الموضوع: مقارنة شرسة بين الوحوش الالمان و الفرنساويين :) :) :)

الميجان تتقارن مع الفيكترا...........مش مع الكورسا ولا الأسترا

عموماً أنا كان معايا فيكترا 97 و بعتها و جبت ميجان 2005......و برضه الألماني ألماني مقدرش أنكر........بس يمكن أنا كان حظي وحش مع الفيكترا..........لأن بصراحة الفيكترا تعبتني أكتر من الميجان.......و الفيكترا ليها مميزات و الميجان ليها مميزات.

المشاكل اللى كانت فى موديل 2005 هتلاقيها كلها فى القسم.......معظمها هتلاقيه أتحل لأنها قطع إستهلاكية فى المقام الأول.....يعنى سواء كان فيها عيوب صناعة أو مفيش.....غالباً هتكون أتغيرت نتيجة للعمر الإفتراضي لها.

التوكيل.........توكيل رينو يكسب.

لو ناوي على ميجان أنصحك بضرورة الكشف فى التوكيل لو حالة العربية العامة عجبتك.

المشاركة الأصلية كتبت بواسطة MoStAfA-StabS

شكرا جدا لرد حضرتك

بس انا مينفعش اقارن ب فيكترا 2005 ده غالية اوى على الميجان 2005

علشان كده بقارن ب الكورسا سيدان

بس انا سمعت ان الميجان بتاكل بطارية و بتروح التوكيل كتير علشان الكومبيوتر متبرمج على...
كده عاوزه فلوس يعنى جامدة !

يا فندم السعر بند من بنود المقارنة مش أساس ليها........

الأساس هو فئة السيارة.....compact>>>>Hatch back>>>>>Small Family Sedan>>>>>>Med size family sedan>>>>>>Large Family Sedan

ده الأساس فى تصنيف السيارات.

بمعنى أنك هتقارن الميجان بالفيكترا.....و فى بند السعر هيكون لصالح الميجان لأنها ارخص.

موضوع بتاكل بطارية و بتروح التوكيل علشان الكمبيوتر متبرمج على كده ده شغل........ولا بلاش
هنقول فتي بس علشان مناخدش ذنوب على الفاضي

و الكلام ده مشوفتوش غير فى منتدى واحد بس بصراحة.....

المهم
البطارية......بطارية الميجان 72 أمبير.......متوسط عمرها سنتين
ساعات البطاريات ال 72 أمبير بتبقى مش متوفرة فى السوق.....الناس تجيب 70 أمبير و بالتالي العمر الإفتراضي يقل

تروح التوكيل علشان متبرمجة على كده ده واحد خد جزء من الحقيقة و بنى عليها كلام ملهوش علاقة بالواقع

زى أى عربية محترمة..........الميجان فيها عداد صيانة.....بيقولك أن العربية عاوزة صيانة أمتى......علشان تروح تعملها......بس العربية مش بتقف و تقولك مش هتحرك ألا لما توديني التوكيل و لا حاجة.

أخر حاجة.........الميجان عربية ذكية شوية.....بمعنى أن الكمبيوتر بتاعها بيقولك لو فيه حاجة مش مظبوطة علشان مفيش حاجة تانية تبوظ منك...........لو بتعتبر ده عيب يبقى بلاش ميجان خالص.