الحقونى ... الفتيس الاوتوماتيك ربنا يستر عليه
السلام عليكم يا شباب
اخباركم ايه ؟؟
اتمنى تكونو بخير وعافية
الحقيقة انا معايا عربية اوبترا اوتوماتيك موديل 2008 ، عاملة دلوقتى حوالى 77 الف كيلو
بس بقالى فترة كدا بلاحظ حاجة غريبة ، وهيا ان العربية من بعد النقلة الرابعة ، وتقريبا من عند ال 100 او 80 بحس ان مافيش سحب ، بفضل دايس على البنزين ومافيش استجابة الا لو عملت حاجتين :
1- انى شيلت رجلى من على البنزين وحطيتها تانى ، احس انها رجعت تجمع
2-لو دوست على البنزين لحد ال kick down يعنى جيبت الدواسة لحد الاخر او قبل الاخر بشوية
3-لو دوست على زرار التسقيط بتاع HOLD
الحقيقة انا ركزت من عداد الار بى ام ، لقيت ان ساعات فى الحالات ديه العداد بيبقى بين 2 و 3 ، ومش راضى ساعات كتير يعلى عن ال 2 رغم انى بكون دايس بنزين ، وساعات وانا دايس يطلع لل 3 وينزل تانى ، اللى هوا مش يطلع ويكمل ويثبت ، لا بيطلع ويرجع تانى
وبردو فى حاجة كمان ان من حوالى شهرين كنت غيرت زيت الفتيس ، والزيت اللى قبليه كان معقول ، بعدها بشهر كنت بعمل شغل فى العفشة ، الواد لقى الزيت نازل مهبب ، طينة سورى يعنى، قالى لازم تغيره ، قولتلو ازاى دانا لسة مغيره ، جيبنا واحد بتاع فيتيس اوتوماتيك شافو قالى لازم ، وغيرلى الزيت وكمان نضفله المصفة بتاعت الزيت ، بعدها بحوالى شهر بالظبط جاب بشوف الزيت لقيته بردو نازل طينة :( :( ، روحت عملت نفس القصة وغيرت الزيت ونضفت الفلتر ، وحاليا خايف اروح للميكانيكى لحسن يقولى الفتيس فيه مشكلة ، وانا اصلا اعرف ان الفتيس الاوتوماتيك لو اتفتح ، يبقى كل سنة وانت طيب يا راجل يا طيب
مش عارف والله قلقان جدا
ياريت اسمع ارائكم يا رجالة
شكرااا جدا ليكم
السلام عليكم
