الموضوع: رجاء النصيحه في شراء لانس بطه 93 موتور1600

طيب عمتا حاول تخلى سعرها أقل شوية يعنى 32 حلو أوى عليها دة أولا

ثانيا روح المرور التابعة له العربيه و حاول تسأل على المخالفات و فى نفس الوقت أسئل الحظر أتفك عليها ولا لأ

بس خلى بالك لازم تكشف عليها كويس جدا عند ميكانيكى و سمكرى تبعك أنت

المشاركة الأصلية كتبت بواسطة alpoka779

اولا شكرا للرد - هو الي رشحلي العربيه ميكانيكي صديق جدا ونزلت عندو في المجره بتاعتهم والعربيه زيرو بس انا قلقان من اعاده البيع وقطع الغيار وموضوع الحظر - عشان انا خسرت 10 الاف في عربيه واحده وانا شخص عادي مش مبسوط يعني علي قدي ----- يعني لا قدر الله احتجت فلوس اقدر ابيع والم نفس تاني ----

موضوع إعادة البيع فى الفئة السعرية دى يعتبر معقول بوجهة نظرى والله أعلم
لان لو هنتكلم فى التلاتين أو لحد 35 ألف جنيه هتلاقى صينى كتير جدا موديلات جديدة فوق 2005 لكن إعادة البيع بتاعها صعب جدا لكن أظن أن اللانسر تعتبر من العربيات المقبولة أوى فى إعادة البيع و كفاية أنها ميتسوبيشى والله أعلم برضة و أكيد الميكانيكى دة هيفيدك فى موضوع إعادة البيع دة لأن فيه ناس بتبيع و تشترى كتير أدامه

بالنسبه لموضوع فك الحظر دة لازم تسأل المرور و تشوف ملفها بالكامل و أنت بتشوف المخالفات و مظنش أن فيه حد هيقدر يفيدك نهائيا فى موضوع فك الحظر دة غير المرور و متقولش أن المشوار صعب ولا حاجة هوا يوم و هيعدى فى المرور بس هترتاح و أنت راكب عربيتك

و إن شاء الله ربنا يهديك للعربية المناسبة إلى متخسرش منها أى مليم و فلوسك تروح فى الحاجة المناسبة
و إن شاء الله باقى الأعضاء يساعدوك بتجاربهم الشخصية