أنا فاتح الموضوع ده عشان كل اخواتنا اللى عندهم خبرة فالتكييف الخاص بالمنزل ينصحونا بايه كموديلات ونشترى من أى شركات من خلال خبراتهم وتعاملهم مع شركات مختلفة ولو يمدونا كمان بالأسعار اللى نقدر نشترى بيها يبقا جزاكم الله كل خير :scooter:
عرض للطباعة
أنا فاتح الموضوع ده عشان كل اخواتنا اللى عندهم خبرة فالتكييف الخاص بالمنزل ينصحونا بايه كموديلات ونشترى من أى شركات من خلال خبراتهم وتعاملهم مع شركات مختلفة ولو يمدونا كمان بالأسعار اللى نقدر نشترى بيها يبقا جزاكم الله كل خير :scooter:
الموضوع ده هيفيدك
http://www.nilemotors.net/Nile/showthread.php?t=24124
أفضل تكييف في مصر حالياً هو شارب العربي
سواء شباك أو اسبليت
ضمان حقيقي وجودة معتمدة وصدق في التعامل
مع العلم أن الإسبليت أغلى
وإن كنت أفضل الأسبليبت للأسباب التالية:
- 1 - توفير في الكهرباء
- 2 - هدوء في التشغيل
- 3 - كفاءة أعلى
- 4 - سهولة في التركيب دون تكسير
- 5 - سهولة النقل فيما بعد
أما مكان الشراء فهناك الكثير من الإعلانات
وعن نفسي أشتري من معرفة لي متخصص وأمين ومحترم إسمه الأستاذ أحمد وله محل بالقرب من إشارة روكسي بشارع جسر السويس
ورقم تلفونه هو: 0122965618
وعنده خبره بحيث لو أعطيته مساحة الغرفة وهل فوقك جار أم منك للشمس من الممكن أن يحدد لك الإختيارات الممكنه
جزاك الله كل خير يا م/أحمد وفانتظار باقى نصائح الأخوة
والله احنا اشترينا السنة الي فاتت يونيون اير 2.75 حصان وجبناه من التوكيل اللي في الهرم
شارب العربي ممتاز قطعاً ولكن يعيبه أمرين هما :
1. ضعف الطاقة الإنتاجية والعمالة وبالتالي هتضطر تحجز تكييف الشباك ، واي مشكلة بيتأخروا فعلاً في حلها لأنهم ببساطة مش ملاحقين ، ودي إشارة على الجودة من ناحية لكن من ناحية تانية حاجة مش لطيفة .
2. إن التكييف في مصر من سنتين فقط وهو ما يجعل عيوبه غير قابلة للظهور الآن .
من حيث الفارق بين الاسبليت والشباك .. لي تعليق فقط على كلام أخي المهندس أحمد في أمرين هما :
1. استهلاك الكهرباء في الاسبليت مش أقل من الشباك ، يعني الاتنين زي بعض ، ودي من مصادر موثوق منها .
2. سهولة النقل فيما بعد الشباك أسهل بكثير في النقل من الاسبليت حيث التكييف كله قطعة واحدة بدون وصلات ولا أنابيب ولا أي حاجة ، وأدل الأمور على ذلك هو إن الشركة بتسقط ضمان الاسبليت لو اتنقل بدون معرفة الشركة ، لكنها لا تفعل الأمر ذاته مع الشباك .
أحسن التكييفات وأكثرها انتشاراً الآن من وجهة نظري هي :
شارب مع الوضع في الاعتبار الملاحظتين السابقتين .
يونيون إير .. وهذا يرجع لرسوخه في السوق المصري وعدم معاناته من أي تغيير في السوق .
كاريير : وهو جهاز ممتاز يعيبه فقط ضعف خدمة ما بعد البيع (لو احتجتلها )
تقبلوا جميعاً خالص مودتي
طب والأسعار؟ كاريير ، توشيبا .. الخ
الاسعار اللى عرفت أجيبها من الوسيط بالنسبة للشارب
شارب 2,25 حصان سبليت بارد/ ساخن مابين 4450 و 4600
شارب 1,5 حصان سبليت بارد/ ساخن مابين 3000 و 3150
مش عارف هل دى الأسعار النهائية ولا حد عنده اسعار أفضل
بصراحة تحفة وهو اد المهمة ده مغطى مساحة كبيرة اكبر من المفروض يا عني زي ما احنا عارفين كل مكيف له قدرة ومساحة يقدر يبرده احنا بقى مزودين المساحة بتاعته الضعف
وعلى فكرة انا زي ما بسمع يقولو شارب افضل بس يونيون وكاريير افضل بكتير
اولا اسم سمعة ماركة حاجات زمان في السوق
السنه اللى فاتت اشتريت كارير 1.5 حصان فى اوضة النوم بتاعتى بار بس لانى لا اقتنع بالتكييف السخن كان بالظبط ب 1790 جنيه والتكييف اكثر من رائع
السنادى اشتريت فى الليفينج رووم يونيون اير 2 حصان بارد فقط ب 2250 جنيه ولسه مركبه من اسبوع يعنى ماقدرش احكم عليه
الكارير ممتاز ممتاز واللى خلانى اجيب اليونيون اير 2 حصان انهم قالولى ان الكارير 2 حصان اتوقف انتاجه معرفش ليه
انا عندى تكييف شارب 2.25 حصان شباك منذ سنتين وما شاء الله شغال كويس لحد دلوقتى يعيبه بس "وده موجود فى كل الشباك" انه صوته عالى شوية
السنة دى جبت سبليت يونيون اير 1.5حصان وماشاء الله شغال كويس وصوته مفيييييييييييييش مقارنه بالشباك هو فى نقطة صغيره فيه بس مضايقانى
الريموت بتاعه وحش اوى لازم أقرب من التكييف اوى عشان يلقت ومش لازم يلقت من اول مرة
مش عارف بقى ده عيب عموما ولا عندى بس الراجل اللى ركب عندى قالى هو كده
لا طبعا الريموت مش طبيعي كدة. انا عندي اتنين تكييف يونيون اير 1.5 حصان و الريموت بيشتغل من بعيد عادي جدا حتى لو مش متوجه كويس ناحية التكييف. جرب تغير البطاريات يمكن هي للي ضعيفة
كلام حضرتك مظبوط كمقياس للكهرباء
لكن من وجهة نظر أخرى
نتيجة لجودة توزيع الهواء في الإسبليت وقلة الفواقد نتيجة فصل الجزء البارد عن الجزء الساخن
يصبح الإسبلت أعلى في الكفاءة وبالتالي أوفر في إستهلاك الكهرباء
أقصد بسهولة النقل عدم الحاجة لحفر شباك في الجدار
وبعد النقل لا نحتاج لسد الجدار
وبالتالي قرار النقل لن يكون صعباً
وشكراً
شكراً يا باشمهندس على التوضيح ، يعني باختصار احنا متفقين تقريباً..
تقبل خالص مودتي
ألمشكلة العجيبة دى عندى بردو فتكييف كاريير سبليت وكان الريموت زى الفل لمدة سنتين ومن سنة كده بقيت مضطر اقف قدام التكييف على بعد 30 سم عشان يشتغل وحاوت محاولات قد كده اجيب فبطاريات جديدة ولا حاجة نافعة لدرجة انى غيرت الريموت بريموت أخوه بزبط من تكييف كاريير جديد ونفس المشكلة مازالت موجودة !!!والأعجب أن الريموت القديم بتاعى جربتو عالتكييف الجديد اشتغل زى الفل ومن على مسافات عادى جداً!!!!!!:dots:
انا ركبت من شهر تقريبا وسنتجهاوس 1.5 حصان بارد فقط في اوده النوم بحوالي 2550 جنيه واشتريته من شمس اللي في مدينه نصر والحقيقه التكييف عجبني جدا ما شاء الله وتبريده جميل وصوته هادي وغالبا هجيب زيه في اللفنج بس لما تفرج شويه .
تم تركيب شارب 2.25 حصان :superman: AY-AP18HME بارد ساخن سبليت الحمد لله ب 4700 والسعر كان عالى شوية بس مقابل أني اشترطت تركيبه فى الحال وبالفعل فنص ساعة التكييف وصل البيت وركب
الله يبارك فيك والحمد لله جميل جداً ومفيش أى صوت نهائي وفيه خاصية تربو كول دى بتخليه يشغل اقصي عدد لفات للمروحة وينزل بالحرارة لدرجة 15 للتبريد العاجل طبعاً مقابل إجهاد الجهاز.
الريموت كويس بس كنت اتمنى شكل احلى من كده انا شايفو تقليدي أوي واقل درجة حرارة ممكن تنزلها عالريموت هى 18 درجة وعندي فالكاريير لغاية 16.
بالنسبة لموضوع البلازما كلاستر والأيونات +_ ده حاجة غير محسوسة مطلقاً بخلاف لمبة الأيون لما بتنور بلون ازرق جميل لكن هصدق اللى مشروح عنها من حماية ضد البكتريا والفطريات والغبار وما لذلك عشان مفيش غير انى اصدق المكتوب عن الأوبشن ده وخلاص ههههههههههه.:)
ملاحظات : وزن الكمبريسور 58 كيلو ، وزن الوحدة الداخلية 21 كيلو.
انا لسه مركب سبليت يونيون اير 3 حصان ب 4700
و بصراحه عاجبني جدا
بس بيشكروا في شارب جامد بس اغلى :(
حد يعرف حاجة عن تكييف باور المحمول
هو بـ 4000 و كسور (1.25 حصان) لييه
الحمد لله لسه مركب واحد امبارح
شارب 1.5 سبليت بارد ب 2925 جنيه "غلى فى اسبوع واحد 225 جنيه " و مش متوفر بكثره لانه العربى بيصدره فموجه انتاجه كله للتصدير
الجهاز اكتر من ممتاز و يعتبر الافضل فى السوق " كلام فنى التركيب" و قالى انه ميزته انه المواسير النحاس اللى فيه جودتها عاليه جدا
عيبه الوحيد ان الوحده الداخليه البلاستيك بتاعها منخفض الجوده
انا بصراحه من ساعه ما اشتريت مروحتين العربى وطلعوا مقلب وهما لسه جداد وانا لا اثق فى حاجه العربى نهائيا سواء شارب او توشيبا حتى لاب توب توشيبا او تلاجات شارب ملهمش اى علاقه بيهم (مستوردين بالكامل ) غير فى الضمان بس برده كرهت اى حاجه من ريحتهم اذا كانوا مش عارفين يصنعوا مروحه يبقوا هيصنعوا تكييف ولا تليفزيون بلازما ولعلمكم مستوى تلفزيونات توشيبا انخفض جدا جدا مع ان فى بيت العيله مركبين تكييفات شارب فى الحجرات 1.5 بس بحس ان المروحه صوتها عالى فى الاسبيلت وقدامى ولله العظيم مطلعين الريموت بتاع تكييف منهم من الكيس بتاعه شاشته مخدوشه وبعدين محدش اتكلم عن المكيفات trane اعتقد انها جامده جدا بس كتير ميعرفهاش لانها غاليه اوى ومش منتشره علشان مستورده بس ده اعتقد انها رقم واحد فى مصر وبالنسبه للخليج فماركه LG مكسره الدنيا هناك فى المكييفات والتلاجات
انا حجزت تكييف كرافت من b tech وهستلمه السبت ان شاء الله
2.25 حصان سبليت بارد بس ب 4150 تقفيل سعودي
ضمان سنة عالجهاز و 7 سنين عالكمبريسور وسمعت ان الكمبريسور بتاعه باناسونيك وده لا يعلى عليه
كنت بفكر في شارب وكاريير لكن الاتنين غير متوفرين حاليا هستنى عالاقل اسبوعين
ويونيون اير مش عارف ليه واخد سمعه مش اوي
ويستنجهاوس ضمانه زي كاريير سنة جهاز وسنتين كمبريسور ... ده غير ان واحد صاحبي كان شاري واحد من سنتين وبعد الضمان حصل فيه مشكلة مكلفه خلاني اصرف نظر عنه ( طبعا ده مش معناه انه جهاز وحش بس الواحد بيتشائم :) )
فكرت في جنرال اليكتريك بس اسعاره ناااااااار , ال 2,25 معدي خمسة الاف وشوية بس جهاز محترم
دي بعض الاسعار اللي لقيتها ممكن تفيد : كلها اسبليت
شارب :
2,25 بارد 4300
3 بارد ساخن 5200
كاريير : كله بارد ساخن وغير متوفر منه بارد فقط
1,5 2850
2,25 4400
3 5050
يونيون اير : بارد فقط ومتوفر منه بارد ساخن
2,25 4130
3 4700
كرافت : بارد فقط ومتوفر منه بارد ساخن
1,5 2650
2,25 4150
3 4750