الموضوع: احنا بنشتري راجل !!!

المشاركة الأصلية كتبت بواسطة khaled_legend

تلك الجمله الكاذبه التي يقولها معظم الاباء عندما يتقدم شاب مغفل لخطبه ابنته المصون و تعتبر تلك الجمله عباره عن صندوق كبير يحتوي علي مصائب سوداء علي "دماغ العريس و علي دماغ اللي خلفوا العريس" فعلي سبيل المثال لا الحصر عند فتح ذلك الصندوق اللعين:

المصيبه الاولي : "البنت لازم تسكن في شقه في التجمع الخامس" و كأن هذا التجمع هو قطعه من الجنه او من يسكن فيه سوف يدخلون الجنه حتما

ما مشكله السكن في شقه بعقد ايجار و حتي ان كانت في حي شعبي او حي متوسط؟ ما المشكله في شراء شقه في حي متوسط او حتي حي شعبي؟ ما مشكله مشاركه اهل العريس و العروس في شراء شقه هذا التجمع؟ مع العلم انه يجب علي العريس تجهيز "عش الزوجيه" كما قال الشرع و لكن الظروف اصبحت سوداء سواد كاحل

دول كده نص مليون جنيه (500000)

المصيبه الثانيه : "لازم تجيب شقه جمبنا" و كأن العروس سوف تأخذ الرضعه من والدتها يوميا بالرغم من تخطي العروس سن الرضاعه بالتأكيد

و لا ننسي ان الام سوف تتواجد في منزل ابنتها باستمرار لبدء مسلسل خراب البيوت او لاعطاءها تلك الرضعه او لمساعدتها في امور المنزل "لان البنت متدلعه و مبتعرفش تطبخ و لا حتي تسيأ السيراميك" و ايضا لا ننسي ان في لحظه اي مشكله بين الزوجين سوف تجمع الفتاه حاجيتها "في اي بؤجه و طيران علي بيت ماما ما هو جمبنا"

المصيبه الثالثه : "لازم تجيب شبكه ب 50 الف جنيه" و كأن العريس سوف يخطب احدي بنات المملكه المتحده او ان العروس هي الوحيده من نوعها في البلد او ان العروس مزوده بخاصيه الطيران مثلا

و يتناسي الجميع كيفيه حصول العريس و اهله علي مبلغ فادح كهذا في تلك الظروف السوداء

وادي كمان 50000

المصيبه الرابعه : "لازم تجيبلها شبكه زي بنت عمتها كده" و كأن بنت عمتها تلك اصبحت هي مثال لكل فتيات البلد "و في الاخر هتلاقي بنت عمتها دي اصلا رقاصه و اللي متجوزها واحد تاجر بانجو"

المصيبه الخامسه : "لازم تعمل فرح في فندق هيلتون" و كأن باقي قاعات افراح البلد "بيئه و معفنه" او ان تلك القاعه لا يتم دفع ثروات باهظه فيها او كالعاده ان تلك القاعه هي الوحيده من نوعها في مصر او ان تلك القاعه بها مليون دولار "حلال علي العريس و امه"

نقول 50000 كمان

المصيبه السادسه : "مفيش حاجه في الطريق" و كأن موضوع الحمل و الولاده بأيدي العروسين لا بأيدي الله عز و جل

يتدخل الجميع في هذا الامر و يحدث ضغط نفسي علي الزوجين و يتناسي الجميع صعوبه الحصول علي اموال لتربيه الاولاد و يتناسوا ايضا ان تربيه الاولاد في هذا الزمن مهمه شبه مستحيله

المصيبه السابعه : "لازم تمضي علي القايمه" و كأن العريس بيشتري غساله ايديال زانوسي بالقسط و بالطبع العريس المغفل بيوقع علي تلك القائمه الحقيره بمنتهي البلاهه و "هو مش عارف انه بيمضي علي مبالغ و حاجات توديه اللومان هو و اهله"

اللي حصل معاه كده يخبط لايك و خلينا مننساش اهم حاجه ان ايديال زانوسي بقت زانوسي

دي ملهاش حسبه

يعني كده علي اقل تقدير الموضوع واقف عليك ب600 الف جنيه
ولسه بقي حتصرف عليها باقي حياتك في مرضها وفرحها وجوعها وشبعها
وزعلها واعيادها واعياد عيلتها
وملبسها وموضتها ومكياجها
يعني المشروع ده يدخله في مليون جنيه مرتاح

الحل
فيه طائفه الهنجرانيه
دول بيشتغلوا في السرقه والنشل وبناتهم من اجمل البنات في الدنيا
العريس بيدفع مهر علي حسب خفه ايد العروسه من ربع لنص مليون
وبعد الجواز هو بيقعد في البيت وهي بتصرف عليه
دي الحريم الي يتدفع فيها فلوس يا ناس
لو جابتلك كل يوم 100 جرام دهب نشلتهم = 20 الف جنيه (رخيص علشان مسروق)
يعني في الشهر حتلملك الي دفعته فيها بزياده
هههههههههههه
اهي دي الواحد يبيع الي وراه وقدامه علشان يتجوزها
ولو اتسجنت اهي سايبه ثروه تصرف عليها في سجنها منها وتجيبلها احسن محاميين في البلد
----------
انما الي عاوزين جبل فلوس علشان يحققوا احلامهم واحلام عائلاتهم الفاشله الجشعه خليهم قاعدين جنبهم يتربوا في عزهم
انا شوفت ناس مقتدرين جوازاتهم بتتميز بالبساطه ومفيهاش تعقيد ولا وجع قلب زي ده ولا طلبات مرهقه
لانهم ناس شبعانه بيدورا علي حد يصون بنتهم
ونظرا لوجودهم وسط مجتمعات راقيه فبيلاقوا عرسان مقتدرين لبناتهم
انما اروح اناسب موظف وانا اهلي اصلا موظفين ويحسسني انها بنت الملك بكابورتان
يبقي خليني عازب بعقلي احسن