بعد الحيرة و الإستخارة و الإستشارة إشترتها - بس عاوز أركب إنذار

1- لأنها بتستورد بجمرك مخفض بنسبة 21% بدلا من 60% يعنى معنى كده إن العربية بتتظلم لما تتقارن مع الفرنا و اللانوس بل المفروض تتقارن مع الأفيو و كمان تكسب لمميزاتها الكتير عن الأفيو
2- الجنوط 15 يعنى ثبات أحسن-و ده طبعا غير الأفيو
3- قاعدة العجلات 2629 مم بينما الأفيو 2480 مم و ذلك يعنى الإتزان الأكبر
4- وسائد هوائية للسائق-و ده طبعا غير الأفيو
5- نظام إيموبلايزر (يعنى مفتاح الشفرة) يعنى مش حتدور غير بالمفتاح الأصلى فقط -و ده طبعا غير الأفيو
6- عالية عن الأفيو فبالتالى أحسن لشوارع مصر المحروسة
7- الفتيس يشتغل مانويل و أتوماتك و ده طبعا غير الأفيو
8- أنا كنت محتار بينها و الأفيو و لقيت ليه أدفع حوالى 10 آلاف جنيه زيادة على الفاضى - أوفرهم و آخد مميزات أكثر بسعر أقل

و الحمد لله ربنا كرمنى إستلمتها فى نفس اليوم 82000 من الطارق بسيتى سنتر الإسكندرية
و إتصلت بالتوكيل عشان أركبلها إنذار و وحدات رفع و سنسور ركن
فبلغونى مينفعش أركب أى حاجة عدا سنسور الركن و حجتهم إنها بتعمل مشاكل مع الدفيرة و عندهم الإنذار ب 850 جنيه و أركبه بره يعنى يطلعنى بره ضمان الكهربا !!!
رأيكم إيه أتوكل على الله و أركب إنذار بره التوكيل و لا أستنى 3 سنين الضمان؟!!!!

طبعا متخرجش نفسك من الضمان وانت لسة في أوله أصلا
على فكرة أنا كنت زيك عايز أركب إنذار وبشدة بس الراجل اللي بركب عنده خاف يلعبلي في الضفيرة فعلا لأنه أول مرة يشتغل فيها وقالي بلاش بس خليته يركبلي وحدات الرفع والبارك سنسور فقلت لنفسي أنا محتاج الإنذار في إيه ؟! العربية فيها إيموبليزر أولا ثانيا هشتري عصاية الدريكسيون مع القفل بتاع الدريكسيون نفسه وكده أنا في الأمان زائد إني ركبت وحدات الرفع مع السنتر اللي موجود فيها أصلا يبقى كده معايا كل الأوبشن عدا الإنذار نفسه بصوته المزعج اللي بيشتغل على الفاضي والمليان لدرجة إن لو حرامي فتحها فعلا والإنذار رن مش ههتم لأني هظن عربية تريللا ماشية جنبها عشان كده صفرت !
نصيحة متخرجش نفسك من الضمان ولو الإنذار مهم معاك أوي ركبه في التوكيل وأمرك لله غالي شوية مش مهم بس تبقى في الأمان

اقتباس:

---

المشاركة الأصلية كتبت بواسطة أبو بودي وعمر

طبعا متخرجش نفسك من الضمان وانت لسة في أوله أصلا
على فكرة أنا كنت زيك عايز أركب إنذار وبشدة بس الراجل اللي بركب عنده خاف يلعبلي في الضفيرة فعلا لأنه أول مرة يشتغل فيها وقالي بلاش بس خليته يركبلي وحدات الرفع والبارك سنسور فقلت لنفسي أنا محتاج الإنذار في إيه ؟! العربية فيها إيموبليزر أولا ثانيا هشتري عصاية الدريكسيون مع القفل بتاع الدريكسيون نفسه وكده أنا في الأمان زائد إني ركبت وحدات الرفع مع السنتر اللي موجود فيها أصلا يبقى كده معايا كل الأوبشن عدا الإنذار نفسه بصوته المزعج اللي بيشتغل على الفاضي والمليان لدرجة إن لو حرامي فتحها فعلا والإنذار رن مش ههتم لأني هظن عربية تريللا ماشية جنبها عشان كده صفرت !
نصيحة متخرجش نفسك من الضمان ولو الإنذار مهم معاك أوي ركبه في التوكيل وأمرك لله غالي شوية مش مهم بس تبقى في الأمان

---

معلش كلامي تقيل شويه
حضرتك عمال تسخف من الانذار لمجرد انه مش راكب عندك
وبحجه انه بيشتغل علي الفاضي والمليان
طب متعلي السينسور لو دي المشكله الفعليه
لكن في رأيي مش دي المشكله
المشكله انه مش راكب عند حضرتك يبقي لازم نقول سلبيات وهميه كعزاء للنفس فقط

خسارة تخرج كهربة العربية بره الضمان والعربية لسه جديدة .. دي رايي والقرار الاخير ليك طبعا

اقتباس:

---

المشاركة الأصلية كتبت بواسطة m_adeleid

معلش كلامي تقيل شويه
حضرتك عمال تسخف من الانذار لمجرد انه مش راكب عندك
وبحجه انه بيشتغل علي الفاضي والمليان
طب متعلي السينسور لو دي المشكله الفعليه
لكن في رأيي مش دي المشكله
المشكله انه مش راكب عند حضرتك يبقي لازم نقول سلبيات وهميه كعزاء للنفس فقط

---

يا باشا كل واحد حر في وجهة نظره و صاحب الموضوع ليه حرية القرار بعد ما يقرأ المشاركات كلها

انا رأيي لو قافش على الانذار استنى سنة مثلا ولا حاجة نطمن على الكهرباء ان مفيهاش اي مشكلة و بعدين وديها لحد بيفهم

بس في رأيي لو انت خايف من سرقة العربية ككل فده ان شاء الله مفيش منو قلق علشان الايموبيلايزر اما لو خايف على محتويات العربية نفسها فدي محتاجة فعلا انذار او تركنها في جراج

متشكر لكل من رد عليا - و ربنا يبارك لكم كلكم :S_thum1[1]:
ا فى الحى كله مفيش جراجات فاضية - مش عارف أعمل إيه ؟!!!!!
و بينى و بينكم خايف على الكاسيت -أنا سألت على نوع زيه بس عادى و مش ماركة و صينى و 850 جنيه يعنى فى التوكيل تلاقى تمنه يعدى 2000 جنيه و المشكلة إنه بكود يعنى لو حد سرقه مش حيعرف يشغله - تفتكروا ممكن يرجعه و ياخد 10% من تمنه!!!:S_thum1[1]:

اقتباس:

---

المشاركة الأصلية كتبت بواسطة m_adeleid

حضرتك عمال تسخف من الانذار وبحجه انه بيشتغل علي الفاضي والمليان
طب متعلي السينسور لو دي المشكله الفعليه
لكن في رأيي مش دي المشكله
المشكله انه مش راكب عند حضرتك يبقي لازم نقول سلبيات وهميه كعزاء للنفس فقط

---

هو عندك حق بس أنا فى حيرة أخرج العربية من الضمان الكهربى و لا أعرض الكاسيت للسرقة خصوصا إنه كاسيت بلوتوث ماركة رينو و العادى منه ثمنه حوالى 900 جنيه؟!!!

اقتباس:

---

المشاركة الأصلية كتبت بواسطة أبو بودي وعمر

طبعا متخرجش نفسك من الضمان وانت لسة في أوله أصلا
على فكرة أنا كنت زيك عايز أركب إنذار وبشدة بس الراجل اللي بركب عنده خاف يلعبلي في الضفيرة فعلا لأنه أول مرة يشتغل فيها وقالي بلاش بس خليته يركبلي وحدات الرفع والبارك سنسور فقلت لنفسي أنا محتاج الإنذار في إيه ؟! العربية فيها إيموبليزر أولا ثانيا هشتري عصاية الدريكسيون مع القفل بتاع الدريكسيون نفسه وكده أنا في الأمان زائد إني ركبت وحدات الرفع مع السنتر اللي موجود فيها أصلا يبقى كده معايا كل الأوبشن عدا الإنذار نفسه بصوته المزعج اللي بيشتغل على الفاضي والمليان لدرجة إن لو حرامي فتحها فعلا والإنذار رن مش ههتم لأني هظن عربية تريللا ماشية جنبها عشان كده صفرت !
نصيحة متخرجش نفسك من الضمان ولو الإنذار مهم معاك أوي ركبه في التوكيل وأمرك لله غالي شوية مش مهم بس تبقى في الأمان

---

عندك حق بس هما قالولى مينفعش التوكيل يرضى إنى أركب إنذار حتى لو بمعرفتهم
أنا خايف على الكاسيت و البطارية و الكارتة و إن الحرامى مش حيعرف ياخد العربية ده إن شاء الله مفروغ منها لكن ممكن يتسلى و يسيبهالى على الجنط

اقتباس:

---

المشاركة الأصلية كتبت بواسطة m_adeleid

معلش كلامي تقيل شويه
حضرتك عمال تسخف من الانذار لمجرد انه مش راكب عندك
وبحجه انه بيشتغل علي الفاضي والمليان
طب متعلي السينسور لو دي المشكله الفعليه
لكن في رأيي مش دي المشكله
المشكله انه مش راكب عند حضرتك يبقي لازم نقول سلبيات وهميه كعزاء للنفس فقط

---

يا أستاذي العزيز أنا بعرض وجهي نظري للأخ صاحب الموضوع مش عارف حضرتك أخدت الموضوع على صدرك أوي كده ليه ؟
هو فيه صلة قرابة بين حضرتك وبين الإنذار ولا حاجة ؟
ملحوظة: لو عليت السنسور هيقعد يرن 24 ساعة تقصد أوطي السنسور مش أعليه

اقتباس:

---

المشاركة الأصلية كتبت بواسطة gebreel

يا باشا كل واحد حر في وجهة نظره و صاحب الموضوع ليه حرية القرار بعد ما يقرأ المشاركات كلها

---

كلامك مظبوط يا جبريل باشا
مش عارف الأخ زعل أوي من كلامي ليه !
عامل زي ما يكون شغال في شركة إنذارات وخايف إن كلامي يقطع عيشه ولا إيه مش عارف !

اقتباس:

---

المشاركة الأصلية كتبت بواسطة hossa79

عندك حق بس هما قالولى مينفعش التوكيل يرضى إنى أركب إنذار حتى لو بمعرفتهم
أنا خايف على الكاسيت و البطارية و الكارتة و إن الحرامى مش حيعرف ياخد العربية ده إنشاءالله مفروغ منها لكن ممكن يتسلى و يسيبهالى على الجنط

---

خلاص طالما كده يبقى تركبه في التوكيل وأمرك لله بس متطلعش من الضمان عشان انت متعرفش ال3 سنين بتوع الضمان هيحصل فيهم إيه

الرجاء عدم شخصنة الحوار
م ع 3