الموضوع: انا والمؤشر والمروحة

اسمحلي الي بتعملو دا انتحار للمتور ازاي المؤشر يبقي بايظ والعادي بتاعو انو علي اخر الاحمر طيب افرد الموقف الي حصل معاك دا ومخدتش بالك ومشيت بالعربية لفترة اقل الاضرار العربية كانت هتجيب جوان وش سلندر وممكن المتور كلو يبوظ
الافضل تظبطها لان دا تاني اهم شيء في العربية بعد لمبة الزيت
غير صباع الحرارة وهات واحد ايطالي يكون بتاع 128 علشان يشتغل بدري شوية ويريح المتور
في اسماء ميكانيكية كتير في المنتدي بس انصحك لوجة الله تعالا ودا من وجهة نظري الشخصية باحمد فرج في جسر السويس امين وشاطر
والله الموفق

المشاركة الأصلية كتبت بواسطة egytamer

اسمحلي الي بتعملو دا انتحار للمتور ازاي المؤشر يبقي بايظ والعادي بتاعو انو علي اخر الاحمر طيب افرد الموقف الي حصل معاك دا ومخدتش بالك ومشيت بالعربية لفترة اقل الاضرار العربية كانت هتجيب جوان وش سلندر وممكن المتور كلو يبوظ
الافضل تظبطها لان دا تاني اهم شيء في العربية بعد لمبة الزيت
غير صباع الحرارة وهات واحد ايطالي يكون بتاع 128 علشان يشتغل بدري شوية ويريح المتور
في اسماء ميكانيكية كتير في المنتدي بس انصحك لوجة الله تعالا ودا من وجهة نظري الشخصية باحمد فرج في جسر السويس امين وشاطر
والله الموفق

والله يا باشا مش عارف اظبط موضوع المؤشر دة وكنت بدور على حد يكون شغال فى العدادات يشوف الموضوع دة والحمد لله الاخوة فى المنتدى وصفولى واحد فى شارع احمد سعيد هروحلة بكرة الصبح ان شاء الله

هو صباع الحرارة اللى حضرتك تقصدة بتاع المؤشر ولا بتاع المروحة ؟
انا عندى ثيرموستات المروحة بتاع ال128

ومكان الميكانيكى فين يا باشا بالظبط فى جسر السويس وياريت برضوا معلش توصفلى حد كويس اجيب منة قطع غيار محترمة

اولا الاخ صاحب الموضوع انت محتاج تظبط الموتور اكتر من العربية و هنا لنا وقفة
كون الموتور بيسخن لحد الاحمر في الطرق السريعة كدة ممكن يكون فيه مشكلة في الجوان او التكيهات او طلمبة المياه
موضوع المروحة الكبيرة ده كويس بس برده لازم تتاكد من جودة الريدياتير
طيب انا محتاج منك شوية اختبارات للعربية
اولا دور العربية و سيبها تسخن و شوف المروحة هاتشتغل فين بالظبط و بعد وقت قد ايه
المفروض المروحة مع الترموستات الي انت جايبة ( بتاع 128 68-82) تشتغل بعد حوالى 10 دقائق و المؤشر عند اخر حرف الـ r و تطفي بسرعة بعد نص دقيقة و المؤشر عند اول الـ o
لو ده محصلش يبقي تغير صباع الحرارة بواحد اصلى يفضل من التوكيل او بدروسيان او يافا و هاتلاقي في المواضيع المثبتة عناوين الناس ديه و اماكنها
لو مظبطش صباع الحرارة يبقي انت محتاج تروح لميكانيكي ( طبعا متخصص فورد ) علشان يشوف معاك المشكلة فين

انا بدور العربية اسيبها تسخن لوحدها سلانسية المروحة بتشتغل قبل المنطقة الحمرا على طول وبتوصل للمكان دة فى حوالى 10 دقائق فعلا وبعد كدة المروحة تشتغيل وتطفى عند اخر حرف الa

روحت امبارح قلت اغير صباع الحرارة قبل ما اروح لحد يشوفلى المؤشر
سالت على صباع الحرارة عند واحد اسمة عابد فى الجراج فى جسر السويس قالى الاصلى 150 جنية والاسبانى 85 جنية والتركى 25 ومش مضون انة يكون شغال
فقولت استنى شوية لما افضى هاخد صباع حرارة وسعة المروحة من عربية واحد صحبي واجربهم عندى واعرف المشكلة فين فيهم علشان لما اغير حاجة مكونش برمى فلوس على الارض وخلاص

يوم الخميس غسلت الدورة بس حطيت مياة من الحنفية كرضتش احط مياة خضرا غير لما احل المشكلة اللى عندى الاول بدل ما احط مياة خضرا وارجع افك الدنيا والمياة تنزل على الارض

وبخصوص موضوع المروحة مشتغلتش فواضح كدة انها عين محترمة لان العربية بقت بتعمل حاجات غريبة جدا المروحة مشتغتلش بسبب ان الفيشة اللى راكبة فى المروحة اتفكت من غير ما حد يجى جنبها وهى كمان ليها تكة كدة فاستحالة تفك من نفسها المهم ركبتها والدنيا اتظبطت اخدت العربية وخرجت بليل لقيت سخنة العربية مش طبيعية والعربية بتسخن وديها لواحد غسل الدورة وظبط الدنيا لقينا المكان اللى راكب فية الخرطوم فى القربة مسدود بطريقة غريبة سلكة والحمد لله سخنة العربية رجعت معقولة تانى

المشاركة الأصلية كتبت بواسطة olver

طيب لو عايز تتاكد من صباع الحراره بدون ما تبدل الصباع و لا اى حاجه بسيطه لو عندك افو (voltmeter ) وصل الموجب بالطرف الموجب للصباع و السالب بالسالب بتاع الصباع او بجسم العربيه و خلى العربيه تبقى سخنه و المروحه شغاله يعنى المفروض الحراره تكون 90 سعتها بطل العربيه و بعد كده ادى تكه كونتاكت و شوف الحراره عندك كام سعتها المفروض الافو المفروض يكون مدى قرايه 2-3 فولت اكتر من كده يبقى بايظ و المفروض كل ما الحراره تقل الفولت يقل معاك لو ده حصل زى ما بقول يبقى عندك مشكله فى كنترول العربيه انو يحول ال signal الفولت بتاعت الصباع لحركه الموشر

اية الشغل العالى دة يا باشا
انا كنت ناوى اعمل الشغل دة بس كنت مكسل بصراحة علشان كنت عايز اشترى تروميتر وكمان عايز اشترى افو
واخد الصباع واطلع البيت اغلى مياة واحط الصباع فيها وبعد كدة اقيس بالفو واشوف القراية كام
وسؤال بسيط ياباشا اتعلمت الشغل دة فين :)