اخوكم جديد ومحتاج مساعده128 سريعه

مش هطول عليكم انا اليوم شوفت عربيه 128 زستافا موديل 1975 عجبتنى كاشكل ولاكن بما انى جديد ومش فاهم حاجه خالص خايف ارمى فلوسى فى الارض هبدأ بالحاله او بمعنى اصح كان معايا واحد صحبى عنده خبره قالى عليها
1 - العدادات مش شغاله ولا الاشارات يدوب العالى والواطى بس
2- عمه كربراتير مش موجوده محتاجه عمه جديده بيقولو 50 جنيه تقريبا
3- ظبط زوايا
4 - الكراسى عاوزه يا تروح لسروجى يا تتغير ياعادى تمشيك
5 -الدركسيون فى بوش حوالى ربع لفه كده وده بقى اللى هيجننى خايف يكون حاجه كبيره وتكلف معايا
6- دلوقتى لو عجبتنى هدفع مبلغ والباقى بعد شهر اكون كملت فلوسها ياترى اكتب عقد ابتدائى وده يضمن حقى واسف على الاطاله وربنا يخليكو ليا ياريت تعرفونى رأيكم فى انتظار الرد ومشكورين جدااا

دى ياستاذ عربية عوزة عربية ابعد عن الشر وغنيلة دى ال128 السليمة ضعيفة وعلى وصفك دى عربية واقعة سؤال هو حيديك فوقيها فلوس كام ؟؟

فرق السعر فيها وف موديلات التمانينات مش حاجه خليك فى 86 لحد 88 عربيات تضيفه وممكن توضب اقل من كده متركبش وعلشان تعرف تحس انك راكب عربية-لكن الوصف اللى بتقول عليه احسنلك تقضيها تاكسيات بتمن العربيه دى لانك هتصرف عليها قد تمنها ويمكن اكتر

اقتباس:

---

المشاركة الأصلية كتبت بواسطة aw2100

دى ياستاذ عربية عوزة عربية ابعد عن الشر وغنيلة دى ال128 السليمة ضعيفة وعلى وصفك دى عربية واقعة سؤال هو حيديك فوقيها فلوس كام ؟؟

---

مشكور على الرد والله حتى لو هيدينى فلوس مش هاخدها لانى هصرفها عند الميكانيكى

اقتباس:

---

المشاركة الأصلية كتبت بواسطة eng_hatemfathy

فرق السعر فيها وف موديلات التمانينات مش حاجه خليك فى 86 لحد 88 عربيات تضيفه وممكن توضب اقل من كده متركبش وعلشان تعرف تحس انك راكب عربية-لكن الوصف اللى بتقول عليه احسنلك تقضيها تاكسيات بتمن العربيه دى لانك هتصرف عليها قد تمنها ويمكن اكتر

---

فعلا صرفت نظر ولاكن ماكذبش على حضرتك بدور برده على نفس الموديلات اللى قبل 80 لان المبلغ المتاح 7500 ومشكور على الرد

اقتباس:

---

المشاركة الأصلية كتبت بواسطة ahmed air

فعلا صرفت نظر ولاكن ماكذبش على حضرتك بدور برده على نفس الموديلات اللى قبل 80 لان المبلغ المتاح 7500 ومشكور على الرد

---

رأى الشخصة يبقى خليك فى السيات لحد ما ربنا يكرمك ويرزقك من فضله لان اقل من 80 يعنى عربيه عندها 33 سنه مفيش فيها حاجه سليمه ولا صاج ولا عفشه ولا موتور ولا فرش ولا كهرباء ولا اكسسوار ولا عدادات يبقى ليه ادفع فى عربيه مصاريفها اغلى مكن غيرها وبعدين مشكلة ال 128 لو مقاسات العربيه مش حلوة هتجننك من فتح الشاسيه وتركيب ورد وملص كبالن فخليك فى سيات الموتور فوق العجل واخرك حوض الموتور بكل اللى فيه
واهى عربيه تغنيك عن قرف المواصلات واكيد ربنا هيكرمك
بس خليك بعدد عن 128 او 127 القديم
مش هتحس ان معاك عربيه -هتحس انك انضاف عليم عيل رزل كل شويه عند الدكتور

دور على 127 توب قطع غيرها رخيصة والفلوس الى معاك حتظبط بيها وحدة حلتها كويسة

اقتباس:

---

المشاركة الأصلية كتبت بواسطة magedmega

دور على 127 توب قطع غيرها رخيصة والفلوس الى معاك حتظبط بيها وحدة حلتها كويسة

---

+111

اقتباس:

---

المشاركة الأصلية كتبت بواسطة magedmega

دور على 127 توب قطع غيرها رخيصة والفلوس الى معاك حتظبط بيها وحدة حلتها كويسة

---

والله ياباشا انا بعشق العربيه التوب دى بس للاسف مش لاقى وحده حالتها كويسه ثانيا لو لاقيت بيطلبو فيها 13000 واسعار خياليه بصراحه