عربية ممتازة بمعنى الكلمة
وينفع تعملها صيانة برا التوكيل
السوق منزل سعرها لكن لو حالتها كويسة جدا هتلاقيها ماسكة سعر
عرض للطباعة
عربية ممتازة بمعنى الكلمة
وينفع تعملها صيانة برا التوكيل
السوق منزل سعرها لكن لو حالتها كويسة جدا هتلاقيها ماسكة سعر
للاسف دة حال السوق المصرى
برغم ان العربية اكثر من محترمة ..
و الله يا باشا انا مجربتش ستروين c3 Picasso عشان مفتيش ..
بس هى عموما عفشة السى فور مش ناشفة بالطريقة البايخة ، هى ناشفة بالنسبة للميجان لأن الميجان عفشتها ناعمة يعنى حتى الكلام ده انا حاسه مع الفلوينس برضه عفشتها انشف من الميجان و عربيات كتير جديدة برضه نفس الكلام
بس متقلقش ستروين عملاقة فى موضوع العفشة ده فمش هتطلع حاجة وحشة
يعنى من الاخر الواحد مينفعش يشترى العربية دى بأى شكل من الاشكال؟؟
الى قدامه واحده نضيفه يقولى وانا قابل بيها رغم اى كلام سلبى بتقولوه عليها هههههه
ثقافة سوق+ كتر إشاعات + بعض الأعطال اللى ظهرت فى العربية.
عموماً مش أى حاجة تشوفها على مواقع البيع و الشراء على النت بتبقى صح...........أو بمعنى أخر مش أى عربية هتبقى حالتها كويسة.
كان فيه حكاية حصلت من أكتر من 4 سنين.........موضوع أتفتح عن ميجان معروضة على النت ب 55 ألف
إختصاراً كده........كلمت الراجل
العربية حالتها أيه ؟
كويسة و زى الفل
الكلام ده أكيد ؟ أنا معايا واحدة و عاوز أشترى واحدة تانية لمراتي......أنا عارف العربية كويس يا ريت لو فيه حاجة تقولي علشان منضيعش وقت بعض
الراجل قالي العربية كويسة بس هى مغيرة ربع خلفي.
عموماً............لو عاوز تشتري ميجان............أشتري....بس أهم حاجة حالة العربية و الكشف فى التوكيل.
ثقافة سوء ليس الا غير كدة
العربية ناعمة وسحبها مرضي
امكانيات ووسائل الامان الي فيها مش نوجودة غير في عربيات فئة الجيتا والباسات و بي ام الفئة التالتة
والسعر الواقع دة بسبب الاشاعات الي طلعت عليها اول ماانزلت بسبب انها كانت نقلة كبيرة وهائلة في التكنولوجيا وبقي الصنايعية مش فاهمين فيها حاجة ويبقي واقف الصنايعي من دول قدام الحوض ومش فاهم حاجة ويبقي حمار حصاوي يقوم بقي مطلع اشعة انها عربية معقدة وغريبة ومش بتتصلح والكلام دة بس الحقيقة ان هو الي جاهل ومبيطورش من نفسوا عشان يقدر يضاهي التكنولوجي بس كدة
من أظرف الإشاعات اللى سمعتها عن الميجان
العربية بتاكل بطارية ( بتحصل بس لما تكون جعانة قوي)
العربية كل فترة بترفض تتحرك غير لما توديها التوكيل ( أيوة و بتحلف أنها مش هتتعتع من مكانها إلا لو جبت التوكيل لحد عندها )
كارت الميجان لو باظ بيتجاب من التوكيل ب 30 الف جم ( ده كارت أيه ده إن شاء الله........يعنى لو عاوز كارتين تجيب عربية تانية مستعملة احسن بقى )
كمبيوتر العربية بيهنج ( معلش أصل نسخة الويندوز مضروبة )