اتو سمير بالمواصفات دى قالى مقدرش اطلب من المصنع مواصفات خاصه
هو ده العيب الاساسى
المهم العلبه بتاعه الفيوز فيها اماكن فارغه ولا لا علشان مقطعش فى الضفيره

المشاركة الأصلية كتبت بواسطة yasser_z9

انا كلمت توكيل القطاميه وكان ده ردهم
هو المفروض انى اطلب المواصفات دى فى العربيه منذ البدايه وتتجهز قبل ما استلم وتطلع مواصفات خاصه زى باقى الدول
لكن لما طلبتها من اتو سمير بالمواصفات دى قالى مقدرش اطلب من المصنع مواصفات خاصه
هو ده العيب الاساسى
المهم العلبه بتاعه الفيوز فيها اماكن فارغه ولا لا علشان مقطعش فى الضفيره

على ما اعتقد فيها عشان انا ركبت لمبات شبوره و ركبت جى ام

المشاركة الأصلية كتبت بواسطة ehabpopo

ركبت جى ام كام واط ... وعلى سماعات كام واط ... وعلى نفس الكاسيت ولا غيرتة ؟؟؟؟؟
قولنا على تجربتك لو ممكن علشان نستفيد منها .... وكمان انا مركب سماعتين بيضاوى 300 واط .. ممكن اركبلهم جى ام ولا اية ؟؟؟ ويكون كام واط ؟؟؟؟

انا ركبت جى ام 350 وات على سماعات كينود 400 وات دبل بيز و على نفس الكاسيت بس قريب ان شاء الله هاغير الكاسيت عشان يظبط الكلام