عندي مشكله في النت ( أرجو المساعده )

**mero100** · 07-11-2012 10:59 PM

الحمد لله .... أخيرا النت دخل عندي عن طريق tedata .....
و استلمت راوتر واحد مخرج من عندهم بسلك ( مش وايرليس )
و استلمت cd - super support
و الحمد لله شغلت النت بما لي من خبره بسيطه و الموضوع سهل و الحمد لله .

االمشكله :
طبعا انا موصل عده تليفون علي الاسبليتر اللي عليه الخدمه اللي في الراوتر ... العده بتوش .....السبب ايه؟

ووصلت علي أول فيشه تليفون الراوتر و الاسبليتر و عده التليفون و بردو بتوش .

المشكله التانيه :
انا مشترك علي سرعه 1 جيجا ....المفروض معدل ال transfer rate يبقي من 80 : 120 كيلو بايت في الثانيه
و ده من كلامهم .....كلمتهم و قالولي ادخل علي موقع downloads و حمل أول برنامج علي اليمين ( كتجربه ) و كان برنامج انتي فيرس افاست ....و مساحته 93 ميجا ..... المهم لقيت ال transfer rate 97
قلت تمام .....كده في المعدل الطبيعي
دلوقتي بحمل برنامج 10 ميجا لقيت معدل التحميل 30 او 32 كيلو باايت في الثانيه

حد عنده اجابات وافيه لاستفساراتي ؟

**OMAR61995** · 07-11-2012 11:17 PM

المفروض توصل السبليتر بالفيشة و من السبليتر توصل الراوتر و التليفون
أو جرب توصل الراوتر بس من السبليتر و وصل التليفون فى فيشة تانية

سرعة الداونلود حسب البرنامج المستخدم
نزل idm هيفرق كتير عن سرعة البراوزر
و حسب السيرفر اللى بتنزل من عليه

**mero100** · 07-11-2012 11:23 PM

جربت و بردو بيبقي فيه وش .

**mero100** · 07-11-2012 11:24 PM

و النت بيفصل و انا شغال لوحده و يرجع لوحده .

هل ده له علاقه بوجود فيشه دش بنفس الوش اللي فيه فيشه التليفون المستخدم عليها االراوتر ؟

**bobbozo4b** · 07-11-2012 11:41 PM

جرب انك تشوف اول السلك "التليفون" اللى داخل من بره للشقة من خلال خرم فى الحائط و مطلع على اول وش كهرباء
قبل الوصلات الداخليه اللى ماشية جوة الحوائط
وصل السلك ده على مدخل الاسبيلتر وهو بيخرج 2 واحد للتليفون او الشبكة اللى ماشية جوة الحوائط والثانى للراوتر

وده هايحل مشكلة الفصل و والوش و سرعة التحميل
نفس المشكلة اللى عندى فى الشقة اول ماوصلت النت
لو مش قادر توصل للفكرة ممكن ارسمهالك وارفعها كاصورة

**RAPID** · 07-11-2012 11:58 PM

اولا مبروك على النت، بالنسبة للتوصيلة السليمة هى انك بتحط السبليتر على اول السلك اللى داخل جوة الشقة بره خالص يعنى قبل السلك اللى بيوزع على الفيش اللى فى الشقة، والخارج من السبليتر طرف هتوصله على السلك بتاع الفيش phone والتانى على السلك اللى رايح الراوتر modem ولو المشكلة لا زالت قائمة يبقى تغير سلك التليفون بنوع جيد نحاس نقى هتلاقى المتر بتاعه فى حدود 75 قرش ويستحسن تغيره من اول البوكس اللى فى الشارع لو المسافة مش بعيدة خاصة لو كان السلك قديم او من نوعية مش جيدة وبرضه اتاكد بعدة تليفون تانية لان وارد جدا يكون التشويش من العدة نفسها

وبالنسبة لسرعة التحميل فده بيتوقف على السرفر او الموقع اللى بتحمل منه يعنى ممكن تلاقى موقع بتحمل منه بروابط مباشرة بكامل السرعة وموقع تانى بربع السرعة وهكذا، ولو عايز تعرف سرعة الخط الحقيقية حمل فيديو من اليوتيوب بالدوانلود مانجر هتعرف سرعتك الحقيقية لان المانجر بيسحب كل السرعة

**mero100** · 08-11-2012 01:08 AM

دلوقتي انا جربت من الفيشه الرئيسيه ... اللي هيه ااول فيشه تليفون بعد مدخل سلك التليفون من خارج الشقه .... و جربت كل فيش الشقه .....بالاسبليتر و بدون في كل التجارب و الملاحظات :
1- النت ( لمبه ال شيسم في الراوتر ) شغال لمده ربع ساعه ....و بيفصل ربع ساعه .....
2- الوش مستمر بالاسبليتر علي كل الفيش .

دلوقتي الشك كله في الراوتر بتاعهم ..........و لا الشك في ان الخدمه بتيجي ربع ساعه و تفصل ربع ساعه من الخط نفسه؟

معلش تعبتكوا معايا ........

**mero100** · 08-11-2012 01:21 AM

المشاركة الأصلية كتبت بواسطة mero100

دلوقتي انا جربت من الفيشه الرئيسيه ... اللي هيه ااول فيشه تليفون بعد مدخل سلك التليفون من خارج الشقه .... و جربت كل فيش الشقه .....بالاسبليتر و بدون في كل التجارب و الملاحظات :
1- النت ( لمبه ال adsl في الراوتر ) شغال لمده ربع ساعه ....و بيفصل ربع ساعه .....
2- الوش مستمر بالاسبليتر علي كل الفيش .

دلوقتي الشك كله في الراوتر بتاعهم ..........و لا الشك في ان الخدمه بتيجي ربع ساعه و تفصل ربع ساعه من الخط نفسه؟

معلش تعبتكوا معايا ........

باالاضافه الي بطء في التصفح ملحوظ.....و التحميل .

**hemalotfy** · 08-11-2012 01:33 AM

غير الاسبيلتر ياباشا
جيب واحد اصلي بحوالي 25-30 جنيه
كان عندي نفس المشكلة واتحلت

**mero100** · 08-11-2012 01:37 AM

المشاركة الأصلية كتبت بواسطة hemalotfy

غير الاسبيلتر ياباشا
جيب واحد اصلي بحوالي 25-30 جنيه
كان عندي نفس المشكلة واتحلت

ده بالنسبه للوش و لا جميع المشاكل؟

الموضوع: عندي مشكله في النت ( أرجو المساعده )

LinkBack

أدوات الموضوع

عرض

عندي مشكله في النت ( أرجو المساعده ) - انشر الموضوع فى :

-

-

-

-

-

المواضيع المتشابهه

مشكله فى لمبة ال srs .. أرجو المساعده

عندي مشكله ارجو المساعده

مشكله غريبه أرجو المساعده

عندي مشكله وارجو المساعده

عندي مشكله في الحرارة ,, تكفون ابي المساعده

الكلمات الدلالية لهذا الموضوع

المفضلات

المفضلات

ضوابط المشاركة