الموضوع: مشكله لمبه البطاريه

[IMG]file:///C:/DOCUME%7E1/sakr1964/LOCALS%7E1/Temp/msohtmlclip1/01/clip_image002.gif[/IMG]السلام عليكم و رحمه الله و بركاته،
أولا أحب أن أحيى جميع القائمين على المنتدى و الأخوه العباقرة المشاركين فيه و الذين عن جد أستفدت كثيراً من مشاركاتهم و نصائحهم،

اولا انا باشكرك على المجاملة الطيف ولتعلم اننا فى الخدمة ابتغاء وجه الله وحده....


ثانيه أحب أدخل فى الموضوع علشان ما أطولش عليكم[IMG]file:///C:/DOCUME%7E1/sakr1964/LOCALS%7E1/Temp/msohtmlclip1/01/clip_image003.gif[/IMG]، عندى مشكله فى سيارتى اللى هى سكودا فيليشيا موديل 96 lx من بعد ما قمت بشرائها بأسبوع (شهر9 اللى فات)،

الف مبروك وهى كدا العربية اول ما تشتريها بتتعب شويه على لما تولف على صاحبها الجديد....

-لمبه البطاريه أول ما العربيه بتدور بتفضل منورة لما بزود بنزين بتطفى و يبقى كله تمام و أنا بسخن، لما أبتدى أمشى و أنقل السرعات بتفضل ترعش لما أشيل رجلى من على البنزين و لما أزود بنزين بتروح، لما أبتدى أهدى أو أدوس على الدبرياج بتنور و تفضل ثابته على كدة لحد ما أدوس بنزين تانى، و ساعات السيارة بتبطل و أنا ماشى سلنسيه (رافع رجلى من على البنزين و دايس دبرياج) مع العلم إنى فى أخر شهر 9 مغير فلتر هواء- فلتر بنزين - بوجيهات - تم تنظيف الكربراتير عند الميكانيكى.

مشكلة لمبة البطارية وموضعك دا حصلى كتير وبعد البحث وجدت ان السلك المسئول عن اطفاء اللمبة الواصل من الدينمو الى سوكت اللمبة فى الطابلوه لونه ازرق بص كد ا فى الدينمو من تحت حتلاقية بيركب برزته حتلاقية ملخلخ احكم تركيبة والموضع سينتهى بامر الله....

-السيارة الفول تانك بتاعها بيعمل معايا من 290 كم الى 330 كم و من خلال متابعتى للأخوة الأفاضل فى المنتدى العظيم بيتهيألى إن معدل الإستهلاك عالى حبتين خصوصا إن مشوار يوميا تقريباً 84 كم على طريق الأتوستوراد من مدينه 15 مايو إلى مصر الجديدة و العكس.

استهلاك معقول ....


- أخر مرة كنت بغير زيت للسيارة قمت بتغيير زيت الفتيس بالمرة، حتى الصنايعى قالى ده جديد عاوز تغيره ليه قلتله الغيار الأول بيعض و الثانى كمان إبتدى يعض قالى يبقى العيب من بليه الدبرياج حاول تشوف ميكانيكى ، فا يا ترى كلامه مظبوط؟

عن قريب غير الديسك زاسطوانه وكمان بلية الدبرياج بس شويه لما تفرج عليك * ولا داعى لقلق ....


- برضو أنا حاسس إن صوت السيارة عالى شويه تقريباً يشبه صوت الادا فيا ترى ده من إيه؟ و يتم معالجته إزاى؟

راجع على مسامير الشكمان واكشف علية ممكن يكون فية شرخ او اى حاجة.... اما لو كانت خروشه يبقى سير الكاتينة ودا شائع فى الفليشيات وليس منه اى قلق اتعود عليها....*

- تقريباً أنا عندى نفس الملاحظات اللى عند كل مالكى الفيليشيا و هى ضعف نور التابلوة، مؤشر البنزين بيقرأ بس لحد ال3/4 و أنا بصراحه مش واثق فى قرائته لحد قبل اللمبه ما تنور "بس هو بيوهمنى أنه شغال تمام" ، بس أنا عندى عداد السرعه بيشتغل بمزاجه و يبطل بمزاجه بس بيقراء السرعه تقريباً مظبوط على حد علمى.


برضو ربط على واير السرعة اللى واصل من الفتيس الى التابلوة ممكن يكون ملخلخ برضو....

معلش يا جماعه لو كانت النقاط غير مرتبه ترتيب مريح بس أنا بكتبلكم و أنا فى الشغل و كل ما أفتكر حاجه بأكتبها و معلش لأنى فعلاً دى أول سيارة أركبها فى مصر لأنى كنت فى الخارج لفترة طويله و كان معى سيارة هندا سيفيك و بصراحه كان حتى تغيير الزيت فى التوكيل و كانت مريحه جداً لأبعد الحدود لدرجه إنى كنت حاسس إنها من الأسرة و بتعاملنى بمنتى اللطف زى ما أنا كنت بعاملها:b4_095:.

فى إنتظار رد الأخوة الكرام و دمتم بود.
أحمد حسن