موقف حصلى الناهرده و مش عارف اتصرفت صح و لا لاء

**medo20000** · 08-11-2012 11:35 AM

أخر حاجة نسيت أقولهالك تجربها :

* مبدأ التثبيت ....يعنى الشعب المصرى مابيجيش بالعافيه عايز تعمل أى حاجة حتى لو غلط ورفعت إيدك من الشباك بإعتذار مع إبتسامه صفراء لقائد المركبة الخلفية مثلا هاتلاقى الدنيا مشيت زى الحلاوة ...وممكن توصل إنا هو يوقفلك الطريق واللى جاى من وراة وكمان هيقولك عليك (راجل محترم فعلاً)

**khaled sabry** · 08-11-2012 11:36 AM

المشاركة الأصلية كتبت بواسطة medo20000

+++++11111111111 مع أ/علاء الشناوى

بص يا باشا .. أنا كنت فى نفس الحوار بتاعك مع إختلاف الأحداث المترتبة بعد كده كل لما أروح مشوار اتخانقلى خناقة خناقتين حسب طول المشوار..
الخلاصة أنى عايز أقولك لو ركزت مع كل حاجة بتحصلك وانت سايق هاتتخانق أكثر من 3 أو 4 خناقات فى كل 10 كيلو ..ودى حاجة طبعا تحرق الدم ...

جرب الأتى:
1-إقفل زجاج عربيتك واللوك عليك وشغل تكيفك حتى لو بالليل .
2- جرب تمشى بمبدأ (العفو عند المقدرة) ...وصدقنى هاتستريح وتريح أعصابك ..
3- شغل قرأن أو موسيقى هادية بلاش techno اللى بتسخن دى ..

و الله انا مش بركز زى ماحضرتك متخيل
بس ده شتمنى ... اسكتله يعنى
ده انا كاتب الموضوع لأنى حاسس انى غلطان انى ماضربتوش

المشاركة الأصلية كتبت بواسطة medo20000

أخر حاجة نسيت أقولهالك تجربها :

* مبدأ التثبيت ....يعنى الشعب المصرى مابيجيش بالعافيه عايز تعمل أى حاجة حتى لو غلط ورفعت إيدك من الشباك بإعتذار مع إبتسامه صفراء لقائد المركبة الخلفية مثلا هاتلاقى الدنيا مشيت زى الحلاوة ...وممكن توصل إنا هو يوقفلك الطريق واللى جاى من وراة وكمان هيقولك عليك (راجل محترم فعلاً)

و الله ناس كتير بكسرو عليا و بيعملو الحركه دى
لكن الحركه دى ماتنفعشى لما اتشتم

**mazher_m** · 08-11-2012 11:49 AM

قدر الله وما شاء فعل
الموضوع انتهي بالنسبه ليه
وانت شاغل نفسك وواجع دماغك
كبر دماغك وانسي المواقف التافه دي متقفش عندها كتير

**Khaled Online** · 08-11-2012 11:51 AM

المشاركة الأصلية كتبت بواسطة khaled sabry

شتمته و شتمنى ايه بس
ده ثبتنى فى الشارع و عمل عليا فرده .. و انا سكتله و مابجحتش عليه

كل ده منظر
لو كان يقدر يعمل حاجة كان عملها
هو كش لما لقاك مش من العيال الميكي

وانت عندك حق انك رديت الشتيمة
كل الناس اللي بتقولك مكانشي المفروض ترد كانوا ردوا بالثلث لو كانوا هما اللي اتشتموا

**khaled sabry** · 08-11-2012 11:51 AM

المشاركة الأصلية كتبت بواسطة mazher_m

قدر الله وما شاء فعل
الموضوع انتهي بالنسبه ليه
وانت شاغل نفسك وواجع دماغك
كبر دماغك وانسي المواقف التافه دي متقفش عندها كتير

اعصابى
و كمان عاوز اعرف الطريقه المثلى للتصرف فى الموقف ده بشكل يريحنى و يحفظ كرامتى

على فكره انا صعيدي - عمرك شوفت صعيدي اتعلم عليه

**alaa74** · 08-11-2012 11:53 AM

[QUOTE=khaled sabry;3874623157]بس انا فعلا ماكنتش عاوز الموضوع يتطور
لكن فى نفس الوقت ماقدرشى اسمح لواحد انه يشتمنى علنى كده و اسكت
انا كل اللى عملته انى رديت الشتيمه اللى هو شتمهالى فى وشى و عيني في عينه
يعنى كان المفروض انى اتشتم (و انا مش غلطان اصلا ده ميكروباص عاوز يطلع منى فى الزحمه و مادتهوش فرصه ) و اعديها عادى كده ؟؟[/QU

يا خالد بيه انا طبعا مقلتش يشتمك ومتشتموش
لكن زى ما انت حكيت هو شتمك الأول بالكلاكس
انت رديت عليه بنفس الأسلوب
هو طبعا سخن وشتمك بشكل مباشر
وانت كمان رديت عليه وعندك حق لازم ترد عليه الشتيمه بنفس الطريقه

لكن النقطه المهمه فى مشاركتك أعلاة دى

يعنى كان المفروض انى اتشتم (و انا مش غلطان اصلا ده ميكروباص عاوز يطلع منى فى الزحمه و مادتهوش فرصه ) و اعديها عادى كده ؟؟

سواء كنت غلطان أو هو اللى غلطان حاول تشوف انت بتعامل مع مين يعنى تفكيرة مش هيكون زى تفكيرك أبدا .

لأ هقولك حاجه تانيه تخيل حتى لو الموقف د بنفس التفاصيل حصل بس مع عربيه ملاكى زيك برضو كان هيكون رد الفعل لأن الموضوع مش مقتصر على سواق ميكروباص أو تاكسى او نقل او حتى ملاكى .

الموضوع أساسه السلوك
والله أنا عذرك ويمكن لو كنت مكانك كنت اتصرفت زيك !
لكن اللى عاوز اوصله لك ل إنه طالما الموضوع كان ممكن يتلم كان لازم تلمه يعنى من ساعه شتيمه الكلاكس كنت كبر دماغك ومتردش عليه .
مؤكد كان هيمشى ويسيبك ومتصور نفسه طبعا إنه علم عليك ويحس بنفسه قوى
خليه يعيش وكبر دماغك .
طالما الموضوع لا قدر الله موصلش لأحتكاك بعربيتك اوعى تطور الأمور
لكن لو حصل لا قدر الله واتخبطت دة موضوع تانى .

تقبل تحياتى

**khaled sabry** · 08-11-2012 01:14 PM

المشاركة الأصلية كتبت بواسطة alaa74

انت رديت عليه بنفس الأسلوب
هو طبعا سخن وشتمك بشكل مباشر
وانت كمان رديت عليه وعندك حق لازم ترد عليه الشتيمه بنفس الطريقه

لكن النقطه المهمه فى مشاركتك أعلاة دى

يعنى كان المفروض انى اتشتم (و انا مش غلطان اصلا ده ميكروباص عاوز يطلع منى فى الزحمه و مادتهوش فرصه ) و اعديها عادى كده ؟؟

سواء كنت غلطان أو هو اللى غلطان حاول تشوف انت بتعامل مع مين يعنى تفكيرة مش هيكون زى تفكيرك أبدا .

لأ هقولك حاجه تانيه تخيل حتى لو الموقف د بنفس التفاصيل حصل بس مع عربيه ملاكى زيك برضو كان هيكون رد الفعل لأن الموضوع مش مقتصر على سواق ميكروباص أو تاكسى او نقل او حتى ملاكى .

هى المشكله ان انا من الجيل اللى اتربى على "اللى ضربك تضربه"
بس المشكله ان الواحد مابقاش يعرف يطبق المبداء ده لما كبر ... علشان بقى يقابل ناس اغبياء كتير
حضرتك عارف ده كان المفروض يقف علشان يحمل لكن ساب محطته علشان يطلع ورايا و يعمل الحركتين دول
و كان قبل مايشتم كان قاعد يقول " والله انا اقدر اكسرك الفوانيس اللى ورا دول " و انا كنت ببصله فى المرايه و ابتسم بستهزاء - الظاهر ده سخنه اكتر

**khaled sabry** · 08-11-2012 01:23 PM

انا و انا بقراء مشاركتكم افتكرت موضوع كان عامله احد الاعضاء الافاضل "مش فاكر الاسم لكن كان معاه سيزوكى ماروتى"
ملحصه انه واقف فى اشاره هو و مراته و عربيه ملاكى سايقها ظابط جيش (الحكايه دى قبل الثوره )و حبطته و الظابط نزل يتخانق معاه و هو ماسك نفسه مش عاوز يزعق
وسط الخناقه عسكرى بموتسكل جه و خبط العربيه "قصد" و نازل يتخانق مع الظابط من غير مايعرف حاجه اصلا
مش فاكر باقى القصه الصراحه بس اللى فاكره انه اتبهدل اخر بهدله و عربيته اتخرشمت وهو ماعملشى حاجه اصلا

هو احنا بقينا وحشين اوى كده ؟؟؟؟