السلام عليكم
ارجو تقيم حديث للسياره وهل فيها عيوب وهل قطع غيارها متوفره جوه التوكيل وبره.
وياترى الناس رأيها ايه فى الموديل ده بالذات ياتره بيحبوه زى الموديلات القديمه ولا لأ وليه مش بشوفه كتير.
لأن انا معروض عليا هوندا سيفك 2005خليجى جميع الكماليات بالاضافه الى فتحه سقف و2 ايرباج و abs عداد 100000 كم فابريكه بره وجوه بدون خبطات رشه اكصامين فقط. ومطلوب فيها 80000 ج وصاحبها مصمم على السعر ، هل السعر حلو كده ولا لأ.
وايه اللى ممكن اكشف عليه وانا بشترى.
شكرا
اقتباس:
المشاركة الأصلية كتبت بواسطة super_desperado
وعليكم السلام ورحمة الله شوف الموضوع ده
http://www.nilemotors.net/Nile/50041-2005.html
العربية جميلة وممتازة خصوصاً موديلات الفيس ليفت 2004 - 2005 ومافيهاش مشاكل لكن عيبها قطع غيارها غالية شوية وملهاش في التعديلات وتسقيط المواتير تقريباً، لو شاب اللى هيركبها يبقى الموديلات الأقدم أفضل زى الجيل الخامس والسادس انما لو لعائلة يبقى دى احسن بالنسبة للسعر مناسب للحالة والعداد ولو عرفت تنزل ألف أو اتنين يبقى ممتاز المهم تكون العربية مش محتاجه مصاريف يعنى هتشترى وتركب واخرك تعمل صيانات السرفيس
ويفضل تحجز وتكشف عليها في التوكيل
بالتوفيق
خليك في الجيل التامن احدث و موتور اقوى و منتشر و حاجاته متوفره سواء اصلي او استيراد و شكله ثوري
شكرا جدا للإفاده
العربيه محترمه جدا ولو عايز مساعده فى الكشف قوللى ..عندى واحد يكشفلك عليها ويقولك اللى فيها,,,ولو مش ناوى تاخدها يا ريت تقوللى على مكانها
عربية جميلة وممتازة يعيبها الاتى :
- قلة قطع الغيار
- المحرك سحبة مش زى فئات الهوندا ولا قبل او بعد
- التوب سبيد قليل اخرها 190 كم
- حاجاتها غالية سواء قطع غيار او اكسسوارات خارجية
ربنا يوفقك للخير....انا معايا سيفيك 2005 لكن في مكة لو كنت اشتريتها واحتجت اي استشارة أخوك موجود ......العربية بجد عملية معايا جدا وحمالة شقا ومشاوير.....وفي حاجة معروفة عن الموديل دة ان كان فية عيب مصنعي في الأكزوست اللي احنا بنسمية الفرن انه بيتشرخ ويهرب من عند الحساس وكانت شركة هوندا بتغيرة في التوكيل مجانا لأي عربية لم تتخطي 100 الف كم انا عندي العيب دة ظهر من سنة في العربية ولحمتة كهربا وشغال كويس .....نسيت أقولك كنت اشتريتها من سنة ونص عاملة 170 الف كم ب 11 الف ريال سعودي وصرفت صيانة في التوكيل حوالي 3 الاف ريال كمان صيانة وقائية مجموعة سيور وسير كاتينة وفلاتر وزيوت و 4 فرد كاوتش يعني كلة حوالي 23 الف جنية........تحياتي من مكة