المشاركة الأصلية كتبت بواسطة yousef.ibrahim
انا حاطط الزيت ده فى العربيه
الزيوت دى معالجه ومكرره وخفيفه (مش مضاف اليها شحوم لزياده لزوجتها)
افضل من الموبل
فرق السعر بسيط
العربيه فرقت على الطريق
المكنه ظبطت
هيحافظلك على الموتور
المفروض ان الزيت ده من 190-210 جم
بيمشى من 8000-10000 كم
الاضافه بتاعت السيراتيك بتقعد 25 الف
ال engine flush ده بيتضاف على الزيت القديم
قبل ما تغير
بعديها تسيب العربيه فى مكانها دايره 10 دقائق بالكتييير
تنزل الزيت ده وتسيب الطبه وغطى الزيت مفتوحين 10 دقائق بعد م الزيت كله ينزل(عشان الماده الى بتنضف الموتور تطير وتخرج بره جسم الموتور) ماده متطايره
بعد كده تقفل الطبه
وتكون مركب الفيلتر الجديد
بعدها تحط السيراتيك (لو هتجيبه)
بعديها تحط 3 كيلو من ال 4 كيلو
بعدها تعاين الزيت تشوف وصل لفين.(المفروض مع السيراتيك تاخد 3.5 لتر)
نصيحه..لو جبت السيراتيك تحط فى علبه السيراتيك شويه زيت صوغيرين تنضف بيهم الازازه من السيراتيك (محناش لاقيين الفلوس فى الشارع)
مرتين مش مره واحده
عشان الماده دى بتكون متراكمه تحت فى القاع
رجها كويس قبل الفتح
وخلى بالك وانته بتفتحها عشان متتقلبش منك على الارض
واى خدمه يا معلم