اقوال مأثوره لبعض الاغبياء في حياتنا
القول الاول : ابن صديق والدي و هو شاب ملتحي و ملتزم و بسم الله ما شاء الله عليه و في احد ايام اجازه العبد لله جاء هذا الشاب و ابيه لزيارتنا فتطرقنا لموضوع جنسيه والده ابو اسماعيل
والدي و والده مصرين علي كذب الشيخ بينما الشاب مصر علي صدق الشيخ و كالعاده "انا عامل فيها من بلطشيم" ففي نهايه الحوار قال الشاب بحزن شديد
"حرام عليكما تقولوا علي والده شيخنا كده لان بالعقل اسمها نوال فهتبقي امريكيه ازاي؟"
تبا ان مرارتي الصغيره لا تحتمل
القول الثاني : احد اصدقائي و هو شاب عادي متزوج و لديه ولدان فتطرقنا للحديث عن الزواج و "خلفه العيال و اللي بتعمله فينا الحريم ربنا يهديهم" ففي نصف الحديث تكلمت عن "القايمه اللي بيمضي عليها العريس" فوجودت دفاعا اعمي عن تلك "القايمه" علي عكس توقعاتي فحاولت اقناعه ان "القايمه دي ممكن توديه في داهيه هو و اهله و ملهاش لزمه اصلا و لكن فضل مصمم علي رأيه" ففي نهايه الحديث اتحفني و قال لي
"القايمه دي حقها في مقابل انك بتستمع بيها"
"بقدره قادر اتحولت من خالد لحسين و اخد اللي فيه النصيب عشان مش ناقصه تخلف"
القول الثالث : اضطررت لركوب تاكسي و كعاده سائقي التاكسي "قعد يرغي معايا" فتطرقنا كالعاده لموضوع الزواج و انجاب الاطفال ففي منتصف الحديث قالي لي اغرب كلام سمعته في حياتي
"يا باشا احنا بنخلف عشان يا نجيب واد نديله بالجزمه عشان يطلع راجل و يقف جنبك لما تكبر يا اما تجيب بت تعد تعلف فيها لحد ما تكبر و توقعلك عريس تقلبه في كل اللي صرفته علي عيالك"
"انا كنت عايز ارمي نفسي من الشباك بسبب العقليه الفذه دي"
اي شخص سمع اقوال مأثوره من تلك النوعيه يتفضل بكتابتها