تقدموا يا اولادي تقدموا :d:d عايزين عيوب اكتر فين بيجو و هيوندااااااااااااي و سكودا و فولكس و سيات عشان متقولوش متحيز :d:d و فين الصيني سبيرانزا و بي واي دي و شيري و يا ريت اللي عنده عيب جوهري يقوله عشان يفيد الاخرين
عرض للطباعة
تقدموا يا اولادي تقدموا :d:d عايزين عيوب اكتر فين بيجو و هيوندااااااااااااي و سكودا و فولكس و سيات عشان متقولوش متحيز :d:d و فين الصيني سبيرانزا و بي واي دي و شيري و يا ريت اللي عنده عيب جوهري يقوله عشان يفيد الاخرين
ايه يا سويفت هنقر بقي ولا ايه :D:D والله انا شركتها اصلا و كتبت حاجات متعتبرش عيوب في العيوب بس والله ملقيتش فيها حاجة تاني تتكتب و كمان ده انا عاملك 7 8 عيوب شفت بقي انا عندي soul of justice ازاي :D:D
و تربيط العفشة ده انا بعمله كل 9 سنين مرة هههه عادي بعد بالسنة مربطش عفشة :)
السلام عليكم
فيات بونتو 2002
عيوب
حجم صغير و بتأخد 5 أفراد صغيري الحجم أو 4 أفراد ذو حجم كبير
و التحميل بيأثر على السحب
الشنطة مش كبيرة ........
التكييف عادي جدا و بيأثر على السحب برضه
تسارع العربية بعد 110 بيقل شوية و بتأخد وقت علشان تطلع للسرعة القصوى
ثبات العربية متوسط فوق 120 كم / س
بس الثبات مش ضايع فوق 120
النظام الصوتي فيها جيد فقط
سيات إبيزا 1994
نفس عيوب البونتو بالإضافة لغلو قطع الغيار
فورد أسكورت 1994
حجم الشنطة إلى حد ما غير واسع و لكن مش ضيقة
كانت بتأكل بنزين
الفتيس مكنش كويس و غيرته مرتين في 150 ألف تقريبا ( مش فاكر بالظبط )
بروتون جين 2
الموتور صوته عالي شوية ( للناس اللي مش بتحب صوت الموتور العالي )
التكييف بيأثر على السحب شوية في أول غيارين بس
السقف من ورا واطي شوية و طوال القامة مش بيبقوا مستريحين قوي
لما بتلف الدريكسيون على أخره بتسمع صوت خبطه و قالوا في التوكيل إن ده طبيعي
خامات الصالون الداخلية عادية و مفيهاش تميز
سحب العربية في أول غيارين مش قد كدا ... لازم تحرق علشان تأخد عزم بيبان قوي في وسط البلد إنما على الطرق السريعة أوعى وشك
العفشة مش ناعمة و مش ناشفة و ثباتها رائع
المرايات فعلا لها زاوية ضيقة إلى حدا ما و يجب التأكد مرار قبل تغيير الحارة علشان لو فيه عربية مش في زاوية المرايا و قريبة منك ممكن تخبط فيها لو حودت فجأة بدون تأكد
لا يوجد بها مكان تخزين داخلي جيد و اللي موجود إلى حدا ما صغير و بين كرسي السائق و الراكب الأمامي و أكتفوا برف بدل مكان التخزين اللي أمام الراكب
بالإضافة لظهور بعض عيوب التقفيل في بعض السيارات من نفس الموديل مع مستخدمين آخرين .... بس مظهرش معايا حاجة والحمد لله على ذلك
نيسان ميكرا 1990
عربية تقفيلها أي كلام خالص و على ادها
خامات فقيرة جدا
سحب ضعيف
مفيهاش تكييف
بس موتور معمر لو حافظت عليه كويس
ارحم ايه بس يا اوننا سابقا
امال لو كنتي شفتي اللي بيتعمل في ال132 ولا ال 125 ولا ال505 كنت تقولي ايه
دا انا كنت باخد شارع شكري كله و العربيه ماشيه بجنبها و العجل بيزحف و ريحته بيشمها اللي في الدور التالت مثلا!!!
و عمري ما كنت زبون عند عفشجي ابدا يادوب كل 6 شهور بروح افك العفشه و اشيك عليها و اركبها تاني ..ايام بقي ما كنت بركب عربيات بجد ههههههههه.
بس برضه مهما عملت الياباني ياباني:040:
اديني بس عربيتك ال.. ال.. ااه افتكرت السيراتو دي يوم بص و انا ارجعهالك كل عجله في ناحيه :chris:
تعملها و أنا مش عارفك:3gears:اقتباس:
اديني بس عربيتك ال.. ال.. ااه افتكرت السيراتو دي يوم بص و انا ارجعهالك كل عجله في ناحيه
هوندا سيفيك 1993
العربيه دية ليها 4 عيوب
1- واطيه جدا جدا جدا، بتحك في الظلط مش في المطبات. وطبعاً لو ركبت فيها 3 ورا بتحك في الرمل كمان،
2- الموتور صوته عالي، بس بأمانه أداؤه على قد صوته وأكتر.
3- تكييفها تعبان جدا جداً، ومش مبيشتغل كويس إلا والعربيه ماشيه.
4- قطع غيارها اﻷصليه غاليه وفي بعضها بقى نادر قوي.
أفيو 2006
الصاج ضعيف
الثبات مش قوى
استهلاك بنزين عالى...........190-200 كيلو فى الصفيحه جوه البلد...............يعتبر عالى شوية بالمقارنه بعربيات تانيه
غير كده الصراحة مفيش عيوب
-----------------------------------------------
فيرنا 1.5
....................
............................
.........................................
...............................................
زفت
لا هيونداى بعد اليوم
مع احترامي الكبيرر للادا
فين باقي الاعضاء ادلو بدلوكم في سياراتكم :d
ايوة بالزبط بس انت افرض ان واحد عايز عربية تشيل افراد عائلته ولنفرد ان العائلة 5 اشخاص او اكثر وعايز عربية في الرينج ده
وبعدين دلوقتي احنا لما بنيجي نفكر في عربية بنعمل ايه
1- بنحط العربية ده نوعها ايه
2- صناعتها ايه وتقفيلها نظامه ايه
3- ها تستحمل الشارع المصري ولا لا
4- هل هانفع اركب فيها ناس كتييييييير او عائلتي كلها لو رايح فرح ولا حاجة وتستحمل المطبات ولا لا
5- تكاليف التشغيل موش كتيييييييير
6- قطع الغيار متوفرة ورخيصة
7- صنايعية بيفهموا فيها ولا لا
8- التوكيل بتاعها نظامه ايه بعيد ولا قريب كتييييييييير ولا قليل نظيف ولا وحش
9- العربية ده ها يعمل بيها ايه
بس ياعني ولا انت رايكم ايه
اعتقد احنا لو عملنا احصائية على الخيارات ده ما اعتقدتش ان في عربية ها تجيب 9/9 افضل حاجة مكن تنجاب 8/9 او 7/9 ده لو بقى ايه صح ولا لا:wheelchair:
انا بقى هاقول عيوب السيارة الباجيرو بتاعتنا
اولا السيارة 3.0 سي سي درجة تانية اتوماتيك طبعا اللي في مصر فول على طول ماشي
اولا العيوب:
1- العربية موش واسعة زي الجيب الالمريكي او الاند ولاكن اوسع من البرادو ومن مثيلاتها
2- الخامات اللي داخل العربية اديها 8/10 طبعا فرش مخمل بيتاكل من كتر الدوس عليه طبعا المخمل موش القماش اللي فيها
3- درجة التقفيل اللي برها 9/10 وده كويس
4- قطع غيرها غالية جدا جدا (( الاصلية طبعا)) بس في تقليد وبيعيش زي الاصلي بس في حاجات لازم اصلي انا بتكلم عن تييييييل الفرامل لان ده اللي بيتغير موش اصلي
وعلى فكرة مادي زي الاصلي بالزبط
5- الصاج بتاعها موش اد كده بس هيا مدعمة بالفلاذ
المزايا:
1- عالية عن الارض وبتشيل العائلة
2- ذات اداء عالي افضل من مثيلاتها في نفس الفئة اللترية
4- الشكل تحفة
5- اعلى من الاند والجيب بمراحل
6- الساوند فيها تحفة الاصلي طبعا(( اربع سنسن وماغيرناش السماعات)) مع اني ايه بعلي الصوت على اخره وبيز وبعيش طبعا
7- التكيف خياليييييييييييي بجد افضل من الاند بمراحل وبشهادة نااااااااس (( في درجة حرارة 50 بيخلي العرببية ثلاجة))
8- استهلاك البنزين معقول
9- جابت المية في 15.5 ثانية طبعا
10- في الرمل تحفة ما بتقفش
11- طبعا كمبيوتر وعداد رحلا ت وشاشة توضيح الاعطال بالاضافة الى وجود ساعو وبوصلة وارتفاع عن سطح البحر ودرجة الرطوبة
12- الجير تروبتنيك (( تحفة طبعا))
13- abs
14- بتاعة شد مع عربيات جيب في نفس الفئة اللترية ياعني افضل من البرادو
15 - افضل نظام تعليق تجده في سيارة جيب يابانية (( افضل من الاند والباترول)) طبعا الثبااااااااااااااااااااا اااااااااااااااات تحفة
بس موش عارف اقول ايه تاننننننننننننننننني بصراحة انا حاسس ان مافهاش عيوب صناعة خالص والحمد الله
ما شاء الله ربنا يباركلك فيها ويحفظهالك ويديك خيرها ويكفيك شرها . ثانيا انا متفق معاك تمام في المعايير والخطوات الي المفروض نتبعها لاتخاذ قرار شراء اي سياره لذلك
انا كنت حابب اخد راي حضرتك يا استاذ cobraa وراي باي الاخوات في سياره في الرينج انا اتكلمت فيه قبل كده وهي " كيــا بيكانتو اتوماتيك " طبعا جديده
محلوظه بس :_ انا بالفعل ما عاوز اخرج عن اطار الحوار الي بيتكلم عليه الموضوع لكن ده يمكن يفيدنا في التكلم على مواصفات او مميزات وعيوب السياره ,,,
شكرا ليك والله على العموم حسب ما اسمع انا الكيــا بيكانتو لذيدة ومقطقطة وعلى فكرة حاول تدور برده في السوق اصل بصراحة الواحد بقى يدور على العربية ال ماتصرفش وتوفر لخمس سنين قدام
(( بس بصراحة العربية عاجبنايه ولذيذة ومنتشرة حبتين والتوكيل شايف انه نظيف وعلى فكرة لو نويت ربنا ان شاء الله يباركلك فيها)) وخد بالك من المطبات علشان ما بتسبش حد في حالوه
شكرااااا يا استاذ cobraa على الافاده وعلى ردك , انا كمان حطيت عيني عليها
لاني مش محتاج عربيه عائليه حاليا على اعتبار لسه بدرس وكده
بصراحة موضوع جميل جدا جدااااااااااااااااااااااا اااااااا
العربية الحالية لادا 2105 موديل 1994 موتور 1200 سى سى - ثانى يد ( مالك ) .
العيوب :-
1-صوت الموتور والكروونة عالى
2-لايوجد بها اى نوع من الكماليات .
3-دركسيون ثقيل جدا خاصة وهى واقفة او اثناء الركن .
4-عفشة خشنة جدا
المميزات :-
1-رخص قطع الغيار وسهولة ايجادها مع وجود بدائل سعرية و جودة مختلفة
2-معظم الصنايعية فاهمين فيها ( امكانية اختيار الصنيعى )
3-قوة تحمل عالية جدا خاصة فى الطرق التى بدون اسفلت ( تجربة شخصية )
4-الصاج الخارجى كل الناس تخاف تخبط فيك بلا استثناء
5-الاتساع الداخلى 3 مستريحين و العربية مش ممكن تحك فى مطب ( تجربة شخصية )باستثناء مكان الكروونة طبعا
6-الثبات على السرعات حتى 120كم ولا اعتقد ان الطرق المصرية تتحمل اكثر من هذا بدون مخاطرة نظرا لغباء بعض السائقين
7-طبعا اهم ميزة حاليا هى بنزين 80 جميل جدا عليها و اقتصادى جدا وبتحبه جدا و لو مفيش ممكن عصير قصب مش هاتقول لا ( بنت حلال يعنى )ههههههههههههههههههههه
و اشكركم جميعا .
دايو لانوس 99 اوتوماتيك
-الفرامل ضعيفه وانا كان معايا اتوماتيك فالفرامل كانت ضايعه
-الاتوماتيك فيها مش حلو ومش بياع
-صوت المتور عالى بس العربيه كانت جرايه بالرغم من انها اتوماتيك
- التكيف مش بيسقع اوى- اساسا مش عارف التكيف بتاعها حلو ولا وحش لان عربيتى كانت سوداء بس هوه كان بليل ثلاجه والصبح ولا ليه اى لازمه
-الثبات كان وحش بعد 120
-حريقه بنزين (بتعمل 150 فى الصفيحه ) احسن معدلاتها
رينو كليو 2003 1200 سى سى
ارتفاع اسعار قطع الغيار بالنسبه للعربيات الكورى المنافسه ليها فى فئتها
-العفشه ناشفه شويه
-ضيق الكنبه الخلفيه
-صاج ضعيف
لانسر 1600 اوتوماتيك 2008
-لو بتشد وتحرق هتستهلك بنزين جامد جدا (150 الى 160 فى الصفيحه )لو سواقتك عاديه استهلاكها هيكون معقول ( 180 الى 200 فى الصفيحه )
داخل المدينه .
-العفشه ناشفه شويه بس احسن من الكليو
-قطع غيار غاليه
-الشنطه الخلفيه ضيقه شويه
-المتور متقفل عادى مش زى العربيات الحديثه
-لو العربيه من جوه لونها بيج الفرش بتاع الابواب هيتوسخ بسرعه جدا
-الفتيس ال cvt عايز تعود علشان تقدر تستغله صح وتعرف تجرى بيه من غير ما ال rpm يعلى اوى
اشكل الناس علي الحيادية في التقييم و اظهار العيوب لافادة الناس:)