الموضوع: احذرو ا واحد نصاب بيبيع عربيته علي موقع شهير لبيع السيارات

لا ياباشا لا تشتمه ولا يشتمك من ساعة ما البلاعة اتفتحت كنت سيبته بعربيته و مشيت و ماتكلمتش و السوق مليان
انا يوم ماجي ابيع عربيتي هاقول علي كل حاجة فيها و من خبطات لخرابيش و اللي عايز يشتري بالسعر المعروض اهلا و سهلا و يجي و يتفرج و يفتح و يقفل و عجبته يتوكل علي الله ماعجبتوش مفيش مشكلة فرصة سعيدة و السوق مليان بس كدة

المشاركة الأصلية كتبت بواسطة mi22do

احذروا فيه واحد نصاب علي موقع شهير لبيع السيارات "كونتكت كارز"- عارض سيارة لانسر موديل 2007- اتوماتيك - 1600سي سي و كاتب كلام جميل اوي في الاعلان و فابريقه بالكامل و انا اول مالك و صيانه مش عارف فين.

المهم رحت ابص علي العربيه علشان اللي معايا مانيوال و عايز اجيب حاجه اتوماتيك تريحني في السواقه و بقالي اكتر من شهر بدور .
رحت قابلته لابس بدله "علشان فيه ناس بتتخم في المظهر" , واول كلمه قالها هي مش راشه غير اكصدامين بس !! (مع ان الاعلان غير كدة ) ,
قلتله انت اول مالك ؟ ( قال اول مالك جوز اختي و انا معايا توكيل )!!
قلت اكمل و اشوف
, انا بفهم في العربيات بسيط جدا , يعني لو الحاجه مش واضحه وضوح الشمس مش هعرف مرشوشه ولا لا.
فتحت الكبوت و بتفرج و فتحت الشنطة و اتفرجت وجيت افتح تنك البنزين مش بيفتح - راح مش عارف جاب مفك ولا ايه و فتحه و لسه جاي اقرب من التانك لقيته بدء يزعق :)
مينفعش كدة انت فتحت الشنطه و فتحت الكبوت مينفعش كدة
قلتله هو ايه اللي مينفعش - قلتله اومال المفروض افتح ايه ؟ :)
طبعا عارفين هاين عليا اشتمه شتيمه قلكم عارفينها
قالي المفروض تاخد كلامي ثقه , هو فيه حد بيشتري عربيه عن طريق الكلام
قالي يبقي ارفعها في بنزينه ,, قلتله انا مش عايز ارفعها
المهم حسيت ان الموضوع هيكبر و هقل ادبي عليه - فقلتله طيب سلام و مشيت .
شفتوا الغش وصل لايه !!

احذروا يا رجاله النصابين كتيرررررر اوي اليومين دوووووول

المفروض انك تحط اللينك بتاع النصاب ده ىف الموضوع عشان بتكون الفائدة كاملة وتعم على الكل