الموضوع: لا حول ولا قوة إلا بالله..عملت حادثة بالعربية النهارده

المشاركة الأصلية كتبت بواسطة ahmed_dinamo

قدر الله ما شاء فعل حصل خير يا باشا والحمدلله ان مفيش حد اتعور
بص يا باشا انا رأيى مجرد رأى رووح الاول بص على zero ال لسه عامل اعلان فى المنتدى هنا
شوف demo كده واختار هما بيقولو ان هما بيرجعو الخبطات من غير ما يبوظو الدوكو والتجاريح بيرجعوها زى الفابريكا رووح وجرب والمفروض ان على كلامهم اسعارهم اقل من السمكره والدوكو
http://www.nilemotors.net/nile/31756...post3874619676
واحمد ربنا وقدر الله ما شاء فعل

الحمد لله على كل شيء..أنا شوفت الإعلان دا ياباشا بس تقريبا ليهم شروط ومنها الجزء اللي عايز تعملو عندهم ميكونش اترش قبل كدا..والرفرف عندي تقريبا اترش قبل كدا.

وشكرا على الرد ياباشا.

المشاركة الأصلية كتبت بواسطة mazher_m

قدر الله وما شاء فعل
الحمد لله بسيطه

الحمد لله على كل شيء..

المشاركة الأصلية كتبت بواسطة Khaled Lanos

متشكر على ردك ياباشا..والحمد لله على كل شيء

بالنسبة للرفرف متهيألي لازم يترش عشان الحتت اللي اتقشرت والمعجون اللي ظهر متهيألي مش هينفع معاهم بوليش..ولا ايه؟
المعجون مش هينفع معاه بوليش .... كل اللي هيتشال بالبوليش هو لون العربية التانية وبعض الخرابيش الخفيفة هتختفي ... غي كدة هيبقي باين .... بس انا بتكلم عالتكلفة
بالنسبة للإكصدام في حتت كتيرة منو متقشرة بس من قبل الخبطة دي بصراحة..فانا كده كده هرشو كلو..

بالنسبة للشنب هو الكيليبسات بتاعته كانت مكسورة من زمان فكان كل شوية يطلع من مكانه كل ما أثبته جوا..
ماتغيروش الا لو هترش .... عشان بيبقي لونه أسود أو لو هتجيبه استيراد انت وحظك
طيب هو البوليش دا بيجيب نتيجة حلوة؟
اه بس مش ساحر
هو يشيل بوية تانية أو يخفف من خدوش وفي خدوش ممكن يخفيها خالص ... غير كدة مش هيعمل حاجة
ولو هرش الرفرف هيترش عادي بعد ما يُستعدل على السخن ولا لازم يتمعجن الأول؟
هيتمعجن
وهو المعجون دا بيبقى نوعه ايه؟
ماعرفش
وازاي اعرف درجة اللون بتاعت البوية عندي؟
كان في شيت لكل ألوان عربيات GM كان عندي ومش لاقيه للأسف
بس كدة كدة سيبك من الحوار ده ... الدرجة ده لو بترش العربية كلها
انما انت هتجيب درجة قريبة مالكبوت أو الباب عشان مايبقاش في أختلافات كبيرة بينهم وتبان العربية راشة .... ده بتبقي مهمة بتاع الدوكو ... هو وشطارته
ولو هرش الرفرف دا التكلفة هتبقى في حدود كام كدا؟

معلش اصل معلوماتي قليلة عن السمكرة والدوكو.

صدقني انا كمان معلوماتي في السكلانس في موضوع السمكرة والدوكو
ان شاء الله حد يفيدك

هو في ايه النهارده يا جماعة أنا ملاحظ ان في أعضاء غيري عربياتهم اتخبطت النهارده!!

سبحان الله.

قدر الله وماشاء فعل المهم انك بخير والحمدلله على كل حال