الموضوع: عندى استفسار بخصوص حدفة يمين بسيطة فى جين 2

المشاركة الأصلية كتبت بواسطة eng f3lix

لا اله الا الله
لا سحر ولا شعوذة
الف مبروك حل المشكلة ياباشا
بس هيا العربية مايلة ولا عادية؟

لا ياباشا مش مايلة ولا حاجة واللى قالى بدل الكاوتش حد من جروب بروتون كلوب كان عندة نفس المشكلة واتحلت كده بس انا واثق انهم عدلوا القنطرة فى التوكيل لان الفرق كان واضح فى المسافات بين الكاوتش والرفرف قبل ما اروحلهم المهم انها اتحلت وعلى فكرة انا روحت بريدج ستون كشفت عليها و قالى انها على الجهاز واضح انها مفيهاش اى حدفة :)

المشاركة الأصلية كتبت بواسطة d . A .\ ayman

غريبة ... جدا طب تصدق هاجرب الموضوع ده قبل ما اضبط زوايا تاني برة

الف شكر على الإفادة والف مبروك على حل المشكلة :)

جرب ياباشا و نصيحة اكشف فى بريدج ستون فيكس آند فيت ناس فاهمة انا روحتلهم كشفوا على العربية بعد ما بدلت الكاوتش و قالى الجهاز كدة مطلع ان كلو تمام

المشاركة الأصلية كتبت بواسطة eng f3lix

انا مش فاهم النقطة دي
دلوقتي قبل تبديل العجل كانت العربية مايلة ولا كويسة؟
وقبل ماتروح التوكيل كانت بردو مايلة ولا كويسة؟

ياباشا مفيش اى ميل فى العربية خالص انا بقولك الفرق بين الكاوتش والرفرف كانت مرحلة شوية حوالى سنتىميتر بس عدلوها فى ابو رواش و بعدين كان لسة فى حدفة فبدلت الكاوتش ظبطت فالصراحة استغربت روحت رايح بريدج ستون كشفوا عليها لقوها تمام بس كدة :)

المشاركة الأصلية كتبت بواسطة di2

ياباشا مفيش اى ميل فى العربية خالص انا بقولك الفرق بين الكاوتش والرفرف كانت مرحلة شوية حوالى سنتىميتر بس عدلوها فى ابو رواش و بعدين كان لسة فى حدفة فبدلت الكاوتش ظبطت فالصراحة استغربت روحت رايح بريدج ستون كشفوا عليها لقوها تمام بس كدة :)

الحمد لله أن الموضوع اتحل، والعربية ماشية في السليم.

المشاركة الأصلية كتبت بواسطة eng f3lix

طيب.ممكن اعرف ايه علاقة الجنط بافكلام ده?

يعني لو انت فكرت مثلا تعير حنط من اللي قدام وترميه ورا وتجيب اللي ورا قدام ايه اللي هيحصل ساعتها?

ولو حبيت تجيب جنوط اكبر مثلا هل العربية هترجع زي ماكانت ولا ايه?

معلش انا عايزك تجيب جنط من ورا تحطه قدام وتجرب ايه اللي هيحصل

مش عارف الصراحة لو جبت جنط من ورا ايه اللى هيحصل بس انت قصدك ان المشكلة لسة موجودة