تحقيق رقم (1) بطريق مصر إسكندرية الزراعي عند تقاطعه مع كبري طنطا العلوي(تمثال ال.....

تحقيق رقم (1) بطريق مصر إسكندرية الزراعي عند تقاطعه مع كبري طنطا العلوي الذي أنشئ في أوائل التسعينات:no:
راجع الصورة بالأسفل

* من الأمور البديهية التي يعلمها الأمي والعامي قبل المثقف والمتخصص أنه عند مرور طريق رئيسي داخل منطقة سكنية وتقاطعه مع عدة شوارع فرعية فإذا تم تقرير إقامة كوبري لحل تلك المشكلة فإنه سيتم بناؤه على الطريق الرئيسي ليمر فوق التقاطعات السكنية

أما ما حدث عند بناء كبري طنطا العلوي فقد تم بناؤه داخل المدينة وأصبح الطريق الزراعي الرئيسي يمر سطحياً أسفل منه
وحدث ولا حرج عن حوادث المشاة نتيجة لعبورهم سطحياً للطريق الزراعي وكذلك عن الإعاقات المرورية للطريق الزراعي نتيجة المحلات التجارية والإشغالات والتعديات وأضف لذلك عبور المزارعين بدوابهم وغير ذلك

* لذلك فإنه لابد من وقفة جادة لمراجعة ملابسات هذا الأمر لتلافي تكراره مرة أخرى
* فإذا كان بناء كبري لحل مشكلة مرورية بطريق رئيسي من الطرق الرئيسية المعدودة في جمهورية مصر العربية أمر صعب المنال لقلة الموارد
فإنه عند تنفيذ هذا الكبري وصرف الكثير من المال العام ثم تتدخل في تنفيذه المصالح الخاصة ليتم عكس مساره بالكامل وتصبح جدواه منعدمة إلا لبعض أصحاب المصالح المادية الخاصة الذين يهمهم مرور السيارات بالطريق الزراعي سطحياً في هذا المكان
فإنه لابد من وقفة ولو بعد عشرين سنة لمحاكمة المسئولين عن تنفيذ كبري طنطا العلوي أو كما يروق لبعض أهالي طنطا تسميته بكبري تمثال الرشوة !!!!!!!!!!
راجع الصورة بالأسفل

http://www12.0zz0.com/2009/09/12/11/268098272.jpg
__________
تم تعديل رابط الصورة
الاشراف العام

فعلا أنا فضلت أعدى على الكوبرى حه 4 سنين يوميا وأنا رايح جاى من الكليه وكنت بأستغرب.
ولما سألت هوه ليه الكوبرى ده بالعرض على الطريق ومش بالطول(لتجنب إختراق الطريق جوه البلد؟؟).
لاقيت الرد جاهز وكل الناس عارفاه:
-هوه إنت ما تعرفش الكوبرى ده خلى المتر بكام فى منطقة الإستاد.
-إنت يعنى مش عارف مين اللى ساكن فى المنطقه دى.
-يا بنى منطقة الستاد دى بكره تبقى أحسن من شارع النادى وشارع محب كمان.
...............وقد كان...........
عمااااااااااار يا مصر

اقتباس:

---

المشاركة الأصلية كتبت بواسطة ahmed1981

تحقيق رقم (1) بطريق مصر إسكندرية الزراعي عند تقاطعه مع كبري طنطا العلوي الذي أنشئ في أوائل التسعينات:no:
راجع الصورة بالأسفل

* من الأمور البديهية التي يعلمها الأمي والعامي قبل المثقف والمتخصص أنه عند مرور طريق رئيسي داخل منطقة سكنية وتقاطعه مع عدة شوارع فرعية فإذا تم تقرير إقامة كوبري لحل تلك المشكلة فإنه سيتم بناؤه على الطريق الرئيسي ليمر فوق التقاطعات السكنية

أما ما حدث عند بناء كبري طنطا العلوي فقد تم بناؤه داخل المدينة وأصبح الطريق الزراعي الرئيسي يمر سطحياً أسفل منه
وحدث ولا حرج عن حوادث المشاة نتيجة لعبورهم سطحياً للطريق الزراعي وكذلك عن الإعاقات المرورية للطريق الزراعي نتيجة المحلات التجارية والإشغالات والتعديات وأضف لذلك عبور المزارعين بدوابهم وغير ذلك

* لذلك فإنه لابد من وقفة جادة لمراجعة ملابسات هذا الأمر لتلافي تكراره مرة أخرى
* فإذا كان بناء كبري لحل مشكلة مرورية بطريق رئيسي من الطرق الرئيسية المعدودة في جمهورية مصر العربية أمر صعب المنال لقلة الموارد
فإنه عند تنفيذ هذا الكبري وصرف الكثير من المال العام ثم تتدخل في تنفيذه المصالح الخاصة ليتم عكس مساره بالكامل وتصبح جدواه منعدمة إلا لبعض أصحاب المصالح المادية الخاصة الذين يهمهم مرور السيارات بالطريق الزراعي سطحياً في هذا المكان
فإنه لابد من وقفة ولو بعد عشرين سنة لمحاكمة المسئولين عن تنفيذ كبري طنطا العلوي أو كما يروق لبعض أهالي طنطا تسميته بكبري تمثال الرشوة !!!!!!!!!!
راجع الصورة بالأسفل
http://www3.0zz0.com/2008/07/11/08/376741147.jpg

---

احبك وانت راسم الخريطه يا بشمهندس احمد
بس انت شكلك مش ناوى تجيبها لبر وهتودينا كلنا فى داهيه معاك :fool:
هو انت متعرفش ان النت متراقب!!!!!!!!!!!!!!!!
ربنا يجعل كلمنا خفيف عليهم وبعلنها من هنا !!!! انا مش معاهم انا معاكى "قصدى انا مع الحكومة الرشيده "
ويجعله عامر:wheelchair:

اقتباس:

---

المشاركة الأصلية كتبت بواسطة shalaby2001

بس انت شكلك مش ناوى تجيبها لبر وهتودينا كلنا فى داهيه معاك :fool:
هو انت متعرفش ان النت متراقب!!!!!!!!!!!!!!!!
ربنا يجعل كلمنا خفيف عليهم وبعلنها من هنا !!!! انا مش معاهم انا معاكى "قصدى انا مع الحكومة الرشيده "
ويجعله عامر:wheelchair:

---

عسل والله
سلمها لله يا أستاذ شلبي
إحنا متفائلين خير :wheelchair:

نتفأل؟؟؟؟؟؟؟؟؟؟؟؟؟؟
يعنى ايه؟:oops:

تصدق انا اول مرة اخد بالى من النقطة دى رغم انى بعدى من هناك كتير وفعلا المنطقة دى بالذات بتبقى قمة فى الفوضى طريق سريع وناس بتعدى الطريق بمزاجها وميكروباصات واقفة بتحمل

اقتباس:

---

المشاركة الأصلية كتبت بواسطة shalaby2001

نتفأل؟؟؟؟؟؟؟؟؟؟؟؟؟؟
يعنى ايه؟:oops:

---

مش عارف معنى الكلمة دى !!! العيب فيا ولا فالكلمة

اقتباس:

---

المشاركة الأصلية كتبت بواسطة shalaby2001

نتفأل؟؟؟؟؟؟؟؟؟؟؟؟؟؟
يعنى ايه؟:oops:

---

اقتباس:

---

المشاركة الأصلية كتبت بواسطة MEDO_AHMED2

مش عارف معنى الكلمة دى !!! العيب فيا ولا فالكلمة

---

للأسف يوجد خطأ مطبعي
نتفأل = نتفاءل

لكن برضة سنتفاءل

ملاحظة ذكية جداااااااااا انا بروح طنطا كتير ومخدتش بالي من الموضوع ده

ملاحظة ذكية جداااااااااا انا بروح طنطا كتير ومخدتش بالي من الموضوع ده

السبب اللي سمعتة وقت انشاء الكوبري انه لو اتعمل على الطريق حيقطع عيش محطات البنزين و اكشاك بيع الحلويات والكافتريات المتشره على الطريق
وقيل وقتها انة تم دفع مليون جنية لتغيير مسار الكوبري للوضع الحالي والله اعلم
واهى دارت الايام وتم عمل طريق جديد خارج المدينه تماما شفته اول مره في اجازتي الاخيرة في طريقي من القاهرة للاسكندرية
ما كان من الاول بدل المصاريف على الفاضي

عشان تعرفوا ان دراسات الجدوى في مصر زي قلتها و بتتعمل عشان الناس ترزق وخلاص

وعقبال افتتاح المرحلة المائة لكوبري اكتوبر لتفادي الاختناق في مدخل المنيا ونقل الاختناق لمدخل اسيوط
و دمتم

بصوا يا رجالة
الكوبرى ده اتعكس مساره فعلا بسبب الكازينوهات و اكشاك الحلويات اللى على السريع و خصوصا كازينو كان اسمه البوريفاج حاليا اتهد خلاص
لان الكوبرى كان هياخد العربيات من قبل البوريفاج ينزلهم بعده و كمان فيه محطة بنزين اسمها اندريا قدام البوريفاج على طول
و هما دول الاتنين اللى كانوا جامدين و هيتاثروا بالكوبرى

اما بالنسبة لموضوع الكوبرى الجديد اللى بين دفرة و كفر الزيات و من برة طنطا خالص
الكوبرى ده شبه مش شغال لانه بفلوس
الملاكى 3جنيه
نص نقل و ميكروباص 5
و هكذا الى النقل يدفع 15 جنيه
و بالتالى لم يساهم فى المطلوب منه و هو تخفيف المرور من داخل طنطا
و لو اى حد عدى من عند طنطا على السريع هيلاقى فيه حتة فيها مطبين صناعيين بالعرض غير البتاع الرفيع اللى بيحطوه بالعرض برضه
و ده سببه كالاتى
ان المنطقة المعمول فيها المطبات دى اصلا منطقة حوادث و على طول ناس تتخبط انا شخصيا واحد صاحبى اتخبط و كان بين الحياة و الموت بس ربنا ستر و اخر حادثة كانت واحدة ست فالاهالى اللى ساكنين بجوار السريع طلعوا على السريع و جابو دبش و رصوه على الطريق فى الناحيتين و قعدوا على الطريق و يومها الطريق وقف من طنطا لحد بنها و جالهم مساعد مدير الامن و شوية ناس و اتكلموا فى قصة الكوبرى الجديد بتاع دفرة - كفر الزيات و قاللهم ان ده مشروع استثمارى و ما يقدروش يلغوا الرسوم بتاعته و راضوا الناس بموضوع الكام مطب دول

الخلاصة
طنطا او الغربية عامة من اسوأ المحافظات اهتمام او تخطيط او نظافة

لو حد من المحلة مثلا يحكيلكوا على منظر شوارعها كلها مكسرة من ايام الغاز الطبيعى فيها شوارع نص عرضها اكوام رطش من الحفر و شغالة نصها بس و من سنين

اقتباس:

---

المشاركة الأصلية كتبت بواسطة meeezo333eg

الخلاصة
طنطا او الغربية عامة من اسوأ المحافظات اهتمام او تخطيط او نظافة

لو حد من المحلة مثلا يحكيلكوا على منظر شوارعها كلها مكسرة من ايام الغاز الطبيعى فيها شوارع نص عرضها اكوام رطش من الحفر و شغالة نصها بس و من سنين

---

أنا فعلاً زرت أقاربي في المحلة الكبرى
والشوارع هناك فضيحة
البلد محفورة بالكامل
ده غير إني أكلت مطب محترم على سرعة 80 قبل المحلة بحوالي 2 كيلو بالليل ليلة العيد الماضي نطرت العربية وبهدلتها خالص

فعلاً طرق محافظة الغربية سيئة جداً

لكن أن يصل الفساد ليتم عكس مسار كوبري بالكامل
فهذا ما لا أستطيع بلعه منذ أكثر من 18 سنة تقريباً
ومتأكد أن الله تعالى لن يترك من فعلوا ذلك بل يمهلهم ليأخذهم أخذ عزيز مقتدر

بالنسبه لموضوع الكوبرى ده
ده فعلا دليل صغير من دلائل الفساد فى البلد
بالنسبه للطريق الجديد
ده بقى موال تانى
الاول كان مش شغال علشان الرسوم
ثانيا لانه اطول من الطريق العادى
مطبات وعملوا والناس لسه على الطريق العادى
السرعه حددوها 60 كم وبرده مش فارقه
اخيرا تجديد كوبرى الدلجمون بقاله كتير جدا قافل الطريق
يعنى وانت راجع من الاسكندريه فى اتجاه القاهره
لازم تطلع من على الكوبرى الجديد وتدفع
او تدخل من بلد ارياف اسمها ابو الغر وده طريق طويل
وهما اتصرفوا وملوه مطبات علشان تقول ادفع الرسوم اوفر واسرع
بس ده عامل لنا احنا مشكله فى طنطا
بيخلينا لازم نعدى من عليه ونضطر نرجع تانى لطنطا وده مسافه اطول حوالى 15 كيلو متر
يعنى رسوم ومشوار اطول وتعب قلب على الفاضى
بس ربنا يسهل وتتحل المشكله فى خلال كام سنه
وبعدها يقلبوا التجديد فى الاتجاه التانى
وطبعا المطبات والبلاعات داخل البلد
حدث ولا حرج
وابقى سلملى على جوزك يا اسماعيل بيه

اقتباس:

---

بالنسبه لموضوع الكوبرى ده
ده فعلا دليل صغير من دلائل الفساد فى البلد
بالنسبه للطريق الجديد
ده بقى موال تانى
الاول كان مش شغال علشان الرسوم
ثانيا لانه اطول من الطريق العادى
مطبات وعملوا والناس لسه على الطريق العادى
السرعه حددوها 60 كم وبرده مش فارقه
اخيرا تجديد كوبرى الدلجمون بقاله كتير جدا قافل الطريق
يعنى وانت راجع من الاسكندريه فى اتجاه القاهره
لازم تطلع من على الكوبرى الجديد وتدفع
او تدخل من بلد ارياف اسمها ابو الغر وده طريق طويل
وهما اتصرفوا وملوه مطبات علشان تقول ادفع الرسوم اوفر واسرع
بس ده عامل لنا احنا مشكله فى طنطا
بيخلينا لازم نعدى من عليه ونضطر نرجع تانى لطنطا وده مسافه اطول حوالى 15 كيلو متر
يعنى رسوم ومشوار اطول وتعب قلب على الفاضى
بس ربنا يسهل وتتحل المشكله فى خلال كام سنه
وبعدها يقلبوا التجديد فى الاتجاه التانى
وطبعا المطبات والبلاعات داخل البلد
حدث ولا حرج
وابقى سلملى على جوزك يا اسماعيل بيه

---

الكلام ده بيحصلي كل مااجي رايح طنطا وبمشي من علي الكوبري الجديد عشان أول مرة بعد ما حولوا الطريق الي طريق ابو الغر مشيت فيه علي يجي100 مطب صناعي جبال وخد أكتر من ساعة وفي الاخر خبطت كلب كان حا يدغدغ العربية لولا اني كنت متوقع انه يعدي الطريق فهديت السرعة قبل ممسك فرامل جامد واخبطه بالراحة فيجري ومدوستش عليه الحمد لله ولا كان دغدغ العربية تماما

انا من المنصورة وفي طب طنطا وبقالي 5 سنين كل ما بعدي الصبح او الظهر على المكان ده بحس ان الكوبري ده معمول لتخليد غباء الشعب المصري

سورري
هيا بلدنا كده وعمرها ما هتنظف ابدا

انا برضه من المنصورة .. و بروح طنطا فى المناسبات كدا ...ههههه

المهم: انا عايز اقول ان الطريق كله غباء فى غباء ...عادى يعنى ..

اهم حاجة تخلى بالكوا من حارة الــu turn اللى هى الحارة السريعة ...دى بتعمل بلاوي

100 كم/س اخرك يعنى

اقتباس:

---

المشاركة الأصلية كتبت بواسطة boing

انا من المنصورة وفي طب طنطا وبقالي 5 سنين كل ما بعدي الصبح او الظهر على المكان ده بحس ان الكوبري ده معمول لتخليد غباء الشعب المصري

---

الكبري كان متصمم صح
وقبل التنفيذ
حصل شيء من تحت لتحت
وتم تغيير مسار الكبري للعكس تماما ليناسب أحوال الذي قام بدفع ال؟؟؟؟؟؟؟؟؟

اقتباس:

---

المشاركة الأصلية كتبت بواسطة boing

انا من المنصورة وفي طب طنطا وبقالي 5 سنين كل ما بعدي الصبح او الظهر على المكان ده بحس ان الكوبري ده معمول لتخليد غباء الشعب المصري

---

ههههههههههههههه

بصراحة ردك ضحكنى

دايما كنت حاسس ان فى حاجة غلط فى موضوع الكوبرى وعزل منطقة الاستاد كدة بس الصراحة اول مرة اخد بالى ان الكوبرى هوا اللى مقلوب هههه

لكن دة كلة كوم وموضوع المطبات اللى على الطريق دى كوم تانى ان كان فى منطقة الكوبرى ولا قبلها ولا بعدها

مسخرة

بس عادى بقى الطريق كلة من أولة لاخرة زى الزفت ومبقاش طريق سريع اصلا ولا تعرف تجرى علية غير بالليل

احب اهنيكم بجد عالتوبيك وبجد كلامكم كله صح
بس نصيحه لجيرانا اللى فى طنطا وهما راجعيين من اسكندريه متدخلوش الطريق الجديد
ريحوا نفسكم وادخلوا كفر الزيات ومنها اطلعوا عالطريق تانى
احسنلك من اللفه بتاعه الطريق الجديد
وادعوا بقى كوبرى الدلجمون يخلص لاحسن ده بقى حاجه لا تطاق
عربيتى اتخبطت مرتين هناك
وربنا على كل ظالم ومفترى

انا من مواليد طنطا عام 67 وامضيت طفواتى البريئة هناك حتى تاب الله على وتركتها نهائيا وقد شاهدت بنفسى بناء هذا الكوبرى وانا طفل صغير فى المرحلة الابتدائية وكبرت ودخلت الكلية فكان افتتاح هذا الكوبرى العملاق الذى لا يتعدى طوله 007 متر واستغرق اكثر من 12 سنة لبناءه بطريقة بدائية جدا ولكن الحق يقال ان هذا الكوبرى انشا فى وقت كانت طنطا فيه جميلة وعدد السكان قليل جدا وكان فيه اخلاق ونظام اما الان فعندما انزل طنطا لزيارة الوالد وامر غصب عنى على هذا الكوبرى العظيم اشعر بان هذا المكان مثل مولد السيد البدوى على مدار الساعة وعلى مدار العام (يمكن لتنشيط السياحة فى طنطا ).
على فكرة الكوبرى ده اصبح قديم جدا واعتقد انتهى عمره الافتراضى ويجب على المسؤلين فى المحافظة ايجاد بديل
والكلام عنه الان اصبح لا قيمة منه.

تصدق فعلا ما أخدتش بالى منها خالص

enta ragel 3asal

نعم هو فساد إداري يحتاج لتحقيق

داه مش فساد إداري. داه فساد فكل معانى الكلمة.

حسبنا الله ونعم الوكيل

يا باشا لو اتعمل صح مكنش هيبقى فى المحلات اللى تحت يبقى الموضوع دة كلو مبنى على رشوة من كشكول اللى هوة المطعم اللى على السريع تحت الكوبرى المفروض يعاد التحقيق فى الموضوع دة

طبعا فيه فساد واضح وكل أهالى طنطا عرفين الموضوع دة. أنا من زمان أسمع إن بنزينة موبيل (أندرية)هما السبب والله أعلم .
ولاحياة لمن تنادى.
مش عارف الى عمل كدة وكان سبب فى موت ناس كتيييييير هيكون عقابة أد إية عند ربنا.

بعد تفكير عميق فى الموضوع

اكتشفت ان العيب فينا احنا كمواطنين


الحكومه عملت الكوبرى ده علشان خايفه على العربيات من المشاه

عملوا كوبرى فوق الطريق السريع علشان الناس تعدى عليه

ويرحموا العربيات اللى ماشيه من الحوادث

الناس غلطانه

بتعدى من تحت ليه

هوا إنتا تقصد كوبرى الإستاد؟؟؟

اقتباس:

---

المشاركة الأصلية كتبت بواسطة original

هوا إنتا تقصد كوبرى الإستاد؟؟؟

---

هو متوضح في الصورة الموجودة في أول الموضوع
لكن أنا مش عارف إذا كان إسمه كوبري الإستاد

اقتباس:

---

المشاركة الأصلية كتبت بواسطة original

هوا إنتا تقصد كوبرى الإستاد؟؟؟

---

هو بالظبط

الكوبرى اللى بيطلع من اخر شارع البحر وينزلك قبل الاستاد

وتحته المعرض وبنزينه اندريا

وبينزل عند حديقه الطفل

انا فعلا مشترك معاك في الرأي دا يا أحمد

انا قعدت خمس سنين اجي كل يوم طنطا وامر من المزنق دا واعاني بشدة

لدرجة اني نس كلامك كنت بتكلموا مع اصابي دايما عند وصولنا لطنطا

حاجة تغيظ ......

لما يغيرو مسار الكوبري علشان مطعم و بنزينه... يبقيث فساد طبعاً

فعلا الموضوع ده لاحظته كتير

شكرا انك بينت النية منه

وشكرا

نعم هو فساد إداري يحتاج لتحقيق

نعم بكل تاكيد فساد ادارى والله اعلم متى سيتم التحقيق

:B4_556::khd::majd(4)::36_7_4[1]::36_1_2[1]::k26::8954[1]::H_angry[1]::k17: