بسم الله الرحمن الرحيم
السلام عليكم و رحمة الله و بركاته
كان عندى فى العربية الماروتى طقم صوت صينى ( سماعتين و كاسيت صينى )
و كانت النية موجودة من ساعة لما جبت العربية انى اجيب طفم صوت كويس من الاول و اخلص من القصة دى .
بس جبت الطقم الصينى بسبب ظروف و كان مقضى الغرض و الحمد لله
----
توكلت على الله من شهر و نزلت اجيب سماعات بايونير 400 وات لان عمرو اكسيل قالى انها ماتفرقشى كتير عن ال500 او ال600 .. مع ان فيه ناس قالتلى هات الJBL بس قلت خليك فى المضمون و توكلت عى الله و نزلت على التوفيقية و قلت اسأل على محل ارخصم و محل الارخص لانى سمعت انهم بيجيبو من الاخر.
ارخصم : هتدخل تلاقية على ايدك اليمين و مش هتحتاج تسأل,,
بكام يا عم السماعات قالى بـ 240 بلبل...طيب
رحت ل الارخص هتلاقية بعدية بشوية على ايدك الشمال ...بكام قالى بـ 260 ...طيب شاطر
رحت رجعت على ارخصم...
http://www.soundoftristate.com/media...sa6964r_1_.jpg
ركب يا عم السماعات ... اسمع صوت زنة...لـــــــــــــــــــ ــــــــــــــــــــــــ ــــــلا
و الواد بقوله اسمع كده الزنة دى....قالى يا عم احمد دى من السماعات حتى بص الصب الصينى اللى عندى شغال كويس عليهم اهم...يا باشا روح غيرهم او هاتهملى وانا اديك احسن منهم ...دول حتى فيتناميى ...انا عندى تايلاندى...
قلتله لا التايلندى معاتشى بينزل...قعدنا بقى يجرب و يعطف و يلطف ...قمت قلتلة خلاص قفل الحاجة و خلاص....
و طبعا مشكلة الزنة فى الصوت كانت بتعلى و انت ماشى لدرجة انه كانت بتيجى عليا ساعات بقول اطفى الكاسيت و اسمع صوت الماتور احسن يا عم......
بعد الفحص و المحص و التدقيق و استشارة لجان و لجان منبسقة..تبين الاتى..:
العيب يا معلم مش من السماعات دا العيب الكاسيت ...ليه بقى لان الكاسيت صنى و ضعيف و السماعات مش قاد يقومها صح..
لدرجة انى سألت واحد صاحبى خريج هندسة باور قالى ان : لكل كاسيت Output و خارجى الصوت . و السماعات لازم يتعملها Supply تتزود بقد معين من الطاقة اللى هتخرج من الكاسيت..
فلو الكاسيت الخارجى ( الاوت بوت) بتاعه اقل من انه يقوم السماعات و لو ب واحد واط يعمل زنة...
و ما عليها رحت الشهر اللى بعديها دبرت مبلغ الكاسيت و كان قدامى خيارات :
Sony gt 500 او الPioneer 1450
قالولى ان البايونير اقوى و انا اساسا محكوم بالفلوس و ثانيا كل اللى انا عاوزه راديو وفلاشة
طيب بكام يا عم ب 550 بلبل و الارخص كالعادة ب 580 بلبل طيب توكلت على الله
و جبت ال بايونير:
http://user.img.todaoferta.uol.com.b...bigPhoto_0.jpg
http://www.pakwheels.com/forums/atta...eh-145ub11.jpg
النتيجة:
الزنة راحت و الحمد لله
الصوت بقى انقى و اقوى و الحمد لله
طولت عليكم بس حبيت اشاركم باللى عملته و شكرا
احمد
