الموضوع: دماغي هاتنفجر

المشاركة الأصلية كتبت بواسطة egyptiandiver

اقنع واحد من كل عمارة حولين الورشة المزعجة دي إن يجمع أكبر عدد ممكن من بطايق عمرت و روح لمحامي عقر و هو يتولى الباقي، ربنا معاك و طمنا - أحمد سامي

شكرا علي اهتمامك يا استاذ احمد
يعني الموضوع لازم محامي وتوكيل ...انا كنت فاكر ان الحكايه ممكن تخلص بشكوي في جهه رسميه زي المحافظه مثلا ..وكنت عايز اعرف سكتها ازاي؟؟؟
فياريت تقولي علي الصح ..يعني لو لازم محامي يبقي خلاص وامري لله
انا علي العموم معايا بطاقات حوالي 7 من السكان

افهم من كده انه لو مش مرخص هايقفلو له الورشه...انما لو مرخص لازم قضيه....والا انا فاهم غلط

المشاركة الأصلية كتبت بواسطة speed_magnum

فكرتني ليه.
فاتحه جمبي واحده.
يوم صحيت الصبح مخضوض علي صوت المنشار.
اتفزعت وقمت عالشباك فوجئت ان في ورشة فتحت جمبي. ....
وهذا بلاء شديد مش هيحسه الا اللي هيعيشه.
والدي كلم الناس اللي حوالينا كلهم مش متاذين معادا واحد جارنا وبيتنا لان احنا الوحيدين اللي اوض نومنا ناحيتهم. ...
وكل لما اروح علشان اخد خطوة والدي يمنعني ويقولي ما تقطعش عيش حد. بس فعلا الموضوع زاد اوي وهو نفسه بقي مش طايقهم. والمفاجاه اكتشفنا انهم مرخصين ؟؟؟!!""""
انا يا جماعه بصحي يوم الجمعه الساعه سبعه صباحا علي صوت مناشرهم. ....
الناس دي بتخليني انام رمضان كله علي الارض في الناحيه. التانيه من البيت لانهم ما بيقفلوش. نهائي فيه. .... انا ليلة القدر كنت بصلي وبدعي عليهم. ....
الالوميتال ده اذى اوي. ما يحسش بيه الا اللي جمبه ورشه

انا نفس الحكايه بالظبط وبنام في اوضه الاولاد بقالي 3 شهور من ساعه ما فتح...ده غير زباينه وشغله اللي قافل بيهم وبعربياتهم الجراج...
الواحد زهق من ام البلد دي وجاب اخره خلاص..لو مشي في الشارع بيركبه ميت عفريت من السواقين التييييييييييت..وفي الشغل برده الواحد بيورد عليه اشكال والوان...انما كمان توصل للبيت والواحد مايعرفش يلاقي راحته....
يعني ينفع الواحد في بيته لما ينام يحط سداده في ودنه ده حتي حرام
ياريت نشوف حل للورش دي

المشاركة الأصلية كتبت بواسطة beshomilan

ربنا يكون فعونكم..انا بقى قرفى من الكاسيت والصوت العالى والاغانى المنيله اللى ماليه البلد
انا تفسى اسكن فى الرحاب او مدينتى اوى او التجمع الخامس

شكلها هاترسي علي كده