باركولى اشتريت النترا 2012 تركى طلبية خاصة فل اوبشن!

**ferrari1500** · 08-11-2012 08:19 PM

المشاركة الأصلية كتبت بواسطة mazher_m

بسم الله ما شاء الله

ربنا يخليك يا باشا

المشاركة الأصلية كتبت بواسطة sanhory

انت كده عملت الصصصححححححححح

نأمل من الله ان يكتبلى الصالح

المشاركة الأصلية كتبت بواسطة addams_2

100 100
لو التكيف مش اوى ركب في كول علي الزجاج

بس يا ريس التكييف الكترونى اقوى من العادى وحتى المروحة اكتر من 4 درجات بس للاسف مجربتوش ولو طلع فيه حاجة العربية ع الضمان وهما مسئوليين انهم دخلوها هنا ويبقى يومهم اسود لو مش مطابقة للمواصفات الخليجى لان الموضوع هنا مش هيعدى بالساهل مش عشانى بس عشان غيرى اللى هيشتكى وحماية المستهلك هنا الى حد ما افضل من مصر
والسيارة جاى معاها تظليل عازل مجانى nano خاص بهيونداى ولو لقيتو وحش هركب3m لانى كنت مركبه فى البرادو وكان تحفة اوفى كوول او جونسون

المشاركة الأصلية كتبت بواسطة dozo

ماشاء الله ربنا يباركلك فيها .
احسن حاجه انك تزود الف ريال يعنى 1600 ج و تاخد موتور 1800 بدل 1600 ده احنا عندنا دى شريحه و دى شريحه تانيه خاللللللللللللللللص صبرنا يا رب

طب وهنزلها مصر ازاى والفرق فى القوة مش كبير 130 حصان ل 148 مش فارقه لان بقية المواصفات واحد

المشاركة الأصلية كتبت بواسطة ayman_omer2007

الف مبروك وربنا يديك خير ويحميك من شرها

ربنا يخليك ويبارك فيك

المشاركة الأصلية كتبت بواسطة youssef.awad

الف مبروك مقدما وفى انتظار الصور ..
ودى الطبيعى لأنه عيب اوى لما تنزل عربية فى 2012 ولا 2013 بدون abs !!!
سواء ده كان فى مصر او السعودية مع الفارق طبعا فى الاسعار
ده هبور باشا بيجيب العربية متقلبة ويبيعها للناس الغلابة اللى مش عارفين اى حاجة ب145 الف واكتر كمان
حسبى الله ونعم الوكيل فى التوكيلات واللى بيعملوه فينا

فى الطريق يا زعيم

المشاركة الأصلية كتبت بواسطة zangry

الف مبرووك وسعرها كويس وتستاهل عشان ال 6 ايرباج وال esp

فعلا مواصفات الامان فى العربية دى هى اللى خلتنى انسى موضوع فتحة السقف وهيونداى بتستقل فعلا بالمنطقة العربية وشغل استخسار

**ferrari1500** · 08-11-2012 08:25 PM

المشاركة الأصلية كتبت بواسطة s o p h o s

ما شاء الله
مبروك يا باشا ..

الله يبارك فيك

المشاركة الأصلية كتبت بواسطة land_cruiser

ما شاء الله سعرها حلو و امكانياتها بس دى حاجه و البرادو حاجه تانيه خالص بالنسبه للفتره اللى هتركبها فيها فى السعودية يعنى لانى عارف انك مش هتعرف تدخلها مصر علشان الجمارك. بالنسبه بس للمواصفات الاوروبى ممتازه بالنسبه للأمان طبعا بس حضرتك شوف التكييف ايه نظامه يعنى زى الخليجى و لا اضعف علشان الحر

هو فعلا اللى بتقوله ده لغاية دلوقتى مخوفنى بعد اكتر من 5 سنين فوق وطلوع ارصفة واكل مطبات و145 الف كم مشى تغيير كبير انى ارجع اركب سيدان حتى لو الفئة السابعة بس الواحد ممكن يتعود وهى فترة اقل من 3 سنين وانزلها مصر او ابيعها هنا انشالله واجيب ساعتها حلم حياتى زيرو bmw x5 بس ابو الامراس يدينا عربية واحدة بدون جمارك هههههه

والمكيف هيبان مع التجربة وللاسف مجربتوش بس لما سالت قالولى ازاى هنجيبها وهى مش نفس المواصفات الخليجى لانها بتروح الاردن وتركيا والله اعلم ؟؟

**Land_Cruiser** · 08-11-2012 09:01 PM

المشاركة الأصلية كتبت بواسطة ferrari1500

الله يبارك فيك

هو فعلا اللى بتقوله ده لغاية دلوقتى مخوفنى بعد اكتر من 5 سنين فوق وطلوع ارصفة واكل مطبات و145 الف كم مشى تغيير كبير انى ارجع اركب سيدان حتى لو الفئة السابعة بس الواحد ممكن يتعود وهى فترة اقل من 3 سنين وانزلها مصر او ابيعها هنا انشالله واجيب ساعتها حلم حياتى زيرو bmw x5 بس ابو الامراس يدينا عربية واحدة بدون جمارك هههههه

والمكيف هيبان مع التجربة وللاسف مجربتوش بس لما سالت قالولى ازاى هنجيبها وهى مش نفس المواصفات الخليجى لانها بتروح الاردن وتركيا والله اعلم ؟؟

ربنا يباركلك فيها و يطلع كويس ان شاء الله. حكايه ازاى هنجيبها و هى مش نفس المواصفات الخليجى و الكلام ده حضرتك قعدت هناك فتره و اكيد عارف دماغهم عامله ازاى ونظام ابشر .. ابشر و ده اللى خلانى أقول لحضرتك أتأكد بنفسك فى المشاركه الاولى لأن العالم الطيبه دى الشمس أكلت دماغهم من زمان و ممكن يعملوا اى حاجه

**ferrari1500** · 08-11-2012 09:04 PM

المشاركة الأصلية كتبت بواسطة ferrari1500

تنبيه بمخالفة القاعدة رقم 6 بند أ
ممنوع الكتابة باللون الأحمر حيث أنه مخصص للمداخلات الإدارية
الرجاء مراجعة قوانين المنتدى
م ع 3

شكرا ع التصحيح .. وباعتذر لعدم معرفتى .

**ferrari1500** · 08-11-2012 09:13 PM

المشاركة الأصلية كتبت بواسطة land_cruiser

ربنا يباركلك فيها و يطلع كويس ان شاء الله. حكايه ازاى هنجيبها و هى مش نفس المواصفات الخليجى و الكلام ده حضرتك قعدت هناك فتره و اكيد عارف دماغهم عامله ازاى ونظام ابشر .. ابشر و ده اللى خلانى أقول لحضرتك أتأكد بنفسك فى المشاركه الاولى لأن العالم الطيبه دى الشمس أكلت دماغهم من زمان و ممكن يعملوا اى حاجه

عندك حق فعلا موضوع ابشر ده بس انا شاريها من مندوب مبيعات مصرى وتانى حاجة لو كنت جبتها من الحراج او معرض كنت هبقى خايف ومكنتش هجبها بس التجربة خير دليل وهديكوا تقرير بعد التجربة انشالله

**semsem5144** · 08-11-2012 09:13 PM

العربية تمام كماليتها حلوه بس 2012 يعنى ماتقدرش تنزلها مصر السنه الجمركية بتبدأ فى 1/10/2012
يعنى احنا دلوقتى فى نظر الجمارك 2013
استنى لما تنزل فى المعرض 2013 نفس المواصفات لو ناوي تنزلها مصر او شوف الفورد فوكس كان عليها عرض 54 الف ريال اول فئه والهاي لين 64 الف

**semsem5144** · 08-11-2012 09:23 PM

الجمارك للالنترا 2013 حوالى 75 الف جنيه اول سنه وكل سنه تنزل 5 الاف جنيه تقريبا

**ferrari1500** · 08-11-2012 09:28 PM

المشاركة الأصلية كتبت بواسطة semsem5144

العربية تمام كماليتها حلوه بس 2012 يعنى ماتقدرش تنزلها مصر السنه الجمركية بتبدأ فى 1/10/2012
يعنى احنا دلوقتى فى نظر الجمارك 2013
استنى لما تنزل فى المعرض 2013 نفس المواصفات لو ناوي تنزلها مصر او شوف الفورد فوكس كان عليها عرض 54 الف ريال اول فئه والهاي لين 64 الف

بص يا باشا انا سالت مخصوص قبل الشراء فى السفارة وواحد اعرفه فى الغرفة التجارية بجدة لانى كنت زيك فاكر كده
اول حاجة انسى السنة الجمركية دى خالص على جنب ماشى
تانى حاجة لازم تكون شارى العربية فى سنة موديلها يعنى بعد 31-12-2012 متقدرش تشترى عربية 2012 لانها ليست فى سنة موديلها
نرجع تانى بقى للسنة الجمركية دى ودى معموله للتخفيض الجمركى كل سنة يعنى بعدها تقدر تاخد تخفيض 10% او 5% على العربية اللى انت شاريها من اول السنة ابتداء من 1-1-2012
يعنى لو نزلتها قبل 1-10 هتكون مش واخدة تخفيض ولو بعدها هتاخد تخفيض طيب فى حالتى انا شاريها بعد 1-10 -2012 يعنى بعد التخفيض ما تفعل والسنة الجمركية بقيت 2013 اذا لو اشترتهاو نزلتها علطول بكره مصر هاخد تخفيض 10% والموضوع ده خد منى وقت ومجهود عشان اتاكد منه -فى حالة لو كنت اشتريت 2013 كنت هستنى لحد 1-10-2013 لغاية ما انا اخد تخفيض عليها فلقيت ان دى احسن اختيار فى الوقت ده
والله المستعان

**ferrari1500** · 08-11-2012 09:32 PM

المشاركة الأصلية كتبت بواسطة semsem5144

الجمارك للالنترا 2013 حوالى 75 الف جنيه اول سنه وكل سنه تنزل 5 الاف جنيه تقريبا

على كده تبقى فى اخر 2015 ب 60 الف تقريبا تبقى كويسة بس يارب متكونش ازيد من كده

**Youssef.Awad** · 08-11-2012 09:40 PM

المشاركة الأصلية كتبت بواسطة semsem5144

العربية تمام كماليتها حلوه بس 2012 يعنى ماتقدرش تنزلها مصر السنه الجمركية بتبدأ فى 1/10/2012
يعنى احنا دلوقتى فى نظر الجمارك 2013
استنى لما تنزل فى المعرض 2013 نفس المواصفات لو ناوي تنزلها مصر او شوف الفورد فوكس كان عليها عرض 54 الف ريال اول فئه والهاي لين 64 الف

لا يا باشا احب اوضح نقطة مهمة فى الموضوع ده ..
السنة الجمركية تبدأ من 1/10 من كل عام وتنتهى فى 30/9 من العام التالى .. أى انه بعد هذا التاريخ يمكن لأى شخص يدخل عربية لمصر ويحصل على خصم الجمارك حسب الشروط مع مراعاة المالك الاول
اما موديل العربية او تاريخ الشراء يشترط فقط ان يكون قبل 31/12 من العام نفسه

منعا للالتباس .. فى حالة العضو ferreri1500 هو شارى عربية موديل سنة 2012 ومالك اول وتاريخ الشراء قبل 31/12/2012 .. اى انه يحق له ان يدخل بيها مصر اعتبارا من تاريخ 1/10/2012 بتعريفة جمركية بعد خصم 10% مقابل عام واحد حتى ولو كانت عالزيرو
اما اذا اشترى مو2012 فى 1/1/2013 فلا يحق له ان ينزلها مصر لأنها غير موديل السنة ووقتها فقط يلزمه ان يشترى مو2013

المشاركة الأصلية كتبت بواسطة semsem5144

الجمارك للالنترا 2013 حوالى 75 الف جنيه اول سنه وكل سنه تنزل 5 الاف جنيه تقريبا

بغض النظر عن ال75000 ج اللى شايفهم كتير على عربية زى دى واعتقد انها المفروض تكون بحد اقصى 70000ج او 68 الف كمان
المفروض يبقى 7500ج كل سنة لأن الخصم 10% سنويا بحد اقصى 50% يعنى 5 سنوات تالية لتاريخ الشراء .