بصراحة من احسن لحظات ركوب السيارة لما اكون راكب فى الكنبة الخلفية
ومش شايل هم السواقة
وهم المطبات
وهم الزحمة
وهم الميكروباصات
وهم النقل التقيل ابو دم تقيل
وهم الركنة
وهم البنزين
وهم العربية عايزة غسيل
وهم صيانة التوكيل قربت
وهم الركنة جنب البيت وخربشة الاطفال والكبار على العربية
وهم مشاوير البيت اللى ما بتخلصش
انا دلوقتى بافكر بس مش لاقى وقت اعلم مراتى السواقة
واخلص من مشاوير البيت
وبالمرة لو امى عايزة مشوار اهو مراتى تقوم بالواجب
بجد انا زهقت من السواقة فى مصر