الموضوع: مقارنة مابين الانوس وبعض السيارات الي ركبتها

المشاركة الأصلية كتبت بواسطة jemy_tnt

مش كل ااقطع غاليا و مش كلو رخيص انما عاوز اعرف ماف ايه اللى ب 400 ده اللى اعرفه عن الماف انو استيراد بيعمل حوالى الف و الجديد التركى و لا مش فاكر صناعته ايه بيعمل 1200 و الاصلى تقريبا 2000
اما قطع الغيار مش فاكر بالظبط حاجاتها لانى بايعها من سنه و مش فاكر بصراحه الاسعار
اما عن موضوع الفتيس الاوتوماتك ب 2500 و ساعات ب 3000 بس بيعيش سنين و بالاستخدام الغبى مش احترام على الاقل مش زى فتيس الدايو اه ب 1500 جنيه بس كل اللى بسمعه عنه انو بيبوظ بسرعه
اما عن موضوع انها سخنت معاك برضو عيب عربيه فيها حاجه بتخر ميه و اى عربيه طبيعى مفهاش ميه هتسخن و انو الدايو فيها ميه قليله و برضو المؤشر على النص دى اكتر حاجه بتقلقنى من الكورى كله و انا واحد صحبى قبل كده بلانوس عربيه جابت وش سلندر بسبب الحراره خرطوم ميه اتقطع و مؤشر الحراره عادى جدا على النص و مجرد مطلع فوق النص راح طفى العربيه و سابها تبرد و بيبص على الزيت لقاه بقا طحينى يا ترى ممكن عربيه على عداد الحراره سخنت لمده دقيقه تجيب وش سلندر و لا عداد الحرار بيطلع متاخر على الاقل الاوبل و دى انا شايفها ميزه كويسه فيها انها بتقيس بالحراره الفعليه اى كانت مش زى الكورى كله لو الحراره زادت عن حد معين يبتدى المؤشر يتحرك من النص
تاما عن البارومه اول مره اسمع الكلام ده انا كانت معايا موديل 94 و مش رشه ولا بره و لا جوه و مكنش فيها اى اثر لبارومه نهائى و ولا اى حاجه معموله
انا بالنسبه ليا العيب الوحيد للاوبل و ده اللى خلانى ابيعها انى مش من القاهره و الاوبل محتاجه حد فاهم فيها مش اى ميكانيكى و السلام و ده اللى مش موجود عندى و خلانى اضطر ابيع العربيه
اما عن موضوع انها متجبش 35 ادخل على قسم الاوبل فى المنتدى و شوف النضيف بيعمل كام مش تبقى اوبل طالع عينها و تقولى اهى ب 35 انا بتكلم على النضيف زى مبردو فى دايو بتعمل 30 و ساعات اقل كلو على حسب الحاله

صح صح الماف بي السعر الي حضرتك قولتة فعلآ معاك حق اصل الواحد من كتر قرفها فا نساها
لكن قطع غيارها ناااااااااااااااااااااااا اااااااااااااااار
اما بخصوص سعر الفتيس بتاع الدايو 1500 ازاي تقصد المانيول ولا الاتو ماتيك
ولو تقصد المانيول ياراجل حرام عليك يبقا انزل اسئل عليه جديد عامل كام واستراد عامل كام
انا قبل ما اشتري الدايو
اما بي خصوص سخونة الدايو علشان اعرفك ان امبير الحرارة شغال انا واحد من الناس مابحبش اسخن العربية غير دقيقة او اكتر بحجات بسيطة فابتكون الدايو المؤشر بتع الحرارة تحت تيجي تمشي بيها تلقي سحبها وحش جدآآآ لكن اول ما امبير الحرارة يجي قبل النص العربية بتلقيها سحبها كويس وتمام التمام مش مخنوقة عارف الدايو لو مؤشر الحرارة عدي بس النص بي شرطة يبقا العربية دي فيها عيب في الماتور ولا في اي حاجة مش مظبوطة فيها
اما الاوبل فا اسئل عليها اي ميكانيكي بتاع اوبل اسئل اي واحد ماشي في الشارع قولة الاوبل يقولك موشكلتها انها بتسخن معروفة ان الاوبل بتسخن دي مش حالة فردية دي مشكلة الابل لي انها زي ماتقول كده وده تخمين من دماغي كنت نزلة باين عليها لي دول عندها تلج مش نزلة لي مصر وحرارة مصر وكدة

انا عاوز اعرف منك معلومه هتفرق معايا كتير هى البى ام الى كنت راكبها كانت استوك ولا لا ولو استوك ايه السرعات الى كانت بتجبها لان انا ركبت بى ام زيها كانت استوك وبجيب 120 ويكون الموتر صوته مزعج جدا وكانه هينفجر وبالنسبه للطلعه فى الاول فهيا بطيئه جدا

المشاركة الأصلية كتبت بواسطة jemy_tnt

مانا بقولك مش كل قطع الغيار يعنى مثلا من الحاجات اللى كنت جبتها فى السنه اللى قعدتها معايا
علبه الدركسيون من 250 ل 300 بتاعه الدايو لانى كنت سالت عليها لانها تركب للاوبل ب 350
المساعدين استيراد جايب للاوبل الواحد ب 75 و لغايه مبعتها بعدها باربع شهور كانو زى الفل انما اللانوس كانو الواحد ب 150 و بردو سالت عليه لانو ينفع يركب للاوبل
اما فتيس الدايو انا مسالتش على تمنه انما سمعت تمنه هنا على المنتدى قبل كده فى اكتر من موضوع و فى منتديات تانى و بتكلم على الاوتوماتك
الاوبل اسال ليه مانا كانت معايا و عارفها المشكله فى ثقافه الناس اللى بتعتبر انو حراره 95 و لا 98 دى كارثه و انو العربيه هتولع درجه حراره الاحتراق الطبيعى للاوبل 92 و لغايه 95 عادى و بالتكيف 98 بردو عادى يا باشا ترموستات المراوح بتاع الاوبل اللى بيتباع فى منصور لما اشتريته بيشغل السرعه الاولى على حراره 95 و تطفى على 90 و السرعه التانيه تشتغل على 100 و تفصل على 95 فزى مبقولك الاوبل لو مظبوطه دوره المياه بتاعتها صح و ده للاسف نادر بسبب جهل الصنايعيه هتبقى تمام و مفيش سخونه

طيب ليه سخنت بيا مدام ده طبيعي ؟؟؟؟؟؟؟؟؟؟؟؟؟؟؟؟؟؟؟؟
عمومآ كل واحد شايف ايه المناسب ليه وبيشترية
وانا واثق من كل كلمة قولته في حق الاوبل

المشاركة الأصلية كتبت بواسطة faroukzen

انا عاوز اعرف منك معلومه هتفرق معايا كتير هى البى ام الى كنت راكبها كانت استوك ولا لا ولو استوك ايه السرعات الى كانت بتجبها لان انا ركبت بى ام زيها كانت استوك وبجيب 120 ويكون الموتر صوته مزعج جدا وكانه هينفجر وبالنسبه للطلعه فى الاول فهيا بطيئه جدا

العربيه البي ام الي كنت معايه الله يرحمها

مكنتش ليه اخت في دواخلها بجد وكنت كل حاجة الاصل بتعها
وكان ماتورها وهيا 4 غيار انا كنت بجيب بيها علي 3 بس 140
عربيه سحبها جبار
ممكن يكون الكربراتير عندك عايز يتنظف ممكن تبقا تغير البوجيهات وسلك البوجيهات
ممكن الكرونة عندك فيها مشكلة ممكن الماتور جايب اخرة
عمومآ انتا ممكن تشيل ماتورها وتشتري ماتور استراد انجكشن مش هيكلفك بي فتيسة بي الضفيرة
بي الكنترولات بتاعتة 4000 الف جنية وتشتري معاة طرمبة البنزين بتاعة علشان وهاتة نفس سعة الماتور
يعني الي معاك لو 1600 او 1800 او 2000 او 320 او 2500 هات برضة نفس سعة ماتورك القديم علشان متعدلش كتير

المشاركة الأصلية كتبت بواسطة jemy_tnt

سخنت عشان انت فى كلامك قلت انو ملقتش فيها ميه و ده بسبب انو فى تسريب فى دوره الميا فبيخلى الميه تتكب و التسريب بردو بيهرب الضغط بتاع دوره الميه و ده بردو يسخنها يعنى اللى حصل معاك مش عيب معروف للاوبل ولا حاجه ده عيب العربيه اللى معاك كانت محتاجه شويه تظبيط
و فعلا عندك حق كل واحد بيشوف المناسب ليه و كل واحد و ليه رايه و اتمنى انك متكونش اضايقت منى بسبب مناقشتى لانى الاختلاف فى الراى لا يفسد للود قضيه
و سعيد بالمناقشه معاك يا باشا

لا طبعآ انا مقدرش اضايق منك انتا اخ عزيز
وتغور العربية ال تزعل الاصحاب من بعض بس هيا الفكرة عبارة عن طرح ايه الميزة الي لقيتها في دي وملقتهاش في الاخيرة كدة
بس مقولتليش انتا دلوقتي راكب ايه اوبل برضة ولا غيرت رائيك