عرض للطباعة
السلام عليكم
تحياتي لكل أعضاء المنتدي الكرام وأتمني ان تتقبلوني عضو جديد معكم
الحمد الله حجزت امس لوجان 2013 مانيوال كاملة وارجو منكم ان تنصحوني عند استلام السيارة ايه الاشياء التي تكون متواجدة مع السيارة ويجب التأكد منها ولو هناك اي فحوصات او اي شئ اتأكد منه ياريت تقولولي عليه
شكرا وتحياتي لكل الاعضاء
حجزت منين وبكام والاستلام امتى؟اقتباس:
المشاركة الأصلية كتبت بواسطة emad_zaki2013
حجزت من الطارق اسكندرية الاستلام خلال 3 اسابيع
اولا الف مبروك يا باشا و ان شاء الله تستلم على خير
حضرتك و انت بتستلم تطلب منهم اول حاجة يشيلو الورق الابيض من على العربية
تشوف عداد الكيلومتر انها متبقاش عاملة كثير ... بالكثير 50 كيلو
تجرب كل حاجة في العربية من مرايات لزجاج اماي و خلفي و زرار الlock بتاع الزجاج الخلفي
يبقى معاك CD تجرب بيه
تجرب المالتي فانكشن
تركب الاريال و تجرب الراديو
تنور كل انوارك و تطمن انهم مفيهمش مشاكل
تجرب الكالكس
المساحات بالمية بتاعتها
تجرب التكييف على كل سرعاته و تشوف بيسقع ولا لأ
تركز لو في صوت غريب او حاجة ولا كلو طبيعي
تجرب المفتاحين الريموت و العادي في الفتح و القفل و الدوارة
تطلع برة تبص على صاج العربية تطمن ان مفيش خدوش ولا تغيير في اللون او اي شك في ان العربية يبقى اتعمل فيها شغل
تفتح الشنطة و تبص على الاستبن انو نفس نوع الكاوتش اللي راكب فها ولا لأ
تبص على جوانب الشنطة على الكوريك و مفتاح العجل و القطرة
تفتح الكابوت تبص على السوائل زي مياه الريدياتير و زيت الفرامل و الباور تطمن انهم في المعدل الطبيعي (مش شرط تبقى على الMAX ممكن تبقى بين الMAX و الMIN)
تجرب الولاعة
تتأكد ان كاتلوج الراديو و العربية و كتاب الصيانة موجودين في التابلوه
تسأل على ميعاد الورق هيجي امتى
و بعدين تسمي و تتوكل على الله تروح تفولها و تروح بيها =)
الف مبروك وعقبال الاستلام ان شاء الله........ اتأكد ان الكاسيت فيه usb وخد معاك فلاشة عشان تجرب
الف مبروك يا باشا ..
الف شكر علي الردود والتهنئة بس انا دلوقتي قريت مشاركة عن زحف العربية بعد الفرملة فهل ده صحيح ولا دي حالات فردية وشكرا علي تعاونكم
أحسن اختيار اخترته وأكتر حاجة عملية ورخيصة وتعيش .. بلا أوتو بلا سانديرو هههههههه
موضوع الزحف ده بسبب بعض أنواع الكاوتش اللي نزلت مع اللوجان وأعتقد مش حايحصل معاك
شكرا علي الرد ويارب يديمها علينا كلنا ويكفينا شرها
يعنى ايه بلا اوتو بلا سانديرو؟؟؟؟اقتباس:
المشاركة الأصلية كتبت بواسطة theghostfish
كلمة غريبة شوية... العربية دى حلوة فى حدود سعرها لكن الاوتو اقوى فى الموتور و اوتوماتيك والسانديرو رائعة للى بيحبو الهاتشباك.
كل حاجة وليها حاجة
انا برضه لسه حاجز من اسبوعين من التوكيل فرع المهندسين ب 5000 ج الحجز لوجان مانيوال فول اوبشن بس حد يعرف المانيوال الدفعة الجايه دي الكاسيت فيه بلوتوث ويو اس بي ولا لا انا سالت الي في الفرع قالي مقدرش افيدك في الموضوع ده : (
نفس القصة في الطارق بكارفور اسكندرية
دفعة خمستاشر نوفمبر غير معلوم إذا كان المانيوال حاينزل ببلوتوث وusb ولا لأ
يارب ينزل بيهم
المفروض ان ينزل بيهم عشان دي موديل 2013
الف مبروك ربنا يباركلك فيها و يكفيك شرها