الموضوع: عيوب عربيتك....

عيب الادا بتاعتي

زي ماانتم عارفين ده لادا برده
المهم
1- التقفيل مصري تحت بئر السلم طبعا ((فاهمين كلامي))
بس موش زبالة اوي يا عني في حاجت ركب غلط وفيه فروقات كتيرة وخلوصات غالبا فيما بين الشنطو والفوانيس والكبوت والعربية
2- مشكلة الخامات المستخدمة في تقفيل المواتور من مواسير بلاستك بتاعة التبريد اللي راكب فيها ثرومستات (وانا بنبه كل واحد يملك 2110 مصري كل شوية يتاكد منها كل شوية علشان في ايام الحر حاسس ان التبريد زبالة))

3- بصراحة اول ماجبنا العربية كان الصوت بتاع العربية موش عالي والفتيس ماكنش تقيل زي دلوقتي(( اعتقد انا السبب اصل ببقى فاكر نفسي في سباق لو لوحدي))
المهم اول ما جبناها برده كان في حته غلسة كده لما تيجي تجيب ورا بالعربية الفتيس بتاعها ليه درجة معينة لو زودت عن تلك المسافة كانك يا ابو زيد ما غزيت

4- العفشة ناشفة شوية بس الثبات افضل من جيد جدا
5- الدركسيون موش باور والتكييف تركيب موش من اصل العربية طبعا الاداء بتاعه في الحر زبالة وفي الليل اكتر من ممتاز

6- الفرامل موش عارفة وحشة ولا انا رجلي تقيلة

المميزات
1- عالية عن الارض وتنفع الشوارع المصرية
2- الشكل العام بتاع العربية مقبول بدرجة كبيرة((كافية ان الزوايا القائمة اللي في العربية اختفت وبقيت انحناءت))
3- زي ما قلنا الثبات بتاعها تحفة اثبت من غبور طبعا ((والدليل انا جايب بها 185 طابلوه يا عني مقفل واربعة في العربية وواخد غرز على السرعة ده ولا في اي حاجة ))

4- استهلاك البنزين كويس بس موش معايا مع ابويا






اما الباجيرو بقها فيها عيب واحدة ايه يا ترى ايه يا ترى ايه يا ترى ايه



اه التوكيل اللي كان فاتح في المدينة اللي احنا ساكنين فيها واقرب توكيل يبعد مسافة 180كيلو

هو ده العيب الوحيد

المشاركة الأصلية كتبت بواسطة M689

انا معايا لانسر 2007 رياضية كاملة بقالها معايا من الزيرو حوالي سنتين إلا شوية عاملة 52000 كم :

• الدركسيون تقيل في الركن و المشي براحة بس مطمئن في السرعات و ماسك نفسه لحد ال 190 و بيديك feedback حلو من الطريق انا شايفه ميزة بس في ناس مش بتستحمله خالص .
• العربية صوتها عالي جدا عن اي عربية في فئتها والعزل وحش بس لما بتغير الكاوتش بتنعم شوية.
• علبة الدركسيون ابتدت تعمل صوت خفيف كل فترة طويلة وده عيب في كل اللانسر وسألت فية مهندس الصيانة و قالي كله كده من 2001 .
• طنابير الفرامل الي قدام عاوزة الحرق بترعش اول لما التيل يوصل لنصه كدة من و العربية عاملة 10000 و مخروطة في التوكيل مرتين ومفيش فايدة تبطل شوية وترجع.
• الفرامل يا أما ضعيفة او بتحسسك انها ضعيفة مش طبيعية كده الي من غير abs احسن منها .
• الحتة القطيفة في فرش الابواب من ساندة رجلك عليها بتتاكل شوية و من كتر التنظيف باردو ( انا عندي بيج ).
• السقف بيوبر خفيف مع التنظيف مع الوقت حتى لو بتغسل الفرش في التوكيل.
• عندي التطعيم الكبير التيتانيوم الي بعرض التابلوه في حته قلبت على ابيض بس ممكن من الشمس .
• قطع الغيار حاسس انها غالية خاصة انها مش معمرة اوي تيل الفرامل وصل 400 جنية وبيعود من 10-15 الف كم بس والشبكة ب 1200 والفانوس الخلفي ب 950 .

كفاية بقى تشريد في العربية :D

بصراحة نحترم رأي سعاتك جدا..
وخاصة ان اول مرلاة يحد وصف دقيق لعيوب العربية دي بالحياد ده..
او علي الاقل لم اقابل انا الوصف ده هنا علي المنتدي قبل كده..

بس انا ليه دايما بسمع نفس الشكاوي من اللانسر 2007 الرياضيه الكامله من ناس
مختلفه انا كنت معجب جدا بالعربيه من حيث ادائها وشكلها وما كنت اتوقع فيها العيوب دي :(

المشاركة الأصلية كتبت بواسطة m689

انا اي عربية بتقع في ايدي لازم تتفضخ ويتعرف عنها كل حاجة

كل شيءٍ انكشفٍ و بانٍ
:) :) :)