لسة واخدة مخالفة صف تاني دلوقتي حالاً
وإزدت أرف وأكتئاب أكتر لما أنتقاشت مع الناس
يعني أنا في شركة كبيرة ماشاء الله كل العاملين فيها معاهم عربيات - فأكيد جراجات الشركة مش هتستوعب دا كله فمضطرين نركن صف تاني
بقالنا بنركن صف تاني أكتر من خمس سنين
وعمر ما عدى نص عسكري حتى وأخد لنا مخالفة
إنهاردة بقى تقريباً كان فيه عسكري معاة دفتر مخلفات زيادة حب يوزعه
راح رازع كل العربيات مخالفة صف تاني
لما بعاتب إدارة الشركة على إنها كانت المفروض تعمل حاجة من الآتي :
1) حد مسئول إداري يوقف للعسكري دا ويوضح له إن الموظفين مضطرين .
2) يراضي العسكري بأي مبلغ ولو من المصروفات النثرية والإكراميات اللي بتتوزع على العمال والبطال .
3) أو إبلاغ العاملين اللي ركنين صف تاني لإنقاذ نفسهم أو عربيتهم ولو حتى مؤقتاً لحين إختفاء العسكري صاحب الدفتر الزائد .
للأسف الإدارة قالت لي إن الأمن مبلغهاش أصلاً ومعندهومش فكرة غير من معلومتي دلوقتي فقط .
فكان ردي : إزاي ميكونش فيه تواصل بين الأمن وبين إدارية الشركة .
قال لي المسئول الإداري العظيم : أصل دي شركة مؤجرة من شركة أخرى يعني تحت مسئولية إدارة أخرى .
فقلت وليه الأمن ما يبلغش الإدارة اللي تخصة ثم إدارتكم ويبلغ في ميكرفون الطوارئ ( وودنك منين يا جحا - بس مضطرة أقترح كدة )
فكان الرد الأعظم من المسئول الإداري العظيم : يعني أنتم تغلطوا وعايزين الأمن والإدارة تصلح غلطتكم
هو أنا كان المفروض أعمل أيه لما ملاقيش مكان لعربيتي - ألفحها فوق كتافي وأركناها في الدرج الأولاني لمكتبي .
بغض النظر عن قيمة المخالفة - ويا ترى مخالفة صف تاني ولا صف تاني وتعطيل المرور
لكن أن أضايقت :angry35:
هو أنا مكتئبة وعلشان كدة شايفة كل حاجة غلط - ولا إنفعالي دا طبيعي ؟