4 مرفق
مطلوب اسكترا للشاريد 94 ضرورى جدا جدا
السلام عليكم ورحمة الله وبركاته
تحية طيبة لكل اعضاء المنتدى والمشرفين
فعلا موقع اكثر من رائع ومن فترة وانا متابع معاه من قبل اعادة فتح المنتدى فعلا موقع يستحق الزيارة واتمنى له النجاح واتمنى ان تتقبلونى معكم ضيف خفيف عليكم
لا اطيل عليكم
للاسف عندى الاسكترا بتاعة ال g200 شاريد موديل 94ال3 سلندر 993 cc مبوشة جدا ومش نافع معاها ولا حشو ولا حاجة لدرجة لما ادوس فرامل حتى العجل يلعب وتحس انك مش قادر تمسك الدريكسيون من كتر الهز
المهم محتاج الاسكترا دى ضرورى ومش لاقيها خالص ولا فى بور سعيد ولا فى اسكندرية لفيت عليها على كل المحلات وافتكر جيت القاهرة فى الحرفيين اعتقد ولم اجدها ولا جديدة ولا مستعملة
هل حد يقدر يسأل عليها ولو لاقاها سعرها كام واكون شاكر جدا له
واتمنى ان كان مكان مضمون الاقى فيه حاجات البدى والزجاج اللى ورا لانه مكسور وبرضوا لفيت عليه وركبت واحد كده اى كلام مش بتاعها بس نعمل ايه احسن من مفيش
وكمان ان كان فى مكانيكى كويس بيفهم حلو حد يعرفه فى الاسكندرية
لانه عندى اكتر من عيب
الاول ان العربية بتسخن والمؤشر يوصل للنص او اعلى شوية مع ان بتاع الرداتير قالى كده عالية اوى وفى خطر كبير على وش السلندر
ده حاجة
تانى حاجة
العجل اللى قدام افش لما ادوس فرامل وساعات يفك وساعات كتير يفضل ماسك لدرجة انى لما انزل اشم ريحة شياط فظيعة من العجل وبيكون مولع نار الجنت
روحت ل 3 مكانيكية
الاول غير التيل
التانى قالى الاول مش بيفهم وغير الخراطيم
التالت قالى الاول والتانى مش بيفهموا وهيا بس محتاجة طقم اصلاح وبرضوا للاسف لم تحل المشكلة
دلوقتى مفيش قدامى الا الماستر وواحد قالى ممكن تغيير البساتم كمان اللى قدام اكيد هيا السبب
كمان لو حد يعرف نوع زيت الجير - لانى اسمع منه ونه كده فى الخامس والتانى
كمان افضل زيت للماتور
كمان اخر حاجة زيت كمبروسر التكييف لانى غيرت الكمبروسر وللاسف ما فيه اى زيت ولا اعرف نوعه
عندى الكثير من الاسئلة لاكن لا اطيل عليكم اكثر من كده
واتمنى الاهتمام حيث اننى محتاج الاسكترا دى ضرورى لان للاسسف مش لاقيها
ولو حد معاه رقم لحد بتاع قطع غيار يبقى كمان تمام
ولو حد يعرف طريق للاسبيلور اللى فى صورة الشنطة ده يبقى عمل معايا واجب خصوصا انى مدخلها بوية دلوقتى اجيبه قبل ما الراجل يخلص
تحياتى لكم
سأضيف صورة للعربية
شكرا جزيلا
