الموضوع: نقل العربيه لمرور تانى

انا يا جماعه تبع مرور حلوان وهغير عنوان البطاقه ان شاء الله وهتكون مصر الجديده
ايه هى الاجراءات عشان انقل الملف بتاع العربيه من حلوان الى مرور مصر الجديده
مع العلم ان العربيه عليها حظر بيع من البنك يعنى لما اطلب الجواب من البنك يكتب مرور حلوان ولا مصر الجديده
انا عاوز اعرف الخطوات بالتفصيل
شاكر حسن تعاونكم

شكرا للاهتمام يا ياسر و Land_Cruiser
انا عارف انى لازم اجيب شهاده بيانات من حلوان موجهه لمرور مصر الجديده
بس المرور هيدهالى من غير جواب البنك ؟؟؟؟
طبعا ناس كتيييييييييييييييييييير تقول وانت قارف نفسك ليه وقارفنا معاك ما تروح البنك ولا المرور وتسأل !!!
البنك مش عارف حاجه وساعات يقول انا على حسب المرور اللى موجود فى الرخصه
اما بقى انى اروح اسأل فى مرور حلوان !!!!!!!! احب اقول مرور حلوان وما ادراك ما مرور حلوان
اصل انا عندى عربيه مرور مصر الجديده (النزهه) مش عارف اقول الفرق الرهيب بس بجد انا اخر مره جددت الترخيص بتاع حلوان كنت من 8:30 الصبح خلصت 2:00 وكله فى الشمس يا معلم ومولد وصاحبه غايب
اما مصر الجديده فى ساعه كنت مخلص وده مش اول مره ليه فى التجربه ديه سواء هنا او هنا
على العموم انا وجعت دماغكوا ........... أسف للآطاله