الاخوة و الاخوات الكرام / أعضاء نايل موتورز
أسعد الله يومكم بكل الخير ...
و يارب يبعد عننا جميعا كل شر و سوء
و خاصة الناس اللي بتمشي نايمة
النهاردة الصبح و منذ قليل قبل وصولي الي المكتب و منذ تحركت من البيت و أنا حاسس أني ماشي في السيرك القومي أو سوق الثلاثاء و مش في طريق سريع
(1).. واحد ماشي نايم و لا بيبعت رسالة علي الموبايل و مش شايف لا الطريق و لا بيبص علي المرايات علشان يشوف اللي وراه و كمان ماشي في الحارة اللي في النص و بطئ و أديله أنوار و لا هو هنا :B4_564:
طيب أمشي علي جنب - شغل الانتظار - أقف يا عم الحاج بدل ماتلبس و تلبسنا معاك
(2).. واحدة تانية جاية بتجري و عايزاني أوسع لها .. حاضر ياستي أتفضلي أديني وسعت لك
:oops2: هووووووووووووب طاخ .... الهانم لبست مطب أرتفاعه أعلي من قمة أفرست
طيب أنتي مش شايفاني مهدي و مشغل الانتظار ؟؟
(3).. أسطي من أسطوات الميكروباص :00020140:
واقف علي اليمين و مشغل الانتظار (هايل أخيرا لقيت حد بيفهم) , لكن فجأة و انا خلاص داخل عليه قرر أنه يطلع و يدخل في الحارة اللي انا فيها حتي بدون سابق أنذار و لا حتي أشارة من أيده اللي عايزة قطعها
(4).. برضه أسطي من أسطوات الميكروباص
فجاة قرر أنه يهدي و يقف في الحارة الثانية من الطريق
طيب يا أذكي أخواتك الزبون اللي هاترميه ده من اليمين مش يمكن تيجي عربية من يمينك تشيله و تبعته للاخرة بسبب وقفتك الغلط أو يمكن تيجي عربية نقل تركب فوق سيادتك :fdsa:
(5).. أخر حاجة علشان ما اطولش عليكما بقي ..
أثنين من أصحاب الملاكي أنا داخل في الحارة الوسطي (الطريق 3 حارات) و زي عادتي لما اكون ناوي أتخطي عربية بأدي قبلها نور عالي مرتين ورا بعض أو أكثر حسب الموقف
المهم البهوات فجأة بدأوا يقربوا من بعض , يعني اللي في اليمين بدأ ييجي شمال و اللي في الشمال بدأ ييجي يمين و كله بدون انذار و لا أشارة ولا حتي أتفاق أو سابق معرفة بينهما
طيب أعمل انا أيه دلوقتي ؟؟ :rfds:
طبعا بعد سلسلة طويل و متصلة من المواقف في مسافة لاتزيد عن 25 كم هي المسافة من البيت الي المكتب بس بأحس أنها أطول من طريق القاهرة / نويبع وصلت المكتب و انا في غاية التعب و الأجهاد الذهني و العصبي و الجسدي كمان :36_1_8[1]:
و نتيجة لكل هذه المواقف و الكام فرملة و التوقفات اللي مالهاش لازمة و أعادة التحرك و اعادة رفع السرعة ثم تخفيضها ثم زيادتها أن أرتفع متوسط أستهلاك البنزين عندي من 6.3 لتر / 100 كم الي 6.7 لتر/ 100 كم ده غير أستهلاك تيل الفرامل (اللي بأحاول أني أوفر فيه لن ثمنه غالي) و الحرق علي الموتور في بعض المواقف و الاهم هو حرقة الدم :I_angr1[1]:
اللي ممكن نقيسها برضه باللتر / 100 كم
كل الفوضي دي و ماشوفتش عسكري واحد من المرور :policeman:
بجد انا خلاص زهقت و تعبت و مش قادر :B4_611:
