مقارنة مابين الانوس وبعض السيارات الي ركبتها

**mahmoud_anwar** · 08-11-2012 06:02 PM

المشاركة الأصلية كتبت بواسطة mohamed.fawzy

موضوع جميل يا باشا بس ينطبق على الدايو لانوس بس ..... لأن الشيفروليه لانوس و خصوصا موديلات 2011 و ما فوق ... مزبله السنين .... الله ينتقم منك يا منصور

واية السبب ؟ انا بصراحة مجربتش الشيفرولية
بس بصراحة الانوس مريحة وثابتة واهم من ده كلة قطع غيارها
والاهم والاهم وانتا بتبيع هتحط رجل علي رجل

**mahmoud_anwar** · 08-11-2012 06:06 PM

المشاركة الأصلية كتبت بواسطة lanos2004

موضوع جميل معايا عربيه لانوس ماشيه ٢٤٠ الف بعد ٥٠٠ الف علي الماتور القديم ولسه بتقفل العداد وعايشه

ربنا يحفظك
عربية والله محترمة جدآآآ وبنصح اي حد بيدور علي عربية بدل مايشتري عربية موديل قديم ومتبهدل
يفكر في الانوس ويفكة من نغمة الخواجة

**mahmoud_anwar** · 08-11-2012 06:09 PM

المشاركة الأصلية كتبت بواسطة lanos2004

والي بيتوقف تماما علي سرعه ٢٠٠
وقبل اما اعدل فرامل توقفت تماما مره علي سرعه ١٦٠ ومره علي سرعه ١٤٠ بس كان الكاوتش والتيل بيشيط صراحه لحد اما عدلت الفرامل وبقت ممتازه
انته كان عندل خلل في عفشه العربيه او الكاوتش او عيب طريق

انتا عدلت الفرامل بتعتك ؟
طيب ايه السبب وعدلتها بي فرامل انهي عربية ؟

**Mohamed.Fawzy** · 08-11-2012 06:33 PM

المشاركة الأصلية كتبت بواسطة wassof

واية السبب ؟ انا بصراحة مجربتش الشيفرولية
بس بصراحة الانوس مريحة وثابتة واهم من ده كلة قطع غيارها
والاهم والاهم وانتا بتبيع هتحط رجل علي رجل

هقولك على اللى شوفته بعينى فى موديل 2013 اللى نازله بزجاج فاميه

- تابلوه خامته اردأ ما يكون .... عامل زى البلاستيك بتاعه فوانيس رمضان و الزراير رديئه جدا و هوايات التكييف مصيبه سوداء

- التقفيل الداخلى و الخامات زى الزفت

- صوت الماتور عالى جدا عن الدايو

- كنترول العربيه و الضفيره بتاعتها متغيرين و الكنترول محططوط فى الصدر عكس الدايو تحت الكرسى الأمامى يمين

- دهان خارجى تحت بير السلم لدرجه انى شفت عيوب فى الدهان فى عربيه زيرو

- العربيه مش معزوله من تحت

- الماتور من مصنع فى الصين و بيقولوا تبع جينيرال موتورز و بينتج لحسابه و الله اعلم ... عكس مواتير الدايو مكنش ليها علاقه بالصين خالص كانت بتيجى من بولندا على ما اتذكر

- طنابير مصرى زباله الزباله

- تغيير بلف ال egr بواحد بيقولوا كهربائى بدل الميكانيكى ... معرفش اذا كان ده حلو ولا ,,, وحش انا بقوله من بابا الأختلافات اللى شفتها

- تقفيل الأكصدامات ... دى بقى وقفت تنحت و الله و انا ببص عليها ... افتح الشنطه و شوف تقفيل الأكصدام الخلفى عامل ازاى ... كأنك لسه خارج من حادثه بالظبط و عاملها عند السمكرى ... الأكصدام الخلفى مربوط بمسامير شك فضى لامعه و الأكصدام مخروم بالمسامير ... يعنى مكنش ليها مكان فى الأكصدام

ده من ملاحظاتى الشخصيه وما خفى كان اعظم .... شفا ليع بقى انا بدعى على منصور ..

انا كنت بحب العربيه دى لدرجه انا لما اتقلبت بيها فكرت اجيبها تانى .... تخيل .... و لما شفتها فى المعرض اتصدمت تحس انك واقف ادام مسخ

**lanos2004** · 08-11-2012 07:10 PM

المشاركة الأصلية كتبت بواسطة wassof

انتا عدلت الفرامل بتعتك ؟
طيب ايه السبب وعدلتها بي فرامل انهي عربية ؟

سبب التعديل ان ماتوري ١٥٠٠ اتنين كامه وقوي بزياده
انا معظم وقتي صحراوي وبجري بسرعات عاليه ولازم فرامل تكون قويه
تعديل خلفي -بفرامل اوبل فكترا ٢٠٠٠ سي سي سكاكين
وامامي بتاعت لانوس ١٦٠٠ سي سي طنابير اكبر وتيل اكبر بس لازم جنط ١٤ علي الاقل

**abogogo** · 08-11-2012 07:16 PM

اللانوس تعتبر من العربيات اللى حلت محل 128 في مصر عربية بتقضي الغرض وعلى الراغم ان موتورها 1500 انا جبت بيها 180 على السخنة وكانت محملة والحمد لله ماكنش فيه مشكلة ومرة جيت من السخنة للقاهرة للساحل الشمالي ثم للأسكندرية ثم القاهرة في يوم واحد خبط ...!!! وكانت زي الفل معايا ... بس مع احترامي لصاحب الموضوع الالماني شيئ تاني في كل حاجه من خامات وتقفيل وماكينات يعني بستغرب لما ألاقي عربية بي ام موديل ثماننيات او مرسيدس وتلاقيها شدة حيلها غير عربيات تانية موديل ألفينات وتركبها تلاقيها بتزيق " كنبة " أنا بحترم الصناعة الالماني لأنها متقنة في ادق التفاصيل واتمنى ان أشوف صناعة بلدي زيها في يوم من الايام .. وتقبل تحياتي ...

**lanos2004** · 08-11-2012 07:22 PM

المشاركة الأصلية كتبت بواسطة abogogo

اللانوس تعتبر من العربيات اللى حلت محل 128 في مصر عربية بتقضي الغرض وعلى الراغم ان موتورها 1500 انا جبت بيها 180 على السخنة وكانت محملة والحمد لله ماكنش فيه مشكلة ومرة جيت من السخنة للقاهرة للساحل الشمالي ثم للأسكندرية ثم القاهرة في يوم واحد خبط ...!!! وكانت زي الفل معايا ... بس مع احترامي لصاحب الموضوع الالماني شيئ تاني في كل حاجه من خامات وتقفيل وماكينات يعني بستغرب لما ألاقي عربية بي ام موديل ثماننيات او مرسيدس وتلاقيها شدة حيلها غير عربيات تانية موديل ألفينات وتركبها تلاقيها بتزيق " كنبة " أنا بحترم الصناعة الالماني لأنها متقنة في ادق التفاصيل واتمنى ان أشوف صناعة بلدي زيها في يوم من الايام .. وتقبل تحياتي ...

اي عربيه ممكن تزيق واحد صحبي معاه مرسيدس موديل ٢٠٠٣ وبتزيق
وبعدين التزييق مسلي وبينبهك للطريق

**mahmoud_anwar** · 08-11-2012 07:45 PM

المشاركة الأصلية كتبت بواسطة mohamed.fawzy

هقولك على اللى شوفته بعينى فى موديل 2013 اللى نازله بزجاج فاميه

- تابلوه خامته اردأ ما يكون .... عامل زى البلاستيك بتاعه فوانيس رمضان و الزراير رديئه جدا و هوايات التكييف مصيبه سوداء

- التقفيل الداخلى و الخامات زى الزفت

- صوت الماتور عالى جدا عن الدايو

- كنترول العربيه و الضفيره بتاعتها متغيرين و الكنترول محططوط فى الصدر عكس الدايو تحت الكرسى الأمامى يمين

- دهان خارجى تحت بير السلم لدرجه انى شفت عيوب فى الدهان فى عربيه زيرو

- العربيه مش معزوله من تحت

- الماتور من مصنع فى الصين و بيقولوا تبع جينيرال موتورز و بينتج لحسابه و الله اعلم ... عكس مواتير الدايو مكنش ليها علاقه بالصين خالص كانت بتيجى من بولندا على ما اتذكر

- طنابير مصرى زباله الزباله

- تغيير بلف ال egr بواحد بيقولوا كهربائى بدل الميكانيكى ... معرفش اذا كان ده حلو ولا ,,, وحش انا بقوله من بابا الأختلافات اللى شفتها

- تقفيل الأكصدامات ... دى بقى وقفت تنحت و الله و انا ببص عليها ... افتح الشنطه و شوف تقفيل الأكصدام الخلفى عامل ازاى ... كأنك لسه خارج من حادثه بالظبط و عاملها عند السمكرى ... الأكصدام الخلفى مربوط بمسامير شك فضى لامعه و الأكصدام مخروم بالمسامير ... يعنى مكنش ليها مكان فى الأكصدام

ده من ملاحظاتى الشخصيه وما خفى كان اعظم .... شفا ليع بقى انا بدعى على منصور ..

انا كنت بحب العربيه دى لدرجه انا لما اتقلبت بيها فكرت اجيبها تانى .... تخيل .... و لما شفتها فى المعرض اتصدمت تحس انك واقف ادام مسخ

ياة دي علي كدة رديئة جدآآآآآآ
ياة انتا اتقلبت بي العربية ياستر يارب احمد ربنا انك سليم ومعلش مش مهم الصاج اهم شيئ انك بخير
الي اتقلبت بيها كانت شيفروليه ولا دايو وايه السبب

**mahmoud_anwar** · 08-11-2012 07:51 PM

المشاركة الأصلية كتبت بواسطة lanos2004

سبب التعديل ان ماتوري ١٥٠٠ اتنين كامه وقوي بزياده
انا معظم وقتي صحراوي وبجري بسرعات عاليه ولازم فرامل تكون قويه
تعديل خلفي -بفرامل اوبل فكترا ٢٠٠٠ سي سي سكاكين
وامامي بتاعت لانوس ١٦٠٠ سي سي طنابير اكبر وتيل اكبر بس لازم جنط ١٤ علي الاقل

ادة انتا مسقط ماتور بقا لي ان الانوس واحد كامة فا انتا شكلك مسقط ماتور النوبيرا وان صح
طيب هو في لانوس 1600 ولا تقدص طنابير النوبيرا 2 ؟؟
عمومآ عملتهم ازاي واشتريتهم بكام والمصنعيه كام والتجربة ايه مع الضغط في السرعات هل الاربع عجلت بيمسكة مع بعض ولا في عجل بيمسك قبل الاخر ؟؟
واشتريت طنابير الاوبل انهي ال95 ولا 2000 ولا ايه وهل رحت لخراط ولا ركبت علي طول عادي ؟؟؟
ياريت تفدنا بي قصتك

**mahmoud_anwar** · 08-11-2012 07:57 PM

المشاركة الأصلية كتبت بواسطة abogogo

اللانوس تعتبر من العربيات اللى حلت محل 128 في مصر عربية بتقضي الغرض وعلى الراغم ان موتورها 1500 انا جبت بيها 180 على السخنة وكانت محملة والحمد لله ماكنش فيه مشكلة ومرة جيت من السخنة للقاهرة للساحل الشمالي ثم للأسكندرية ثم القاهرة في يوم واحد خبط ...!!! وكانت زي الفل معايا ... بس مع احترامي لصاحب الموضوع الالماني شيئ تاني في كل حاجه من خامات وتقفيل وماكينات يعني بستغرب لما ألاقي عربية بي ام موديل ثماننيات او مرسيدس وتلاقيها شدة حيلها غير عربيات تانية موديل ألفينات وتركبها تلاقيها بتزيق " كنبة " أنا بحترم الصناعة الالماني لأنها متقنة في ادق التفاصيل واتمنى ان أشوف صناعة بلدي زيها في يوم من الايام .. وتقبل تحياتي ...

ياباشا انا ابقا دماغي فيها حاجة لو قولت ان الدايو افضل من الالماني
انا بقول انها افضل من موديلات قديمة لها سمعتها بسبب ان الزمن هلكها
وعمرها الافتراضي انتها عكس لسة طفل مولود بي صحتة
وكمان اغلبية العربيات الي ذكرتها بتنزل بي مواتير كربراتير معادة الاوبل ال95
ونادر انك تلقي منهم عربيات نظيفة
اما بي النسبة انك تقارن الدايو بي 128 فا ده ملهوش غير مقارنة وحدة وهيا ان قطع غيارها بنفس ثمن قطع غيار ال128 ام كنت تقصد ان الاداء واحد فا ممكن يكون عربيه حضرتك هلكانه او ان حضرتك نزلت من باسات او بي ام دبليو موديل 2000 لي انك تركب دايو وفي الحاله دي سعتها هيكون معاك حق