حد يعرف مدينة العبور ولا الشروق انضف مع متوسط الاسعار

**drmomoking** · 08-11-2012 11:41 AM

كنت بفكر ابيع شقتى و اجيب حاجة كدة فى المدن الجديدة و كنت محتار ما بين الشروق والعبور فكنت عاوز اعرف مميزاتهم و عيوبهم و توافر المواصلات من و الى كل واحدة فيهم لو العربية عطلت ولا حاجة و متوسط سعر المتر لو حد عنه خلفية

بانتظار ردودكم

**mado83** · 08-11-2012 11:46 AM

العبور طبعا افضل والفرق كبير
والاسعار هناك مش عاليه اوى
يعنى ممكن تلاقى حاجه 75متر
تدفع مقدم 65 الف
و400ج لمده 20 سنه (مدينه جديده اسمها جنه العبور)هو عباره عن حى جديد
انزل هناك ولف لفه على مكاتب السماسره

**adham_gouda** · 08-11-2012 12:27 PM

من وجهة نظرى الشروق افضل لانها المدينة الوحيدة التى خطتت لتكون سكنية فقط بعكس كل المدن الجديدة التى خطتت لتكون سكنية وصناعية بالنسبة للاسعار معنديش فكرة مع العلم ان العبور اقرب طبعا ولكن صناعية وسكنية وللعلم انا غير مقيم فيها ولكن معجب بالشروق دة من جهة نظرى مع كامل احترامى لكل الاراء

**ahmedkhairy** · 08-11-2012 03:17 PM

العبور طبعا أفضل بكتير
متوسط الأسعار من 1500 - 3000 / م2
العبور مدينة أكثر من رائعة
اى استفسار تحت أمرك 01223341501

**memoo305** · 08-11-2012 03:34 PM

صراحة أنا من سكان مدينة العبور . وشايف أن الشروق هيكون ليها مستقبل أفضل . خصوصا ان بحس أن نوعية ساكني مدينه الشروق أعلى إجتماعيا من العبور

**AlGazar2** · 08-11-2012 04:15 PM

الشروق افضل

تخطيطها سكنى بس - ارقى فى المستوى - ملهاش امتداد مستقبلى - على طريق السويس و الاسماعيليه - تخطيطها بيئيا كويس - قدامها مدينتى

اسعار معرفش للاسف

**mahamedaraby** · 08-11-2012 04:39 PM

بالنسبة للاتنين انا شايف ان عيب الشروق حالياً انها بعيدة جدا عن اقرب حاجة للبلد اللى هى لو هنقول الماظة او مدينة نصر
لكن العبور قريبة اوى وبالذات بعد الكوبرى الجديد اللى عملوه فوق موقف العاشر بقى الحياة هناك عمار اكتر ده غير انك فى العبور فية جميع توكيلات العربيات فى بلدك صيانة وقطع غيار وكمان عندك مولات زى جولف سيتى مول تقريبا اللى فية كارفور لكن الشروق لحد دلوقتى تحس انها صحراء شوية ودة راى

**mohamed_selim** · 08-11-2012 04:55 PM

مجرد تعليق على موضوع المسافه و البعد .. المسافه من العبور للشروق على طريق اسماعيليه 10 كيلو ... المسافه من طريق اسماعيليه عشان توصل لاماكن فى العبور بتعدى ال 10 كيلو فهى هى ... بالعكس الشروق تتفوق انك ممكن تخرج من ناحية طريق السويس

الاسعار فى الشروق فى الاكماكن الكويسه (اللى يتسكن فيها فى خلال سنتين مثلا) من 1800-2000 تقريبا

طبعا فى حاجات ارخص بس هتحتاج تنزل تلف لفه

**drmomoking** · 10-11-2012 11:21 AM

شكرا لكل الردود وانا فعلا امبارح نزلت بصيت بصة كدة فى الحى الخامس والسادس والتاسع فى العبور والى حد كبير حسيتها كويسة وععمرانة شوية عن الشروق اللى رحتها من شهرين او اكتر

وخصوصا ان العبور فيها مرافق وخدمان و مدارس اكتر بكتير من الشروق ودة يمكن لانها اقدم ودة ممكن يحصل فى الشروق بس قدام شوية

ياريت بقى لو حد يعرف اية الاماكن و الاحياء الكويسة فى العبور و يكون المتر فيها لحد 1700-1800 ودى اقصى اسعار شفتها فى اللفة السريعة امبارح وكان منها بتسهيلات كمان