السلام عليكم يا شباب المنتدى
انا معايا نيو اكسنت 2010 اللى موجودة فى الصورة وبفكر بجدية انى ابيع واشترى جين 2 2013 بس بصراحة محتار شوية
يا ريت تفيدونى يا رجالة الموضوع مستاهل ولا لأ
http://img707.imageshack.us/img707/2106/myaccent10.jpg
عرض للطباعة
السلام عليكم يا شباب المنتدى
انا معايا نيو اكسنت 2010 اللى موجودة فى الصورة وبفكر بجدية انى ابيع واشترى جين 2 2013 بس بصراحة محتار شوية
يا ريت تفيدونى يا رجالة الموضوع مستاهل ولا لأ
http://img707.imageshack.us/img707/2106/myaccent10.jpg
عربيه مختلفه خالص
اكثر رياضيه
يعني ثبات وتسارع
شنطه اكبر
كنبه خلفيه ضيقه شويه
فرامل ووسائل امان احسن
نظام صوت افضل
فيها ريحه الاوروبي
أتفق مع حضرتك، وأزيد لو صاحب الموضوع بيحب جين تو وعايزها فعلا، وعنده استعداد لتحمل عز العرب، يبقى يتوكل على الله. وعلى فكرة، عز العرب رفع سعر الجين تو والبرسونا الأوتوماتيك 2013 ثلاثة جنيه عن سنة 2012، وأصبح السعر 99 ألف جنيه. وينبغي العلم أنك هتضحي إلى حد ما بميزات تحظى بها الأكسنت من حيث توافر قطع الغيار، ورخصها مقارنة بجين تو، وسعر إعادة البيع اعتقد أنه أعلى بالنسبة للأكسنت
واعمل حسابك كمان ان ميزانية البنزين هتزيد شويتين (الصراحة هما تلات شويات مقارنا مع الاكسنت) و اعمل حسابك ان الملتى فانكشن دايما بيعلق و شوية حاجات كدة تانى ف التقفيل و الموتور صوته مسموع شوية( دا معمول عن قصد عشان يدى العربية صوت رياضى بس فى ناس بتحب العزل التام) و اوبشنز مش كتير زى العربيات الكورى و السحب بتاع العربية مش زى اللى بيوحيه شكلها (شكلها يوحى انها بتجيب 100 ف اقل من 10 ث) يعنى سحبها زى اى حاجة 1.6 مش ازيد
بس قصاد كدة العربية شكلها يشد الصراحة رياضى جدا (مع ان الشكل متغيرش من 2007 لكن لحد دلؤقتى تحس انه مميز) و امان عالى يعنى بتنزل abs ebd 2 airbags و ثبات رهييييب و موضوع الامان و الثبات دا ممكن يخليك تتغاضى عن عيوب كتير و خصوصا لو انت بتسافر
وارجع لموضوعات الجين 2 و انت هتستفيد اكتر (احذر المبالغة الزائدة)
و ربنا يوفقك ان شاء الله
دي مش مظبوطة :)اقتباس:
و اوبشنز مش كتير زى العربيات الكورى
اظن ان الباقي صح :)
الجين اثبت من النيو اكسنت بفرق كبير ملحوظ
ربنا يوفقك
بس قبل ماتقرر الشراء من رأي تعمل test drive ليها الاول عشان في حبة اختلافات عن الاكسنت زي :
الباور ستيرينج تقيل مش خفيف زي الاكسنت
صوت الموتور اعلى
العفشة انشف
انا جربت سواقتها قلب كده مع واحد صاحبى (برسونا) وبصراحة كانت تحفة فى السحب والثبات والشكل مقارنة بعربيات كتير سوقتها واول حاجة لمستها انها فى الثبات والسحب عاملة زى الاسترا بتاعة واحد صاحبى يعنى تكاد تقارب الالمانى (شويه طبعا)
عموما انا راكب النيو اكسنت ومرتاح جدا (يعنى فى بطنى بطيخة صيفى) فى كل حاجة زى ما بيقولوا ، هل ده هيكون نفس شعورى وانا راكب الجين 2 ولا فى قلق من حاجات معينة بعد الشراء والتعامل مع العربية
http://img707.imageshack.us/img707/2106/myaccent10.jpg
انته قولت فى بطنك بطيخه صيفى الحوار كله زى البطيخه بمعنى ان فى ناس معاها الجين 2 بتشكر فيها كتير وناس تانيه كارها العربيه بسبب قطع الغيار وارف عز العرب استخير ربنا ومتستعجلش
طبعًا هو عامل الحظ له دور في كل اختيارات الإنسان. ولكن فيما يتعلق ببروتون، فالحظ له دور ملحوظ خصوصًا فيما يتعلق بمشاكل التقفيل البسيطة، وقطع الغيار المعيبة التي ممكن أن تغيرها في الضمان مجانًا، وبتكون احيانًا مش موجودة، وبيضطر العميل ينتظرها فترات طويلة.
في ناس معاه جين تو أو برسونا، ولم يصادفوا أي مشكلة تقفيل، و لم يغيرو كذلك أي قطعة غيار معيبة في الضمان، اللهم إلا الصيانات الدورية العادية، وبتقول فيها شعر.
في المقابل هتلاقي ناس تعبت من عز العرب، والعربية زهقتها، وعايز تبيعها وتخلص منها.
وجهة نظري أن طالما الأكسنت مريحاك، وما فيش مشاكل منها، وبتؤدي الغرض وزيادة، وفاحمد الله علي ذلك، وبلاش تغيرها.
واستخر ربنا قبل كل شيء، وربنا يهديك إلى ما فيه الخير والصلاح لك.