عندي سؤال
حد اشتري قريب اي عربيه نيسان من uit (عبد اللطيف جميل) وتحديدا فرع المعادي؟
عندي سؤال
حد اشتري قريب اي عربيه نيسان من uit (عبد اللطيف جميل) وتحديدا فرع المعادي؟
ان شاء الله الاعضاء يفيدوك
أنا اشتريت منهم من فرع اسكندرية من شهر 9 هو حضرتك بتسأل على ايه بالظبط
اللي حصل اني رحت فرع المعادي علي اساس انهم موزعين معتمدين لنيسان زي مالويب سايت بيقول ( وزي ما مندوب البيع قاللي)
وحجزت عربيه قشقاي، الكلام ده من حوالي خمس شهور، علي اساس اني هاستلم بعد ٦-٨ اسابيع
طبعا لما اتأخروا لغايه دلوقتي، اتصلت بنيسان عشان اعمل شكوي، وردوا عليا برد غريب جدا !!!!
(حضرتك uit موزع معتمد لنيسان في اسكندريه بس !!!! انما اي منطقه تانيه ملناش دعوه بيها، اسفين مش هانقدر نسجل شكوتك!!!)
يعني من الاخر اخبط راسك فالحيط!!!
فكنت عايز اعرف حد استلم منهم اي عربيه نيسان محجوزه في المعادي؟
ولا هما نصابين؟!!!
وازاي نيسان ايجيبت بتسمح بالهرجله دي؟
غريبة أنا طبعا متأكد ان بتاع اسكندرية موزع معتمد لكن اللى انت روحته ده فى المعادى الله
طب ما تتصل بفرع اسكندرية و شوف فرع المعادى ده تبعهم فعلا و لا لأ و قدم شكوى عن طريقهم
فرع المعادي تبعهم وهم كلهم فروع لشركه واحده uit
المشكله التباطؤ الرهيب منهم في التسليم والمواعيد الفالصو
ولما حبيت اشتكي للوكيل حسسوني ان الموضوع مش تبعهم!!
خايف اكون ضعيت ٦ شهور انتظار عالفاضي
عشان كده بسأل عن اي حد استلم من فرع المعادي تحديدا
شوف يا باشا انا هقولك شويه ملحوظات عن تعاملي مع الشركه دي لما حبيت احجر العربيه سألت في المنتدي فدلني علي الشركه دي الأخ Dodyman و لما رحتلهم لقيت باب الحجز اتقفل و قالولي هنبقي نكلمك و تقريبا فضلت شهرين لحد ما باب الحجز اتفتح تاني و كان الأخ dodyman قالي انهم بيقولوا انهم بيسلموا بلأوفر برايس بعد اسبوع و عادي بعد شهر و دي نقطه غريبه ازاي انا موزع لنيسان و ابيع بأوفر برايس المهم لما رحت احجز كان المسؤل عن الحجز بيرد علي واحد في التليفون و بيقوله التسليم بياخد وقت طويل و اوفر برايس بعد اسبوع و لو بتفكر في اوفر برايس تبقي كلمني و لما السوبر صالون نزلت اتثلوا بيا و عرضوها عليا بأوفر برايس تسليم فوري القضيه في ان انا مش عاجبني ان الموزع المعتمد يكلب اوفر برايس و ده بيشكك الواحد في ان اللي بيسر العربيات للمحلات العاديه هما الموزعين و بيقسموا معاهم الربح و احنا نخبط دماغنا في الحيط
غريبه انا سئلتهم وانا بحجز عن التسليم الفوري حتي بالاوفر برايس وقالولي احنا مش بنشتغل فيه!
بس انت كلامك صح عن كتير من الموزعين الكبار التانيين اللي هما نفسهم بيبيعوا بالاوفر برايس
بغض النظر بقي سواء بشويه كماليات اضافيه في نظري ماتسوي ولا ليها لازمه
او نفس العربيه تسليم فوري باوفر برايس وتتسلم لأي معرض
غريبه انا سئلتهم وانا بحجز عن التسليم الفوري حتي بالاوفر برايس وقالولي احنا مش بنشتغل فيه!
بس انت كلامك صح عن كتير من الموزعين الكبار التانيين اللي هما نفسهم بيبيعوا بالاوفر برايس
بغض النظر بقي سواء بشويه كماليات اضافيه في نظري ماتسوي ولا ليها لازمه
او نفس العربيه تسليم فوري باوفر برايس وتتسلم لأي معرض
شوف يا باشا الموجود في الفئه السعريه دي القشقاي او الكيا سبورتاج الأثنين حلوين بص كده علي الكيا و فكر تاني او ممكن تعمل زي ما واحد زميلي عامل و جاب شيروكي استعمال نظيف بالمبلغ ده عربيه حلوه و عاليه فكر و ربا يهيديك للي فيه الخير بس نصيحتي ابعد عن الاوفر برايس اللي بيسرقوه في جيبهم و في الاخر هو تعبك و شقاك اللي بتتعب علشان توفره و تدفعه ليهم بمنتي السهوله